مۇعالىمدەر اپتاسىنا بەس كۇن جۇمىس ىستەيتىن بولادى

قازاقستاندىق مۇعالىمدەر ءۇشىن بەس كۇندىك جۇمىس اپتاسى ەنگىزىلەدى ؛دەپ حابارلايدى qamshy.kz اقپارات اگەنتتىگى ؛sputnik ؛سايتىنا سىلتەمە جاساپ.

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.

مينيستر ەلىمىزدە مەكتەپتەردىڭ ءبىر بولىگى بەس كۇندىك وقۋ اپتاسىنا اۋىسقانىن اتاپ ءوتتى. الايدا, ونىڭ ايتۋىنشا, بۇل تۇستا ءالى دە شەشىلمەگەن ماسەلەلەر بار.

"بالالار اپتاسىنا بەس كۇن وقىسا دا, مۇعالىمدەر التىنشى كۇنى دە مەكتەپكە كەلۋى ءتيىس. ارينە, كەيبىر وڭىرلەردە ولاي ەمەس. دەسە دە بىزدە ءبىرىڭعاي ءتارتىپ بولۋى كەرەك", - دەدى ول ءداستۇرلى تامىز كونفەرەنسياسىندا.

ايماعامبەتوۆ مينيسترلىكتىڭ زاڭنامانى قاراپ شىققانىن, مۇعالىمدەرگە بەس كۇن جۇمىس ىستەۋگە ەش نارسە كەدەرگى ەمەس ەكەنىن ايتتى.

"التىنشى كۇندى پەداگوگتار ءوز قالاۋىنا قاراي وتكىزۋى ءتيىس. بالالارمەن ۋاقىت وتكىزە مە, ساباققا دايىندالا ما, ونى وزدەرى شەشەدى. كەيدە بۇل كۇنى پەداگوگيكالىق كەڭەس وتكىزۋگە دە بولادى جانە تاعىسىن تاعى. ءبىراق, ەڭ باستىسى, التىنشى كۇن &ndash؛ مۇعالىمدەردىڭ جەكە ۋاقىتى بولۋى ءتيىس", - دەدى ول.

مينيستر بۇل تاپسىرمانى ءبىلىم جۇيەسى الدىنا قويىپ وتىرعانىن قاداپ ايتتى.

ايتا كەتسەك, استاناداعى تاۋەلسىزدىك سارايىندا پرەزيدەنتتىڭ قاتىسۋىمەن ءداستۇرلى تامىز كونفەرەنسياسى ءوتتى. جيىنعا رەسپۋبليكانىڭ تۇكپىر-تۇكپىرىنەن ەكى مىڭعا جۋىق ءمۇعالىم كەلگەن.

جيىن بارىسىندا ءبىلىم جانە عىلىم سالاسىنداعى وزگەرىستەردى باسقارۋ ماسەلەلەرى تالقىلانىپ, يننوۆاسيالىق يدەيالار مەن باستامالار ۇسىنىلدى. سونداي-اق ءبىرقاتار پەداگوگ پرەزيدەنتتىڭ قولىنان ماراپات الدى.