ارىستىقتارعا 100 مىڭ تەڭگە قاشان اۋدارىلادى؟

تۇركىستان وبلىسىنىڭ اكىمى ءومىرزاق شوكەەۆتىڭ توراعالىعىمەن وتكەن اپپارات جيىنىندا توتەنشە جاعدايدان بۇلىنگەن تۇرعىن ۇيلەر, الەۋمەتتىك نىساندار مەن جولداردا جۇرگىزىلىپ جاتقان قۇرىلىس جۇمىستارى جانە كاسىپكەرلەر مەن تۇرعىندارعا كورسەتىلىپ جاتقان كومەكتەردىڭ جاي-كۇيى تالقىلاندى, ؛&ndash؛ دەپ حابارلادى ؛qamshy.kz اقپارات اگەنتتىگى.

يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى قايىربەك وسكەنباەۆتىڭ سوزىنشە, ارىس قالاسىنداعى 8634 تۇرعىن ءۇيدىڭ 7197-سىنە توتەنشە جاعداي كەزىندە زاقىم كەلگەن. بۇگىنگە دەيىن ونىڭ 6924-ىندە جوندەۋ جۇمىستارى اياقتالعان. ال قالعان ۇيلەردىڭ قۇرىلىسى وسى ايدا بىتەدى دەپ جوسپارلانۋدا.

ال, "سامۇرىق-قازىنا"ۇلتتىق ءال-اۋقات قورى" اق-نا جۇكتەلگەن الەۋمەتتىك نىسانداردىڭ بۇگىنگە دەيىن ء15-ىنىڭ قۇرىلىسى اياقتالىپ تاپسىرىلعان. اتالعان قوردىڭ باسقارما باسشىسىنىڭ ورىنباسارى ارمان جەتپىسباەۆ قالعان نىسانداردىڭ جوندەۋ جۇمىستارى تامىز ايىنىڭ سوڭىنا دەيىن تۇگەل اياقتالاتىنىن ايتتى.

جالپى جوسپار بويىنشا ارىس قالاسىنداعى 62 كوشە جوندەۋدەن وتەتىن بولسا, ءقازىر 45 كوشەدە قۇرىلىس جۇمىستارى جۇرۋدە. بۇگىنگە دەيىن 6-ۋى ەل يگىلىگىنە تاپسىرىلىپ, تاعى 10 كوشەنىڭ جۇمىسى تولىق اياقتالۋ الدىندا تۇر. قالادا 26 ايالدامانىڭ 6-ۋى زاماناۋي ايالدامالارعا اۋىستىرىلدى. انىقتاۋ جۇمىستارىنىڭ ناتيجەسىندە قوسىمشا جاڭادان 8 ايالداما قويۋ قاجەتتىگى بەلگىلى بولعان.

سونداي-اق, جيىن بارىسىندا توتەنشە جاعداي كەزىندە شىعىنعا باتقان بيزنەس وكىلدەرىنە دە ءتيىستى كومەكتەر بەرىلىپ جاتقانى ءمالىم بولدى. ماسەلەن قالاداعى 536 ؛ ؛كاسىپكەرلىك نىساننىڭ 509-نا جارىلىس كەزىندە ماتەريالدىق شىعىن كەلگەن. ولارعا «؛اتامەكەن»؛ ۇلتتىق كاسىپكەرلەر پالاتاسىنىڭ تاراپىنان قارجىلاي قولداۋلار جانە 6 مىڭنان استام ءارتۇرلى كومەكتەر كورسەتىلگەن.

ودان بولەك, توتەنشە جاعدايدان زارداپ شەككەن ارىستىقتارعا ءبىر رەتتىك وتەماقى تولەۋ ماقساتىندا 57 مىڭنان استام تۇرعىننىڭ مەكەن-جايى انىقتالعان. 18 جاستان اسقان ازاماتتاردىڭ تولەم كارتوچكالارى تۇگەل دايىندالىپ, 5 تامىزدان باستاپ تاراتىلا باستاعان. بۇگىنگە دەيىن ازاماتتاردىڭ 85 پايىزى ءوز تولەم كارتوچكالارىن العان. قالعان تۇرعىندار 9 جانە 15 سەكتورلاردا ورنالاسقان مەكتەپ پەن بالاباقشادان بارىپ الۋعا بولادى. كارتوچكالار تولىعىمەن تاراتىلىپ بولعان سوڭ, ءتيىستى قارجى اۋدارىلادى.

اتقارىلعان جۇمىستارمەن تانىسىپ شىققان ايماق باسشىسى ءالى دە جۇمىستى شيراتا ءتۇسۋ كەرەكتىگىن ايتتى. جاۋاپتىلارعا ءبىرىنشى كەزەكتە قۇرىلىس جۇمىستارىن قاجەت ەتەتىن تۇرعىن ۇيلەردىڭ ماسەلەسىن تەزدەتىپ شەشۋدى تاپسىردى. سونداي-اق, الەۋمەتتىك نىساندار مەن جولداردىڭ قۇرىلىس جۇمىستارى جانە تۇرعىندار مەن كاسىپكەرلەرگە كورسەتىلەتىن كومەكتەر جوسپارعا ساي دەر كەزىندە كورسەتىلۋى كەرەك ەكەنىن ەسكەرتتى.

تۇركىستان وبلىسى اكىمىنىڭ ءباسپاسوز قىزمەتى