شىعىس قازاقستانداعى اتقارىلعان جۇمىستار جوعارى باعالاندى

شىعىس قازاقستان وبلىسىنا قر پرەزيدەنت اكىمشىلىگىنىڭ جانىنان قۇرىلعان جۇمىس توبى كەلىپ, «؛nur otan پارتياسى»؛ جانىنداعى بالالاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ جۇيەسى, ۇسىنىستاردى زەردەلەۋ مەن جيناۋ ماسەلەلەرىن تالقىلادى, ؛&ndash؛ دەپ جازادى ؛qamshy.kz اقپارات اگەنتتىگى.

جۇمىس توبى شىعىس قازاقستانداعى «؛باقىتتى وتباسى»؛ جول كارتاسى جوباسىنىڭ جۇزەگە اسىرىلۋ بارىسىمەن تانىستى. سونداي-اق ايماقتىق دەڭگەيدە بالالاردىڭ قۇقىقتارى مەن بوستاندىقتارىن قامتاماسىز ەتەتىن ۆەدومستۆولاردىڭ قىزمەتتەرىنە باعالارىن بەردى. بۇل جۇمىس توبىنىڭ قۇرامىندا «؛nur otan پارتياسى»؛ جانىنداعى بالالار قۇقىعىن قورعاۋ جونىندەگى ساراپشىلار عانا ەمەس, ءبىلىم جانە عىلىم, دەنساۋلىق ساقتاۋ, ىشكى ىستەر, اقپارات جانە قوعامدىق دامۋ, مادەنيەت جانە سپورت مينيسترلىكتەرى مەن قوعامدىق بىرلەستىكتەردىڭ وكىلدەرى بولدى.

جول كارتاسىندا وتباسىنىڭ قارجىلىق جاعدايىن جاقسارتۋ, بالالار ءۇشىن ءقاۋىپسىز ورتانى قالىپتاستىرۋ, جۇمىسپەن قامتۋ جانە قوسىمشا ءبىلىم بەرۋدى قامتاماسىز ەتۋ جانە كامەلەتكە تولماعاندارعا قاتىستى زورلىق-زومبىلىقتى انىقتاۋ جانە الدىن الۋعا ءتيىستى ۋچاسكەلىك قىزمەتتەردى, ۋچاسكەلىك ينسپەكتورلاردى, دارىگەرلەر مەن مەكتەپ پسيحولوگتارىن ۆەدومستۆوارالىق ۇيلەستىرۋ بويىنشا 70-تەن استام شارا وتكىزىلگەن.

اتالمىش جۇمىس توبى قاتىسقان جيىننىڭ اشىلۋ سالتاناتىندا شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا بۇگىندە وڭىرىمىزدە 1,4 ميلليون ادام تۇرىپ جاتقانىن اتاپ ءوتتى. ونىڭ ىشىندە 361 مىڭ بالالار. سونداي-اق اسەم ءنۇسىپوۆا وبلىستا 17 851 وتباسىعا اتاۋلى الەۋمەتتىك كومەك تاعايىندالعانىن جەتكىزدى. سونىڭ ىشىندە 52 376 بالا بار.

وبلىستىق ءبىلىم باسقارماسىنىڭ باسشىسى سايرانگۇل ءجۇمادىلوۆا وڭىردەگى «؛باقىتتى وتباسى»؛ جوباسى اياسىندا اتقارىلىپ جاتقان جۇمىستار لەگىمەن تانىستىردى. وڭىردە 15 مىڭنان استام ەرەكشە ءبىلىم الۋدى قاجەت ەتەتىن وقۋشى بار. بۇل ماقساتتا التى پسيحولوگيالىق, مەديسينالىق جانە پەداگوگيكالىق كەڭەس بەرۋ ورتالىقتارى قۇرىلعان. بۇدان بولەك 13 پسيحولوگيالىق-پەداگوگيكالىق تۇزەۋ كابينەتى, 18 ارنايى ءبىلىم بەرۋ ۇيىمى, 89 لوگوپۋنكت پەن مەكتەپكە دەيىنگى ءبىلىم بەرەتىن ارنايى توپ قۇرىلعان.

ال ينكليۋزيۆتى ءبىلىم بەرۋ باعدارلاماسىن دامىتۋ ماقساتىندا 2020 جىلعا دەيىن 1200 پەداگوگ ارنايى كۋرستان وتەدى. 495 مەكتەپتىڭ ماتەريالدىق-تەحنيكالىق بازاسى نىعايتىلادى. سونداي-اق 38 مەكتەپ وسى توپتاعى بالالاردىڭ ىڭعايىنا قاراي جاساقتالادى.

قازىر سەمەيدە پسيحولوگيالىق-پەداگوگيكالىق تۇزەۋ كابينەتى اشىلدى. بۇدان بولەك اعىمداعى جىلدىڭ قىركۇيەك ايىندا شەمونايحا, اياگوز, اقسۋات پەن وسكەمەندە ءدال وسىنداي كابينەتتەر قولدانىسقا بەرىلەدى. جالپى ءبىلىم بەرەتىن مەكتەپتەردە جۇمىس ىستەيتىن 500 ءمۇعالىمنىڭ ء224-ى 2019 جىلى ينكليۋزيۆتى سىنىپتارعا ساباق بەرۋ ماقساتىندا ارنايى كۋرستان وتكەن. بۇدان بولەك كوزى كورمەيتىن بالالارعا ارنالعان 2 رەسۋرستىق سىنىپ اشىلدى.

قازىر ينكليۋزيۆتى ءبىلىم بەرۋ ماقساتىندا 66 بالاباقشا پايدالانۋعا بەرىلدى. سونداي-اق 389 جالپى ءبىلىم بەرەتىن مەكتەپتە ءدال وسىنداي بالالارعا وقۋعا بارلىق جاعداي جاسالعان. سونىمەن قاتار ايماقتاعى 26 كوللەدجدە ەرەكشە ءبىلىمدى قاجەت ەتەتىن بالالار ءبىلىم الۋدا. ال 2020 جىلعا دەيىن ينكليۋزيۆتى ءبىلىم بەرۋ جاعدايىن ماقساتىندا مەكتەپتەردىڭ 75 پايىزى قايتا جاساقتالىپ, وندا بالالاردىڭ 56 پايىزى وقيتىن بولادى. بۇدان بولەك وڭىردە وتباسىلاردى نىعايتۋ مەن الەۋمەتتىك جەتىمدىكتى دامىتۋ ماقساتىندا قولعا الىنعان جوبا اياسىندا جەتىمدەر ءۇيىنىڭ تاربيەلەنۋشىلەر 31 پايىزعا (820 ادامعا) ازايعان. ناتيجەسىندە 2 بالالار ءۇيى جابىلىپ, 2 ەرەكشە كۇتىمدى قاجەت ەتەتىن بالالارعا ارنالعان مەكتەپ-ينتەرناتى اشىلدى.

وبلىستاعى مەكتەپتەردە 188 مىڭنان استام بالا تەگىن ىستىق تاماقپەن قامتاماسىز ەتىلگەن. ونىڭ ىشىندە الەۋمەتتىك جاعىنان از قامتىلعان جانە كوپبالالى وتباسىلاردان شىققان بالالار دا بار. سونداي-اق وبلىس اكىمىنىڭ باستاماسىمەن ارنايى باعدارلاما ازىرلەنىپ, الەۋمەتتىك جاعىنان از قامتىلعان جانە كوپبالالى وتباسىلاردان شىققان بالالار قولداۋ كورسەتىلۋدە. اتالمىش باعدارلاما اياسىندا بالالار مەكتەپكە دەيىنگى ءبىلىم بەرۋ مەكەمەلەرىندە تەگىن وقيدى. سونداي-اق تەگىن مەكتەپ فورماسىمەن قامتاماسىز ەتىلگەن. بۇدان بولەك الەۋمەتتىك جاعىنان از قامتىلعان جانە كوپبالالى وتباسىلاردان شىققان بالالار تەحنيكالىق جانە كاسىپتىك ءبىلىم بەرۋ مەكەمەلەرى مەن جوعارى وقۋ ورىندارىندا ءبىلىم الۋى ءۇشىن ارنايى گرانتتار قاراستىرىلعان.

وڭىردە كامەلەتتىك جاسقا تولماعان بالالار اراسىنداعى سۋيسيدكە بارۋ ماسەلەسى وتە اكتۋالدى. اتالمىش جاعدايدى جاقسارتۋ ءۇشىن قالالار مەن اۋدانداردا ءموبيلدى توپتار قۇرىلدى. بۇل اۋدان مەن قالا اكىمدەرى ورىنباسارلارىنىڭ باقىلاۋىمەن جۇمىس ىستەۋدە. ءموبيلدى توپتىڭ مۇشەلەرى ءسۋيسيدتىڭ نە سەبەپتەن ورىن العانىن انىقتاپ, پروفيلاكتيكالىق شارالار جۇرگىزەدى. سونداي-اق ولار كامەلەتتىك جاسقا تولماعان بالالار اراسىنداعى زورلىق-زومبىلىقتىڭ الدىن الۋ ماقساتىندا جۇمىس ىستەيدى.

«؛باقىتتى وتباسى»؛ پارتيالىق جوباسى اياسىندا ءبىلىم بەرۋ مەكەمەلەرىندە 1 قىركۇيەكتان باستاپ «؛سانالى تۇردە اتا-انا اتانۋ»؛ اتتى كۋرس اشۋ جوسپارلانىپ وتىر. جيىن بارىسىندا اسەم ءنۇسىپوۆا قر ەڭبەك جانە الەۋمەتتىك قورعاۋ مينيسترلىگىنە سەمەي يادرولىق پوليگوانىن سالدارىنان زارداپ شەككەن بالالارعا ارنالعان وڭالتۋ ورتالىعىنىڭ قۇرىلىسىن قارجىلاندىرۋ ماسەلەسىن شەشۋ ماقساتىندا بيۋدجەتتىك ءوتىنىش جىبەرگەنىن اتاپ ايتتى.

دەنساۋلىق ساقتاۋ سالاسىندا ءۇش جىلدىق كەشەندى جوسپار جاسالعان. ناتيجەسىندە بۇل سالادا ىلگەرىلەۋشىلىك بايقالعان. انا مەن بالا دەنساۋلىعىن جاقسارتۋ ماقساتىندا 3,5 ملرد تەڭگە جۇمسالىپ, ارنايى دياگنوستيكا مەن دۋالدى وتا جاساۋعا مۇمكىندىك بەرەتىن كومپيۋتەرلىك توموگرافيا ساتىپ الىندى. سونداي-اق شالا تۋىلعان سابيلەرگە ارنالعان اپپارات قولدانىسقا بەرىلدى. وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى رايفا سافيوللينوۆانىڭ ايتۋىنشا, بالا ءولىمى 12 پايىزعا ازايعان. سونداي-اق الەۋمەتتىك قىزمەتكەرلەر, باس دارىگەرلەر مەن باس دارىگەرلەردىڭ ورىنباسارلارى 5 جاسقا دەيىنگى بالا تاربيەلەنىپ جاتقان وتباسىلارمەن بايلانىس ورناتقان. ناتيجەسىندە وتكەن جىلعى كورسەتكىشپەن سالىستىرعاندا وتباسىلارداعى قايعىلى وقيعالاردىڭ سانى ازايعان.

ساراپشىلار شىعىس قازاقستانداعى ءۇش قالا مەن التى اۋداندى ارالايدى. ءقازىر «؛nur otan»؛ پارتياسى جانىنداعى بالالاردى قورعاۋ جونىندەگى كەڭەستىڭ مۇشەسى, كونسۋلتانت رىستى جۇمابەكوۆا شىعىس قازاقستاندا اتقارىلىپ جاتقان «؛باقىتتى وتباسى»؛ جول كارتاسىنا وڭ باعاسىن بەردى.

ايتا كەتەيىك, ايماق باسشىلىعى قازىرگى ۋاقىتتا انا مەن بالا قۇقىعىن قورعاۋ باسقارماسىن اشۋ ماسەلەسىن قاراستىرۋدا. بۇل ءوز كەزەگىندە وتباسى مەن بالا اراسىنداعى قارىم-قاتىناستى زاڭمەن قورعاۋعا مۇمكىندىك بەرەدى.