شىعىس قازاقستانداعى جاڭا وقۋ جىلىنا دايىندىق تۋرالى ايتىلدى

جاڭا وقۋ جىلىندا وبلىستاعى 655 مەكتەپتە 193 مىڭنان استام وقۋشى ءبىلىم الادى. ال ءبىرىنشى سىنىپقا 21 مىڭنان استام ءبۇلدىرشىن قابىلدانادى. بۇدان بولەك اعىمداعى جىلى 4, 9 جانە 10 سىنىپ وقۋشىلارى جاڭارتىلعان مازمۇندا ءبىلىم الادى. ال كەلەسى جىلدان باستاپ 11 سىنىپتىڭ بالالارى دا وسى باعىت بويىنشا وقيتىن بولادى. وسىلايشا, ءبىزدىڭ ءوڭىر مەكتەپتەرى جاڭارتىلعان مازمۇنداعى ءبىلىم الۋعا تولىق كوشەدى.

&ndash؛ وبلىستاعى مەكتەپتەردە 2019-2020 جىلعى وقۋ جىلىندا 61 364 بالا وقيتىن بولادى. وڭىرىمىزدە بالاباقشا, شاعىن ورتالىقتار مەن مەكتەپ-بالاباقشا كەشەندەرى دە جۇمىس ىستەيدى. وندا 15 631 بالا تاربيەلەنۋدە. جالپى ايتقاندا, ءبىزدىڭ ايماقتاعى 3-6 جاستاعى بۇلدىرشىندەردىڭ 100 پايىزى مەكتەپكە دەيىنگى ءبىلىم بەرۋمەن 100 پايىز قامتىلعان, ؛&ndash؛ دەدى شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا.

جيىن بارىسىندا بالالاردى ءبىرىنشى سىنىپقا 6 جاستان باستاپ قابىلداۋ تۋرالى نورمانىڭ ەنگىزىلۋى تۋرالى ساۋالدار قويىلدى. وعان جاۋاپتى سالا ماماندارى جاڭا وقۋ جىلىنان باستاپ ءبىرىنشى سىنىپقا 1 قىركۇيەككە دەيىن 6 جاسقا تولعان بالالاردى جانە اعىمداعى جىلدىڭ سوڭىنا دەيىن 6 جاسقا تولاتىن بالالاردى قابىلداۋعا بولاتىنى تۋرالى كەڭىنەن ءتۇسىندىرىپ بەردى. ارينە, بۇل رەتتە ەڭ باستىسى اتا-انانىڭ قالاۋى ەسكەرىلەدى.

ايتا كەتەيىك, 1 سىنىپقا كەلگەن بالالار ءۇشىن ءبىلىم بەرۋ باعدارلاماسى بويىنشا ءارىپ وقىتۋ, ەسەپ شىعارۋ, جازۋ, ءماتىن وقۋ قاراستىرىلعان. ال مەكتەپالدى دايارلىعىنان وتپەگەن بالالار ءۇشىن مەكتەپتەردە دايارلىق كۋرستارى جۇمىس ىستەيتىن بولادى.

اعىمداعى جىلدىڭ 1 ماۋسىمىنان باستاپ وبلىستاعى مەكتەپتەردە 1 سىنىپقا باراتىن بالالاردىڭ قۇجاتتارى ەلەكتروندى تۇردە قابىلدانۋدا. قىزمەتتىڭ ءتۇرىن اتا-انالار ەلەكتروندىق سيفرلىق قولتاڭبا ارقىلى ؛www.vko.ddo.kz ؛سايتىنان الا الادى. اتالمىش جوبا اتا-انالار ءۇشىن ءتيىمدى. ويتكەنى ولار بالاسىن مەكتەپكە ۇيدەن شىقپاي-اق ورنالاستىرا الادى. سايت ارقىلى وتىنىشتەردى قابىلداۋ 1 شىلدەدەن 30 تامىزعا دەيىن قابىلدانادى.

