ۆيسە-مينيستر "؛پەداگوگ مارتەبەسى تۋرالى"؛ زاڭنىڭ قاشان قابىلداناتىن ايتتى

بۇگىن نۇر-سۇلتاندا وتكەن تامىز كونفەرەنسياسىندا قر پرەمەر-مينيسترىنىڭ ورىنباسارى گۇلشارا ءابدىقالىقوۆا 2020 جىلدىڭ 1 قاڭتارىنا دەيىن "پەداگوگ مارتەبەسى تۋرالى" زاڭ قابىلداناتىنىن ايتتى ؛دەپ جازادى qamshy.kz اقپارات اگەنتتىگى. ؛

"ۋاقىتتارىڭىزدى كوپ الماي, ەكى ماسەلەگە توقتالعىم كەلەدى. ءبىرىنشى ماسەلە - ول پرەزيدەنت ايتقان مۇعالىمدەردىڭ مارتەبەسىن كوتەرۋ تۋرالى زاڭ. وسى زاڭدى جاقىن ۋاقىتتا, 1 قىركۇيەككە دەيىن پارلامەنتكە ەنگىزۋىمىز كەرەك. سوندىقتان مينيسترلىككە 1-2 اپتانىڭ ىشىندە پارلامەنتكە ەنگىزۋ تۋرالى تاپسىرما بەرەمىن", - دەدى ءابدىقالىقوۆا.

ۆيسە-مينيستردىڭ ايتۋىنشا, "پەداگوگ مارتەبەسى تۋرالى" زاڭ جوباسى ەلىمىزدىڭ بارلىق وڭىرلەرىندە جان-جاقتى تالقىلانعان.

"سوندىقتان 1 قاڭتارعا دەيىن بۇل زاڭدى قابىلداۋعا نەگىزگى مۇمكىندىك بار دەپ ويلايمىن. ەكىنشى ماسەلە - ول بارلىق دەڭگەيدە ءبىلىمنىڭ دامۋى مەن عىلىمنىڭ دامۋى. وسىعان بايلانىستى ءبىز 2025 جىلعا دەيىن ءبىلىم مەن عىلىمدى دامىتۋدىڭ مەملەكەتتىك باعدارلاماسىن قابىلداۋىمىز كەرەك. بۇل باعدارلاما وسى جىلدىڭ سوڭىنا دەيىن تولىق جوسپارى جاسالىپ, قابىلدانۋى ءتيىس", - دەدى گۇلشارا ءابدىقالىقوۆا.

2018 جىلى 5 قازاندا قازاقستاننىڭ سول كەزدەگى پرەزيدەنتى نۇرسۇلتان نازارباەۆ حالىققا جولداۋىندا"كەلەسى جىلى «؛پەداگوگ مارتەبەسى تۋرالى»؛ زاڭدى ازىرلەپ, قابىلداۋ قاجەت دەپ سانايمىن" دەگەن بولاتىن. ؛

 ؛ ؛