بالالى بولعان كۇننەن ءباستاپ..."؛وزىڭدى"؛ جوعالتاسىڭ...

...بالا تاپقان كۇنى - ءوزىڭدى جوعالتاسىڭ... ؛
وزىڭ دەگەنىم - ول ىشكى "مەنىڭ". بالالى بولماي تۇرىپ, ىشكى كۇيزەلىس, ىزدەنىس, قورقىنىش, قۋانىشتى, تاعىسىن تاعى سەزىمدەردى باسۋ ءۇشىن ادامدار ىزدەيسىڭ سويلەسۋگە, كىتاپتان ىزدەيسىڭ جاۋاپتى, تابيعاتقا "ۇڭىلەسىڭ", ايتەۋىر, ءبىر قاربالاس كۇي كەشۋمەن ءومىر سۇرەسىڭ. الدەبىر جاقسى, يا جامان ويلار ويلايسىڭ. ؛سونىڭدى دەرەۋ قاعازعا تۇسىرۋگە تىرىساسىڭ. لايىق دەپ, كوپشىلىككە پايداسى تيەر دەپ ويلاساڭ نەمەسە ءوزىڭ جاۋابىن تاپپاعاننىڭ جاۋابىن ادامداردان سۇرايسىڭ. سول ءۇشىن كوپشىلىك نازارىنا شىعاراسىڭ ىشكى "الەمىڭدى". بىرەۋ ماقتايدى, بىرەۋ داتتايدى, بىرەۋ كومەكتەسەدى, بىرەۋ قۇزعا يتەرەدى سوزبەن. ايتەۋىر, سول ويدى ءبىر جاعىنا شىعاراسىڭ. جاڭا دۇنيەلەر ۇيرەنۋگە تالپىناسىڭ. ۇيرەتۋگە تىرىساسىڭ. بىلۋگە قۇمارتاسىڭ. كەيدە ءتىپتى بارىنەن جالىعىپ, جالعاننان باز كەشىپ كەتكىڭ كەلەدى. ايدالانى اڭسايسىڭ, ادامداردان جالىعاسىڭ. كەشە تامسانعان تابيعاتقا قاراعىڭ كەلمەي قالادى. كۇندە كورىپ جۇرگەن ادامدار مەزى قىلادى. ءتىپتى تاعامدار دا ءدامسىز بولا باستايدى. سۇيىكتى كيىمدەرىڭدى ورتەپ جىبەرگىڭ كەلەدى. ۇنامدى زاتتارىڭدى لاقتىرىپ تاستاعىڭ كەلەدى. ادام مەكەن ەتپەگەن الدەبىر ۋتوپيالىق ارالدى اڭسايسىڭ. قىسقاسى, جالىعاسىڭ بارىنەن, بارىنان...وزىڭمەن-وزىڭ كۇرەسىپ, جوق جەردەن قيىندىق كورىپ, وڭاي ءىستىڭ شەشىمىن تابا الماي, شارق ۇراسىڭ... سەنەن باستاپ بارلىق ادام جەردە باقىتسىز سياقتى كورىنەدى... ؛

ەندى بىردە كۇننىڭ شىققانىنا قۋانىپ, جەلدىڭ سامالى اناڭنىڭ الاقانىنداي ءتيىپ, تابيعات جۇماقتاي, ادامدار پەرىشتەدەي كورىنىپ, جەگەنىڭ جۇماقتىڭ اسى, كيگەنىڭ جىبەكتەي, ءوزىڭ قۇستاي سامعاپ جۇرەسىڭ. ويىڭنىڭ ءبارى اسپانعا جازىلىپ جاتقانداي, ادامداردىڭ ءبارى باقىتتى سياقتى كورىنىپ, كەرەمەت كۇيگە ەنەسىڭ... جان بىتكەننىڭ ءبارى تۋىسىڭداي, ءقايسىبىرىن قۇشاقتاعىڭ كەلىپ, العىس ايتقىڭ كەلىپ, ىشكى الەمىڭدى بۇكىل الەم كورىپ تۇرعانداي, سونداي اقكوڭىل, سونداي ادال, سونداي سەنگىش بولىپ كەتەسىڭ... ءومىرىم سولاي وتەدى ەكەن...بالالى بولعانشا... ؛

بالالى بولعان سوڭ, ءبارى قالادى... ويىڭا كەلەدى ارنارسە. ءقازىر قاعازعا تۇسىرەمىن دەپ, بالاڭنىڭ كيىمىن جۋسا سالايىن, تاماعىن بەرە سالايىن دەپ جۇرگەندە, ول وي ۇشادى دا كەتەدى. كەشەگىدەي ىشكى كۇيزەلىس, ىزدەنىس, ارپالىستىڭ ءبىرى دە جوق. بولسا دا, ونى ويلاپ, وعان قايعىراتىپ ۋاقىت تا جوق. بۇرىنعىداي تابيعاتتى تاماشالاپ, قيالعا بەرىلمەيسىڭ. بالا ءبىر جاقتا, اكەسى ءبىر جاقتا, تۋىستارىڭ ءبىر جاقتا... قىزىق ءومىر باستالىپ تا كەتەدى ەكەن وسىلاي... دۇرىسى وسى. وسىلاي ىشكى الەمىڭە جىبەرمەي, جابىرقاتپاي, كوڭىلسىز كۇيگە تۇسىرمەي ويىڭنىڭ ءبارىن وتباسىڭ جاۋلاپ العانى دۇرىس. دۇرىس, ارينە... ءومىردىڭ كەزەكتى كەزەڭى عوي, ۋاقىتىلى كەلەتىن. ايتپەسە, ءبارىمىز دە قيال بولىپ كەتەر مە ەدىك, كىم ءبىلسىن... بالالى بولۋدىڭ ەڭ ءبىر قىزىعى - ءوزىڭنىڭ بويىڭدا بار دەپ ويلاماعان جاسىرىن جاتقان قىرلارىڭ, سىرلارىڭ, ونەرلەرىڭ اشىلادى ەكەن. قىزىعۋشىلىعىڭ دا وزگەرىپ شىعا كەلەدى. بۇرىن-سوڭدى ىستەپ, جاساپ كورمەگەن دۇنيە قولىڭنان كەلەتىنىن كورگەندە, بايقاعاندا, تاڭ قالاسىڭ. وزىڭە تاڭ قالاسىڭ. بۇل مەن بە؟ وسىنى مەن جاسادىم با دەپ... قىزىق ءومىر - بالالى ءومىر... ؛

دەگەنمەن, ساعىنامىن... ساعىنامىن... سول ماقپالدى... ىشكى الەمىمدى... قۇستاي ۇشىپ كەتەتىن ويلارىمنىڭ ەتەگىنە جارماسىپ قالعىم كەلەدى... ىشكى "مەنىمدى"...جوعالتىپ الماسام دا, ءوزىمدى ۇمىتىپ كەتكەنىم انىق... كەيدە ءبىر ءسات تىنىشتىق ورناي قالسا, ىشكى الەمىم "مەن دە بارمىن عوي" دەپ ء"لۇپ" ەتەدى... ىزىنەن بوپەم "شىر" ەتىپ, يا "ماما, ءجۇل, ءجۇل" دەپ جەتەكتەي جونەلەدى... سوسىن رەالدى ءومىردىڭ ەتەگىنە جارماسىپ, بوپەمدى جەتەكتەپ, بوپەممەن بىرگە دالادا قۇستاردىڭ ۇشقانىن, جەلدىڭ سوققانىن, اعاشتىڭ سىبدىرىن بىرگە قاراپ, ەستىپ, قالاي ءسۇيسىنىپ جۇرگەنىمدى بايقاماي دا قالامىن... بالالى بولۋ - تاعى ءبىر مارتە ومىرگە كەلۋ سياقتى ەكەن... ءتاتتى سەزىم! ىستىق سەزىم! ماماڭدى ساعىندىرتاتىن عالامات كۇشتى سەزىم! شىنتۋايتىندا, لايىقتى ءسوز دە جوق-اۋ اللانىڭ بۇل سىيىن ايتىپ, جەتكىزەر... اللاعا شۇكىر. ايەلمىن. كەلىنمىن. انامىن. اللاعا سانسىز ماداق! بۇگىنىمە! بارىما! بارىنە!... ؛

دەگەنمەن... ىشتە بۇعىپ جاتقان, وكپەلەپ جاتقان ماقپالدى دا ساعىنامىن... كۇتە تۇر, ءسال كۇت, ىشكى الەمىم, مەن ساعان دا ۋاقىت تابامىن...از قالدى... ؛

باقىتتى ىزدەمەيىك, كۇتپەيىك... بارىمىزبەن باقىتتى بولايىق, باقىتتى قىلايىق...تىم قۇرىعاندا, تىرىسايىق... ؛