بريفينگ بارىسىندا جاڭا مازمۇنداعى ءبىلىم بەرۋ باعدارلاماسىنا كوشۋ ماسەلەسى كەڭىنەن تالقىلاندى. اعىمداعى جىلدىڭ ءبىرىنشى قىركۇيەگىنەن باستاپ 4,9,10 سىنىپ وقۋشىلارى وسى باعىتتا وقيتىن بولسا, 11 سىنىپ وقۋشىلارى كەلەسى جىلدان باستاپ بۇل باعدارلاماعا قوسىلماق. ءسويتىپ, كەلەسى جىلى بارلىق مەكتەپ جاڭارتىلعان مازمۇنداعى ءبىلىم بەرۋ باعداراماسىنا كوشەدى.

وقۋشىلاردى وقۋلىقتار مەن وقۋ-ادىستەمەلىك قۇرالدارىمەن قامتاماسىز ەتۋ ماقساتىندا بيىل وبلىستىق بيۋدجەتتەن 2 ملرد. 383 ملن. تەڭگە ءبولىندى. جوسپارعا سايكەس وڭىردەگى مەكتەپتەردە ءبىلىم الىپ جاتقان بارلىق وقۋشى جاڭا وقۋ جىلىنىڭ باسىندا وقۋلىقتارمەن قامتاماسىز ەتىلەدى.

ال باستاۋىش سىنىپتارىنا ارنالعان قوسىمشا جۇمىس داپتەرلەرمەن قامتاماسىز ەتۋ ماسەلەسىنە كەلەتىن بولساق, ونى ساتىپ الۋعا اتا-انالار مىندەتتى ەمەس. وقۋ بارىسىندا قاراپايىم داپتەرلەردى قولدانۋعا بولادى.

&ndash؛  ؛وبلىستاعى 1-4 سىنىپتا وقيتىن 82 162 وقۋشىنى داپتەرمەن قامتاماسىز ەتۋ ءۇشىن 752,4 ملن. تەڭگە قاجەت. بۇل وبلىس بيۋدجەتى ءۇشىن قوماقتى سوما. سوندىقتان, ءبىز اتا-انالار ءبىلىم جانە عىلىم مينيسترلىگىنىڭ كەڭەسىنە قۇلاق اسادى دەپ نەمەسە بالالارى ءۇشىن داپتەرلەردى الۋدا بىرلەسكەن جاۋاپكەرشىلىككە كەلەدى دەپ ۇمىتتەنەمىز, ؛&ndash؛ دەدى اسەم ءنۇسىپوۆا.

1 تامىزدان 30 قىركۇيەككە دەيىن «؛مەكتەپكە جول»؛ رەسپۋبليكالىق قايىرىمدىلىق اكسياسى ۇيىمداستىرىلادى. وسى وراي اتالمىش اكسيا بيىلدان باستاپ اعىمداعى جىل سوڭىنا دەيىن وتەتىنىن ايتا كەتكەن ورىندى. اكسيا اياسىندا از قامتىلعان جانە كوپبالالى وتباسىلارىنداعى 33000 مىڭنان استام بالانى قولداۋ جوسپارلانىپ وتىر, بۇل ماقساتتا جالپىعا مىندەتتى وقۋ قورىنان 2 ملرد. تەڭگە بولىنەدى.

بيۋدجەت قارجىسىنان بولەك, كومەكتى دەمەۋشىلەر مەن مەسەناتتار دا كورسەتۋدە, ولاردىڭ كومەگىمەن بۇگىنگى كۇنگە 14 343 بالاعا 157 ملن. تەڭگە كولەمىندە كومەك كورسەتىلدى.

ايتا كەتەيىك, از قامتىلعان جانە كوپبالالى وتباسىلاردان شىققان بالالار تەگىن مەكتەپ فورماسىمەن جانە ىستىق تاماقپەن قامتاماسىز ەتىلەدى.

