شەتەلدە وقيمىن دەسەڭىز...

"بىلىمدى تال بەسىكتەن, جەر بەسىككە دەيىن ىزدەن" دەپ حالقىمىز ءبىلىم الۋدى باستى ورىنعا قويعان. قازىرگى قوعامىمىزدا وقيمىن دەگەن ادامعا كوپ جاعداي جاسالعان. بۇگىندە شەتەلدە وقىپ, ءبىلىمىن جەتىلدىرىپ جاتقان قازاق جاستارى از ەمەس. شەت مەملەكەتتە وقۋدىڭ پايداسى تيمەسە, زيانى تيمەيتىنى انىق. ؛qamshy.kz اقپارات اگەنتتىگى جارتى جىل تۇركيا مەملەكەتىندە وقىپ كەلگەن ايدانا باباتاەۆادان شەتەلدە وقۋ جايلى سۇراپ, نەنى قاپەردە ۇستاۋ كەرەكتىگىن بىلگەن بولاتىن.

 ؛&ndash؛ ايدانا سەن تۇركيا  ؛مەملەكەتىندە وقىپ كەلدىڭ. قانداي باعدارلامامەن باردىڭ؟ قاي قالاسىندا وقىدىڭ؟

&ndash؛ مەن ۋنيۆەرسيتەتىمدە ستۋدەنتتەردى جارتى نەمەسە ءبىر جىلعا وقۋعا جىبەرەتىن "اكادەميالىق ۇتقىرلىق" باعدارلاماسى بار. مەن تۇركيا مەملەكەتىنىڭ كاستامونۋ قالاسىنا بارىپ كەلدىم. وقۋ جىلى اياقتالعاندا جاڭا وقۋ جىلىندا شەتەلگە وقۋعا جىبەرەتىن ستۋدەنتتەردەن ءوتىنىش جينايتىن, مەندە تاپسىرىپ كوردىم. گرۋپپادان اسەم ەكەۋمىز تاپسىرعانبىز, سوسىن جارتى جىلدىق وقۋعا باردىق. بۇل باعدارلامانىڭ ەكى ءتۇرى بار, تولىقتاي شىعىنداردى جاباتىن گرانت جانە تەك وقۋ اقىسىن جاباتىن گرانت ءتۇرى. ەكىنشى تۇرىمەن ءبىر سەمەستردا 15-20 ستۋدەنت تۇركيانىڭ التى قالاسىنىڭ بىرەۋىن تاڭداي الادى.

&ndash؛ تۇركيادا وقىپ جاتقان قازاق جاستارى كوپ پە؟ شەتەلدە وقۋدىڭ بىزدەگىدەن ايىرماشىلىعى بار ما؟

&ndash؛ ءبىز بارعان كاستامونۋ 90 مىڭدىق تۇرعىنى بار تۇركيانىڭ قارا تەڭىز بولىگىندە ورنالاسقان شاعىن قالا. مۇندا شەتەلدىكتەر وتە كوپ جانە باسىم كوپشىلىگى ستۋدەنتتەر. كاستامونۋداعى قازاقتار سانى 100-دەن اسادى. سونىمەن قاتار الپىستان اسا باسقا ۇلت وكىلدەرىن كەزدەستىرۋگە بولادى. ؛ وقۋ جۇيەسى: ستۋدەنتتەر ءبىرىنشى سەمەستردا ءبىر رۋبەجكا, ءبىر سەسسيا تاپسىرادى. سول ەكەۋىنىڭ اراسىندا تەك لەكسيا ساباقتارىن الادى. سەمينار ساباقتار بولمايدى. جانە وسى العان ءبىلىمدى ەمتيحاندا كورسەتۋ كەرەك. ەمتيحان جازباشا ءۇش سۇراقتان نەمەسە وقىتۋشىنىڭ قالاۋىمەن تەست سۇراقتارىنان تۇرۋى مۇمكىن. ەمتيحانعا ءار ساباقتان 20-30 مينۋت ۋاقىت عانا بەرىلەدى. دايىندىق كەزىندە ستۋدەنتتەر وتە قاتتى دايىندالادى. كىتاپحانا تولىپ كەتەتىن كەزدەرى دە بولادى.

بىزدە ءبىر قىزىق وقيعا بولعان. ءبىر دوسىمىزدى ەمتيحان كەزىندە مۇلدەم كورمەدىك, ءسويتىپ ءبىر اپتادان كەيىن كەزدەسسەك, قۇربىمىز قاتتى ارىقتاپ كەتىپتى. نە بولعان ساعان دەسەك؟ "ەمتيحاندار بولدى ەمەس پە؟ سوعان دايىندالعاننان" دەپ جاۋاپ بەردى. ءبىز كۇلدىك. ايتپاعىم مۇنداعى ستۋدەنتتەر وتە قاتتى دايىندالادى".

&ndash؛ شەتەلدە وقۋدىڭ ءۇش ارتىقشىلىعىن ايتىپ بەرسەڭ؟

&ndash؛ ستۋدەنتتەرگە ءبىلىم الۋعا مۇمكىندىكتەر كوپ جاسالعان. شەتەلدەن كوپتەگەن جاڭا دوستار تاباسىڭ. داميسىڭ.

&ndash؛  ؛سۇحباتىڭا راحمەت! ساتتىلىك!

سۇحباتتاسقان, العابەك حاميتۇلى