ماڭگىلىك ەل يدەياسى – قۇندىلىقتار جۇيەسى

"100 ناقتى قادام" ۇلت جوسپارىنىڭ 85-قادامىندا "ماڭگىلىك ەل" پاتريوتتىق اكتىسى جوباسىن ازىرلەۋ بەلگىلەنگەنى بەلگىلى.

ەلباسىمىز "ماڭگىلىك ەل" يدەياسىنىڭ نەگىزىندە ۇلت دامۋىنىڭ قاينار كوزدەرى بولىپ سانالاتىن مادەنيەتى جوعارى, حالقىنىڭ ادەت-عۇرپىن ساقتايتىن, قۇندىلىقتاردى دارىپتەيتىن ۇرپاقتى تاربيەلەۋدى الدىمىزعا مىندەت ەتىپ قويدى.

رۋحاني جاڭعىرۋدىڭ باستاۋى ۇلتتىق تامىردان ءنار الۋى ءتيىس دەيتىن بولساق, مەكتەپتەردە پاتريوتتىق تاربيەنى كەڭ كولەمدە جۇزەگە اسىرۋ قاجەت.

"ورلەۋ" باۇو اق فيليالى ببجكباري ءبىلىم بەرۋ ۇدەرىسىن پسيحولوگيالىق-پەداگوگيكالىق قولداۋ كافەدراسى ستراتەگيالىق قۇجاتتارداعى باسىم ماقساتتاردى جۇزەگە اسىرۋدا مەكتەپكە دەيىنگى ۇيىم باسشىلارى مەن مەكتەپتىڭ تاربيە ماماندارى ءۇشىن قىسقا مەرزىمدى بىلىكتىلىكتى ارتتىرۋ كۋرستارىن وتكىزىپ كەلەدى.

بىلىم بەرۋمەن قاتار ۇرپاقتى ۇلتتىق تاربيەگە باۋلۋ, تاربيەلەۋدى مەكتەپ قابىرعاسىندا جۇزەگە اسىرۋ جولدارىن بەلگىلەۋدە تىڭداۋشىلارمەن يننوۆاسيالىق ادىس-تاسىلدەردى قولدانۋ كەڭىنەن جۇزەگە اسىرىلادى.

قىسقا مەرزىمدى بىلىكتىلىكتى ارتتىرۋ كۋرستارىندا "رۋحاني جاڭعىرۋ" باعدارلاماسىنىڭ يدەيالارىن ەنگىزۋ بويىنشا تاجىريبەلىك باعىتتاعى ءىس-شارالار وتكىزىلەدى. تاربيە ماسەلەلەرى بويىنشا كۋرس بارىسىندا مەكتەپتىڭ الەۋمەتتىك, قوعامدىق ۇيىمدارمەن ؛ ؛ بايلانىسىن, پەداگوگتار, اتا-انالارمەن جانە وقۋشىلارمەن ءتۇرلى فورماداعى جۇمىستاردىڭ تيىمدىلىگىن اشۋعا باعىتتالعان تىڭداۋشىلاردىڭ جەكە جانە توپتىق جۇمىستارى دايىندالادى, تاجىريبە الماسۋ ماقساتىندا ورتاعا سالىنادى. ءبىلىم بەرۋ قىزمەتىنىڭ ساپالىق دەڭگەيىن انىقتاۋعا ينستيتۋتتىڭ مونيتورينگ جۇيەسى قىزمەت ەتەدى.

بىلىم مەن تاربيە &ndash؛ ەگىز ۇعىم. جاس ۇرپاققا رۋحاني تاربيە بەرۋدەگى مەكتەپكە دەيىنگى ۇيىمدار مەن مەكتەپ ديرەكتورىنىڭ تاربيە جۇمىستارى جونىندەگى ورىنباسارلارىنا ارنالعان بىلىكتىلىكتى ارتتىرۋ كۋرستارىنىڭ مازمۇنى پەداگوگتاردىڭ كاسىبي ءبىلىمىنىڭ تەرەڭدەۋىنە باعىت بەرەدى. اسىرەسە رەسپۋبليكانىڭ ءتۇرلى ايماقتارىنان كەلگەن تاجىريبەلى مامانداردىڭ ايتار ويى, جوسپارلى ۇسىنىسى, جوبالارى, تىڭ يدەيالارىن ورتاعا سالۋىنىڭ كاسىبىن ەندى عانا باستاعان جاس باسشىلاردىڭ ءبىلىمى مولايۋىنا, تاجىريبەسى كەڭەيۋىنە تيگىزەر ىقپالى ۇلكەن. سوندىقتان دا "ماڭگىلىك ەل" يدەياسىنان باستاۋ الىپ, رۋحاني جاڭعىرۋعا جول اشقان ەلباسىنىڭ تاعىلىمدىق ەڭبەكتەرىن كەڭىنەن ناسيحاتتاۋ ءىسى ءوز جالعاسىن تابا بەرمەك.

اعيما ماحانبەتوۆا,

«؛ورلەۋ»؛باۇو اق فيليالى ببج كباري ءبىلىم بەرۋ ۇدەرىسىن پسيحولوگيالىق-پەداگوگيكالىق قولداۋ كافەدراسىنىڭ مەڭگەرۋشىسى, پەداگوگيكا عىلىمدارىنىڭ كانديداتى

 ؛