شىعىس قازاقستان وبلىسىنىڭ اكىمى د.ك.احمەتوۆتىڭ باستاماسىمەن وڭىرىمىزدە جاراتىلىستانۋ پاندەرى بويىنشا زاماناۋي ماتەريالدىق بازانى قۇرۋ جانە وقۋ ۇردىسىنە ءىت تەحنولوگيالارىن ەنگىزۋگە باعىتتالعان «؛مەنىڭ مەكتەبىم»؛ جوباسى جۇزەگە اسىرىلۋدا.

اتالمىش جوبا اياسىندا ەكى جىل ىشىندە ايماقتاعى بارلىق 655 مەكتەپتە ءىت سىنىپتارى جاساقتالدى. بيىل 378 ءىت سىنىبى اشىلدى. بۇل ماقساتتا وبلىستىق بيۋدجەتتەن 899 ملن. تەڭگە جۇمسالدى.

وقۋشىلار ءىت باعدارلامالاردى مەڭگەرۋى ءۇشىن سەمەي قالاسىنداعى ەلەكتروتەحنيكالىق كوللەدجى مەن وسكەمەن قالاسىنداعى پوليتەحنيكالىق كوللەدجى بازاسىندا 3-11 سىنىپتاردا ساباق بەرەتىن وقىتۋشىلاردى ءىت باعدارلامالارى بويىنشا وقىتۋ ۇيىمداستىرىلدى. ەكى جىل ىشىندە 1127 ءمۇعالىم كۋرستىق دايارلىقتان ءوتتى. وونىڭ ىشىندە 2019 جىلى شاعىن جيناقتالعان مەكتەپتەردەن كەلگەن 573 ءمۇعالىم بار.

سول ۋاقىت ارالىعىندا 8 مىڭنان استام وقىتۋشىلار ءبىلىمىن جەتىلدىردى. ونىڭ ىشىندە 500 فيزيكا, بيولوگيا, حيميا, ينفورماتيكا پاندەرىنىڭ مۇعالىمدەرى بار.

2016 جىلدان باستاپ وڭىرىمىزدە ءۇش تىلدىك ءبىلىم بەرۋ باعدارلاماسى جۇزەگە اسىرىلۋدا. وبلىستاعى 11 مەكتەپتە اعىلشىن تىلىنەن بولەك, فرانسۋز ءتىلىن دە وقىتۋ قولعا الىنادى. بۇگىنگى كۇنگە 200 وقۋشى فرانسۋز ءتىلىن وقىپ جاتسا, 2019 جىلعى 1 قىركۇيەكتەن باستاپ ولاردىڭ سانى 1000 بالاعا جەتەدى دەپ كۇتىلۋدە.

وبلىستاعى ءبىلىم وشاقتارى جوق 307 اۋىلدىق وكرۋگتىڭ بالالارىن جاقىن ماڭداعى مەكتەپتەرگە تاسىمالداۋ جۇزەگە اسىرىلادى. بۇل ماقساتتا 163 اۆتوبۋس بولىنگەن. وسى ورايدا وزگە اۋىلدارعا بارىپ وقيتىن 3695 وقۋشى بار ەكەنىن اتاپ وتكەن ورىدى. ونىڭ ىشىندە 2 948 بالا كۇن سايىن ساباق بىتكەن سوڭ ۇيلەرىنە جەتكىزىلسە, 750 وقۋشى مەكتەپ جانىنداعى ينتەرناتتاردا تۇراتىن بولادى.

اعىمداعى جىلى العاشقى قوڭىراۋ كۇنى جەكسەنبى كۇنىمەن تۇسپا-تۇس كەلىپ تۇرسا دا, سالتاناتتى شارا وتەتىن بولادى. ال مەكتەپ وقۋشىلارى مەن كوللەدج ستۋدەنتتەرى 2 قىركۇيەكتەن باستاپ وقۋعا كىرىسە الادى.