• usd 378.65
  • eur 430.07
  • rub 6
  • cny 55.1
23 قىركۇيەك، 04:37:06
كەكىلباەۆقا ارنالعان كەش

20 تامىز، 2019 تاعايىنداۋ

بەردىبەك ساپارباەۆ جاڭا قىزمەتكە تاعايىندالدى

بەردىبەك ساپارباەۆ ؛پرەمەر-مينيستردىڭ ورىنباسارى بولىپ تاعايىندالدى دەپ حابارلايدى qamshy.kz اقپارات اگەنتتىگى اقورداعا سىلتەمە جاساپ.

وسىعان دەيىن بەردىبەك ساپارباەۆ ەڭبەك جانە حالىقتى الەۋمەتتىك قورعاۋ ءمينيسترى بولعان ەدى.

"بەردىبەك ماشبەكۇلى ساپارباەۆ قازاقستان رەسپۋبليكاسى پرەمەر-مينيسترىنىڭ ورىنباسارى بولىپ تاعايىندالسىن، ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنەن بوساتىلسىن"، - دەلىنگەن اقوردانىڭ حابارلاماسىندا.

ول 1953 جىلى قىزىلوردا وبلىسىنىڭ جاڭاقورعان اۋدانىنداعى بەسارىق اۋىلىندا تۋعان. ەڭبەك جولىن قىزىلوردا وبلىسىنىڭ زاداريا كەڭشارىندا جۇمىسشىسى بولىپ باستادى.

جوعارى وقۋ ورنىن اياقتاعاننان كەيىن مەملەكەتتىك ەڭبەك جيناق كاسسالارى رەسپۋبليكالىق باسقارماسىندا ەكونوميست، قازاق كسر-ى قارجى مينيسترلىگىندە ەكونوميست بولىپ قىزمەت اتقاردى.

قازاقستان رەسپۋبليكاسى ءبىلىم ءمينيسترىنىڭ ورىنباسارى بولدى، قر پرەزيدەنتى اپپاراتىندا جانە مينيسترلەر كابينەتىندە جۇمىس ىستەدى. ؛ 1995-1999 جىلدارى قىزىلوردا وبلىسىنىڭ اكىمى، 1999-2002 جىلدارى وڭتۇستىك قازاقستان وبلىسىنىڭ اكىمى بولدى.

قر كەدەندىك باقىلاۋ اگەنتتىگىنىڭ ءتوراعاسى، قارجى ۆيسە-مينيسترى - قر قارجى مينيسترلىگىنىڭ كەدەندىك باقىلاۋ كوميتەتىنىڭ ءتوراعاسى (2002-2006)، قر پرەمەر-مينيستر كەڭسەسى جەتەكشىسىنىڭ ورىنباسارى - قر پارلامەنتى ماجىلىسىندەگى ۇكىمەتتىڭ وكىلى (2006-2007)، قر ەكونوميكا جانە بيۋدجەتتىك جوسپارلاۋ ۆيسە-مينيسترى قىزمەتتەرىن اتقاردى. ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر