مەمقىزمەتكەرلەردىڭ جەمقورلىق ارەكەتى ءۇشىن ءبىرىنشى باسشى قىزمەتىنەن بوساتىلادى

مەملەكەت باسشىسى سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكباەۆتى قابىلدادى, &ndash؛ دەپ حابارلايدى ؛qamshy.kz اقپارات اگەنتتىگى.

قاسىم-جومارت توقاەۆقا سىبايلاس جەمقورلىققا قارسى ءىس-قيمىل اگەنتتىگىنىڭ بيىلعى 7 ايداعى جۇمىستارىنىڭ نەگىزگى ناتيجەلەرى مەن ۆەدومستۆونى قايتا قۇرۋ شارالارىن ۇيىمداستىرۋ تۋرالى باياندالدى.

اليك شپەكباەۆ پرەزيدەنتكە اگەنتتىك قۇرىلىمىندا جاڭادان قۇرىلعان 5 دەپارتامەنت:
الدىن الۋ, پاراساتتىلىق, سەرىكتەستىك, كۆازيمەملەكەتتىك سەكتورداعى, قۇقىق قورعاۋ جانە سوت ورگاندارىنداعى سىبايلاس جەمقورلىققا قاتىستى قۇقىق بۇزۋشىلىقتاردى انىقتاۋ جانە تەرگەۋ دەپارتامەنتتەرىنىڭ جاڭادان قۇرىلعانى جونىندە مالىمەت بەردى.

كەزدەسۋ سوڭىندا مەملەكەت باسشىسى سىبايلاس جەمقورلىققا قارسى ءىس-قيمىل جونىندەگى كەڭەس بارىسىندا بەرىلگەن تاپسىرمالاردى جۇزەگە اسىرۋ ءۇشىن زاڭنامالىق جانە ۇيىمداستىرۋ شارالارىن ۋاقتىلى قابىلداۋ قاجەتتىگىن اتاپ ءوتتى. سونىڭ ىشىندە, قاسىم-جومارت توقاەۆ قاراماعىنداعى قىزمەتكەرلەردىڭ جەمقورلىق ارەكەتى ءۇشىن مەملەكەتتىك ورگانداردىڭ ءبىرىنشى باسشىلارىن قىزمەتىنەن بوساتۋ ينستيتۋتىن ەنگىزۋ, سىبايلاس جەمقورلىققا قارسى نورماتيۆتىك-قۇقىقتىق اكتىلەردى ساراپتامادان وتكىزۋدى قايتا قالپىنا كەلتىرۋ, مەملەكەتتىك قىزمەتشىلەردىڭ زاڭسىز بايۋى, كىرىس جانە شىعىس دەكلاراسيالارىن جاريالاۋ جاۋاپكەرشىلىگى جونىندەگى شارالاردىڭ ماڭىزدىلىعىنا نازار اۋداردى. ؛

 ؛