• usd 468.56

  • eur 497.56

  • rub 7.3

  • cny 67.18

19 ناۋرىز, 15:56:13
+35°

17 تامىز, 2019 news

دانيال احمەتوۆ 100 جاسقا كەلگەن كەيۋانانى قۇتتىقتادى

قوس عاسىردىڭ كۋاگەرى بولعان گۇلجازيرا نۇرساپارقىزى 1919 جىلى كاتون-قاراعاي اۋدانىندا دۇنيەگە كەلگەن.

عيبراتتى عۇمىرى عاسىرعا اتتاپ, ءومىر بەلەسىنىڭ ەڭ بيىك زاڭعارىنا شىققان وسكەمەن قالاسىنىڭ تۇرعىنى, تىل ەڭبەككەرى, كوپبالالى انا گۇلجازيرا نۇرساپارقىزىن ايماق باسشىسى مەرەيلى مەرەيتويىمەن قۇتتىقتادى. اق جاۋلىق جاۋىپ, ىزگى تىلەگىن جولدادى, ؛&ndash؛ دەپ حابارلايدى ؛qamshy.kz اقپارات اگەنتتىگى شقو اقپاراتتىق ورتالىعىنا سىلتەمە جاساپ. ؛

قوس عاسىردىڭ كۋاگەرى بولعان گۇلجازيرا نۇرساپارقىزى 1919 جىلى كاتون-قاراعاي اۋدانىندا دۇنيەگە كەلگەن. 8 بالا ومىرگە اكەلىپ, سوڭىنان ەرگەن 5 ءباۋىر-سىڭلىسىن ءوسىرىپ, جەتكىزدى. ومىرلىك سەرىگى, سوعىس ارداگەرى, ەكىنشى, ءۇشىنشى دارەجەلى داڭق وردەنىنىڭ يەگەرى مارقۇم مامىربەك اقساقالمەن بىرگە ومىردەگى باقىتتى ادال ەڭبەك پەن ونەگەلى ۇرپاقتان تاپقان جاندار. بۇگىندە ون نەمەرە مەن ون شوبەرەسىنىڭ باعا جەتپەس قازىناسى.

&ndash؛ ەلباسىمىز "جەر بەتىندەگى جاقسىلىق, ىزگىلىك, قايىرىمدىلىق اتاۋلىنىڭ ءبارى دە انانىڭ اق سۇتىنەن تارايدى" دەگەن ەدى. انا &ndash؛ ادامزاتتىڭ قاينار كوزى, ال كوپبالالى انا &ndash؛ ۇلتتىڭ قۇندىلىعى مەن بەرەكەسى, ۇلتتىق تاربيەنىڭ, داڭقتى ءداستۇرىنىڭ باستاۋى. وسكەلەڭ ۇرپاقتىڭ وزىڭىزدەن الار مۇراسى مول. سوناۋ قۋعىن-سۇرگىن كەزەڭىندە وتباسىڭىزدىڭ تاعدىرىنا تۇسكەن قيىندىققا قاراماستان, 15 جاسىڭىزدا قيىندىقتان قورىقپاي, اسىل اناڭىز بەن باۋىرلارىڭىزعا قامقور بولا ءبىلدىڭىز. سىزگە زور دەنساۋلىق, مول باقىت, اۋلەتىنە بەرەكە-بىرلىك تىلەيمىن, &ndash؛ دەدى كەيۋاناعا اقجارما تىلەگىن جولداعان ايماق باسشىسى دانيال احمەتوۆ.

اجەيدىڭ اكەسى "حالىق جاۋى" دەپ ايىپتالعاننان كەيىن ناعاشى اعاسى اناسى مەن باۋىرلارىن الىپ, قىتايعا بەت الادى. شەكاراعا جەتكەن سوڭ ولاردى قالدىرىپ اۋىلداعى مالدى ايداپ الىپ كەتۋگە كەتەدى. ءبىراق قايتىپ ورالمايدى, سەبەبى ونى دا ۇستاپ الادى. بۇل حاباردى ەستىگەن 15 جاستاعى گۇلجازيرا 160 شاقىرىمدى ارتقا تاستاپ, اناسى مەن باۋىرلارىن تاۋىپ, بەلۋاردان اسقان قاردى ومبىلاي ولاردى اۋىلعا الىپ كەلەدى.

&ndash؛ انام ء"بىر ءۇزىم نان تاپسا دا" دەپ ىنىلەرىن تۋعان-تۋىستارىنا مالشى, جالشى ەتىپ قالدىرادى. ال اناسىن تۋىسقان شالعا ايەلدىككە بەرەدى. بۇنىڭ ءبارى قيىن كەزەڭدە ولار اشتان قاتپاسىن دەگەن قامقورلىعى ەدى. ەڭ كىشى ءىنىسىن باۋىرىنا باسىپ, قولىنا الدى. اكەم ەكەۋى ءبىراز ۋاقىتتان سوڭ بارلىق باۋىرلارىن وزدەرى ءوسىرىپ, جەتكىزەدى. جالپى انام وتە اقكوڭىل, ءار نارسەدەن جاقسىلىق كورەتىن ادام. سۋىرىپ-سالما اقىندىعى دا بار. سوڭعى جارتى جىلدا دەنساۋلىعى سىر بەرىپ قالدى, ايتپەسە بۇگىن دە ءبىر شۋماق ولەڭىن شىعارىپ تاستايتىن ەدى, &ndash؛ دەيدى ابزال انانىڭ ۇلى ورىنبەك الىمباەۆ.

ەلىمىزدىڭ عاسىرعا جۋىق دامۋ تاريحىنىڭ كۋاگەرى گۇلجازيرا نۇرساپارقىزىنىڭ ءومىر جولى جاستارعا ونەگە ەكەنىن اتاپ وتكەن وبلىس اكىمى دانيال احمەتوۆ اجەي تۋرالى كىتاپ جازۋ قاجەتتىگىن ايتتى. ۇلتتىڭ اسىل قازىناسى &ndash؛ اقجاۋلىقتى اجەلەردىڭ ونەگەسى قاشاندا ساباقتاستىق تاۋىپ, ۇرپاقتان-ۇرپاققا جالعاسۋى قاجەت.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر