15 تامىزدا facebook الەۋمەتتىك جەلىسىندە تۇركىستان قالاسىنداعى ەكى تۇرعىننىڭ وز-وزىنە قول سالماق بولعان ۆيدەوسى تارادى. ۆيدەودا ءۇيىنىڭ شاتىرىنا شىعىپ العان ەر ادام گاز باللونىن جارماق بولعان. ول ءۇيىنىڭ سۇرىلۋىنە قارسىلىق بىلدىرگەن. ءۇيدى پوليسيا قورشاپ, نارازى ادامدى قالا اكىمى راشيد ايۋپوۆ تومەنگە ءتۇسۋىن سۇراعان. ەكىنشى ۆيدەودا ەگدە تارتقان ايەل ءۇيىنىڭ ىشىندە پىشاقپەن تامىرىن كەسپەك بولعان. ۆيدەودا ايەلدى پوليسەيلەر سابىرعا شاقىرعانى بايقالادى.
تۇركىستان قالاسى اكىمىنىڭ ءباسپاسوز قىزمەتىنىڭ مالىمەتىنشە, ۆيدەوداعى وقيعا 14 تامىز كۇنى بولعان. تۇرعىنداردىڭ ءۇيىن مەملەكەت مۇقتاجىنا قايتارۋ ءۇشىن سوت شەشىمى شىققان. ولاردىڭ ءۇيى 25 ميلليون تەڭگەگە (شامامەن 65 مىڭ دوللار) باعالانعان. بۇل اقشانى ازىرقانعان تۇرعىندار ءۇيىنىڭ سۇرىلۋىنە قارسى بولعان.
"تۇرعىندار امان. ولارمەن جۇمىس جۇرگىزىلدى. ەكى وتباسى دا باسقا ۇيگە كوشتى. 15 تامىز كۇنى ەكى ءۇي دە ءسۇرىلدى" دەپ حابارلادى اكىمدىكتىڭ ءباسپاسوز قىزمەتى.
اكىمدىكتىڭ دەرەگىنشە, بۇل ۇيلەردىڭ ورنىنا "رۋحاني-مادەني ورتالىق" سالىنادى. ونىڭ جالپى كولەمى &ndash؛ 98 گەكتار.
پىكىر قالدىرۋ
پىكىر