• usd 378.65
  • eur 430.07
  • rub 6
  • cny 55.1
23 قىركۇيەك، 04:51:28
كەكىلباەۆقا ارنالعان كەش

24 شىلدە، 2019 زاڭ

"؛استانا"؛ قارجى ورتالىعىنىڭ بولاشاعى كەمەل

قارجى ورتالىعى ەل يميدجىنە وڭ اسەر ەتىپ قانا قويماي، كول-كوسىر پايداعا دا كەنەلتەدى دەپ كۇتىلۋدە.

بيۋروكراتتىق شىعىنسىز ەكونوميكاعا قادام باسۋ. بۇل &ndash؛ "ۇلت جوسپارى &ndash؛ قازاقستاندىق ارمانعا باستايتىن جول" اتتى باعدارلامالىق ماقالاداعى باسىم باعىتتىڭ ءبىرى. يندۋستريالاندىرۋ مەن ەكونوميكالىق ءوسىمدى قامتاماسىز ەتۋ بويىنشا جاڭعىرتۋلار كەشەنىن بىرىكتىرۋشى ۇلكەن تاراۋ. باعىتتىڭ باستى تەمىرقازىقتارىنىڭ قاتارىنداعى "استانا" حالىقارالىق قارجى ورتالىعىنىڭ قۇرىلۋى ەل تاريحىنداعى ايتۋلى وقيعالاردىڭ ءبىرى.

بۇل جونىندە ەلباسى ءوزىنىڭ قازاقستان حالقىنا ارناعان ء"تورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى" اتتى جولداۋىندا دا ايتادى:

"ينۆەستيسيالىق احۋالدىڭ ودان ءارى جاقسارۋى جانە قور نارىعىنىڭ دامۋى ماڭىزدى بولىپ سانالادى. بۇل &ndash؛ جۇمىسىن باستاعان "استانا" حالىقارالىق قارجى ورتالىعىنىڭ (احقو) نەگىزگى مىندەتتەرىنىڭ ءبىرى. ول حالىقارالىق وزىق تاجىريبەنى پايدالانىپ، اعىلشىن قۇقىعى مەن زاماناۋي قارجى تەحنولوگيالارىن قولداناتىن وڭىرلىك حابقا اينالۋى ءتيىس". ؛

سونداي-اق ەلباسى "100 ناقتى قادام" ۇلت جوسپارىنىڭ 70 - قادامىندا استانا حالىقارالىق قارجى ورتالىعىن قۇرۋ قاجەتتىلىگىن اتاپ كورسەتكەن جانە قارجى ورتالىعىنىڭ ەرەكشە مارتەبەسىن اتا زاڭدا بەكىتۋ قاجەتتىلىگىنە توقتالعان. ورتالىقتىڭ اتاپ ايتقاندا، تاۋەلسىز مەملەكەتتەر دوستاستىعى، باتىس پەن ورتالىق ازيا ايماعىنداعى مەملەكەتتەر ءۇشىن قارجى حابى رەتىندە قالىپتاساتىنىن ايتقانى بەلگىلى. سونىمەن قاتار، 100 ناقتى قادام ۇلت جوسپارىنىڭ 70 - قادامىندا اتاپ كورسەتىلگەندەي، استانا حالىقارالىق قارجى ورتالىعى الەمنىڭ الدىڭعى قاتارلى 20 قارجى ورتالىعىنىڭ قاتارىنا ەنەتىندىگى ناقتى ايتىلعان.

ايتا كەتۋ كەرەك، جۇمىسىن 2018 جىلعى 1 قاڭتاردان باستاعان ورتالىق تاۋەلسىز قارجىلىق سوت پەن اعىلشىن قۇقىعى قاعيداتتارىنا جانە جەڭىلدەتىلگەن سالىق رەجيمىنە سايكەس قۇرىلعان بولاتىن. عيماراتى ەكسپو كورمەسى وتكەن اۋماقتا ورنالاسقان. باسشىسى &ndash؛ قايرات كەلىمبەتوۆ. بۇل كۇندەرى "nasdaq" جانە شانحاي سىندى جاھاندىق قوس بىردەي قارجى بيرجاسىمەن بايلانىس ورناتقان. شانحاي بيرجاسى ەلوردالىق قارجى ورتالىعى اكسيالارىنىڭ 25 پايىز ۇلەسىنە يە.

اتالعان ورتالىق ؛ قۇندى قاعازدار سەكتورىنا سونى سەرپىن بەرىپ، قور بيرجاسىنىڭ جۇمىسىن دوڭگەلەتەدى دەپ كۇتىلۋدە. ونىڭ جۇمىسىن جۇيەلەۋدە الەمدىك ۇزدىك تاجىريبەلەر سۇزگىلەنىپ، تاڭداۋ دۋباي ۇلگىسىنە ءتۇستى. رەسمي ءتىلى &ndash؛ اعىلشىن. الەمگە ءماجھۇر باتىستاعى لوندون مەن نيۋ-يورك، شىعىستاعى گونكونگ پەن سينگاپۋر قارجى بيرجالارىنداعىداي جۇمىسى اعىلشىن قۇقىعىنا نەگىزدەلگەن. قارجىلىق قىزمەتتەر كورسەتۋدى رەتتەۋ جونىندەگى كوميتەت (afsa) ورتالىقتىڭ رەتتەۋشى ورگانى بولىپ تانىلدى. ونىڭ ديرەكتورلار كەڭەسىنىڭ قۇرامىنا دۋباي، اۋستراليا، ۇلىبريتانيا، اقش قارجى ورتالىقتارىنىڭ ساراپشىلارى ەنگەن.

بۇگىندە بەكىتىلگەن جول كارتاسى نەگىزىندە الەمنىڭ ءىرى بيرجالارى ورنالاسقان شاھارلارمەن تىكەلەي اۋە بايلانىستارى ورناتىلۋدا. جۋىردا ەلوردا كۇنى قارساڭىندا نۇر-سۇلتان &ndash؛ توكيو اۋەباعىتى اشىلدى. ەندى قازاقستان مەن جاپونيا اراسىندا ۇشاقتار تۇراقتى تۇردە قاتىنايتىن بولادى. سونداي-اق شەتەلدىك قىزمەتكەرلەرگە ۆيزا الۋ ءتارتىبى جەڭىلدەتىلگەن. ولارعا 5 جىلعا دەيىنگى ۇزاق مەرزىمدى ۆيزا بەرىلەدى. باسقا مەملەكەتتەردىڭ ازاماتتارى وتىز كۇنگە دەيىن ۆيزاسىز جۇرە الادى. قارجى بيرجاسىنىڭ ورگاندارى، قىزمەتكەرلەرىنىڭ قاتىسۋىمەن تۋعان قانداي دا ءبىر داۋ ايرىقشا قۇزىرەتتى سوتتىڭ قاراۋىنداعى ماسەلە.

قارجى ورتالىعىنىڭ جۇمىسى جالقى تەرەزە قاعيداتى بويىنشا ۇيىمداستىرىلعان. ورتالىق جۇمىسىنا قاتىسۋشىلاردى قولداۋ ماقساتىندا ولارعا سالىقتىق جەڭىلدىكتەر قاراستىرىلعان. اتاپ ايتقاندا، قارجى بيرجاسىنىڭ ورگاندارى 2066 جىلعا دەيىن كورپوراتيۆتىك تابىس، مۇلىك، جەر سالىقتارىن تولەۋدەن بوساتىلعان. ال قىزمەتكەرلەر تابىس سالىعىن تولەمەيدى.

"استانا" حالىقارالىق قارجى ورتالىعىنىڭ مەجەلەگەن ماقساتى اسقاق. جاقىن بولاشاقتا الەمنىڭ ۇزدىك 20 ورتالىعى ساپىنا كىرۋ كوزدەلۋدە. قارجى ورتالىعى ەل يميدجىنە وڭ اسەر ەتىپ قانا قويماي، كول-كوسىر پايداعا دا كەنەلتەدى دەپ كۇتىلۋدە. ۇكىمەتتىڭ بولجاۋىنشا، قارجى ينستيتۋتى 2025 جىلعا قاراي ەل قازىناسىنا 40 ملرد دوللارعا دەيىن تابىس اكەلۋى مۇمكىن.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر