جامبىل وبلىسىندا جاڭا اۋدان اكىمى تاعايىندالدى

جامبىل وبلىسىنىڭ بايزاق اۋدانىنا جاڭا اكىم تاعايىندالدى. بۇدان بىلاي بۇل قىزمەتتى قر پرەزيدەنت اكىمشىلىگىنىڭ جانە اۋداندىق ءماسليxاتتىڭ كەلىسىمى بويىنشا, جامبىل وبلىسى اكىمىنىڭ وكىمىمەن نۇرجان مولديارۇلى نۇرجىگىتوۆ اتقاراتىن بولدى.

وبلىس باسشىسى اسقار مىرزاxمەتوۆ اۋدان اكتيۆىنە جاڭا اكىمدى تانىستىرىپ, جۇمىسىنا ساتتىلىك تىلەدى. اسقار يسابەكۇلى بايزاق اۋدانىنىڭ مال شارۋاشىلىعىنا بەيىم, ەگىستىككە قولايلى ەكەنىن ەسكەرىپ, جاڭا اكىمگە حالىقتىڭ تۇرمىسىن جاقسارتۋ, قوسالقى شارۋاشىلىقتى دامىتۋ جۇمىستارىن جانداندىرۋ, ءوڭىردىڭ ەكونوميكاسى مەن الەۋەتىن دامىتۋ جولىندا زور جاۋاپكەرشىلىك جۇكتەپ, سەنىم ءبىلدىردى. بەكەر ەمەس. بۇگىندە جاپپاي جۇرتتىڭ ءال-اۋقاتىن ارتتىرۋ باستى باعىتتىڭ ءبىرى. بۇل رەتتە قوسالقى شارۋاشىلىققا ايماق باسشىسى ەرەكشە دەن قويىپ وتىر. اۋدان اكتيۆىندە وبلىس اكىمى جامبىلدا سان مارتە ساراپتالىپ, پىسىقتالعان قوسالقى شارۋاشىلىقتى شيراتۋعا پرەزيدەنتتىڭ كەلىسىمىن العانىن جەتكىزدى. بۇگىندە جامبىلدا جاسالعان قانات قاقتى جوبانى قارجىلاندىرۋ جولدارىن ۇكىمەت باس بوپ ءتيىستى مينيسترلىكتەر ىسكە كىرىسكەن. اسقار يسابەكۇلى جاڭا اكىمنىڭ ىسكەرلىگى وسى باعىتتا كورىنۋى ءتيىس ەكەنىن ەسكەرتتى.

وز كەزەگىندە اۋداننىڭ جاڭا باسشىسى ارتىلعان سەنىمدى اقتاۋعا تىرىساتىنىن جەتكىزدى. ال, بۇعان دەيىن اۋدان اكىمى قىزمەتىن اتقارعان ءراحماتىلدا راحمانبەرديەۆ سەگىزبايۇلى ابىرويلى زەينەت جاسىنا جەتىپ, قۇرمەتتى دەمالىسقا شىققان بولاتىن.

ايتا كەتەيىك, نۇرجان مولديارۇلى 1967 جىلى تۋعان, ۇلتى قازاق. ءبىلىمى جوعارى. ەڭبەك قىزىل تۋ وردەندى لەنينگراد اۋىلشارۋاشىلىق ينستيتۋتىن «؛ينجەنەر-مەحانيك»؛, جامبىل گۋمانيتارلىق تەحنيكالىق ۋنيۆەرسيتەتىن «؛ەكونوميكا»؛ ماماندىقتارى بويىنشا بىتىرگەن, تەحنيكا عىلىمدارىنىڭ كانديداتى.

ول ءوز ەڭبەك جولىن 1991-1996 جىلدارى جۋالى اۋدانى م.گوركيي اتىنداعى كولحوزىنىڭ مەحانيگى, باس ينجەنەرى بولىپ باستاپ, ءار جىلدارى جۋالى اۋدانى اكىمى اپپاراتىنىڭ مامانى, باس مامانى, ءبولىم مەڭگەرۋشىسى, اۋدانى اكىمدىگىنىڭ كاسىپكەرلىك ءبولىمىنىڭ باسشىسى قىزمەتتەرىندە بولىپ, تاجىريبە جيناعان.

سونداي-اق, 2008-2011 جىلدارى جامبىل وبلىسى اكىمىنىڭ باس ينسپەكتورى, وبلىس اكىمى اپپاراتىنىڭ ءبولىم باسشىسى, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ ورىنباسارى, باسقارما باسشىسى, جامبىل وبلىسى اكىمدىگىنىڭ اۋىل شارۋاشىلىعى باسقارماسىنىڭ باسشىسى قىزمەتتەرىن اتقارعان. ال, 2018 جىلدىڭ اقپانىنان باستاپ بۇگىنگە

دەيىن جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ ەڭبەك ەتتى.