• usd 468.56

  • eur 497.56

  • rub 7.3

  • cny 67.18

29 ناۋرىز, 06:04:59
الماتى
+35°

14 تامىز, 2019 news

ارىستىقتارعا قول ۇشىن بەرگەن ەرىكتىلەرگە قۇرمەت كورسەتىلدى

سەمەي قالاسى اكىمدىگىندە ارىس قالاسىن قالپىنا كەلتىرۋگە اتسالىسقان جاندارعا ماراپاتتار بەرىلدى.

ارىستاعى قايعىلى وقيعادان كەيىن بارشا قازاقستاندىقتار كومەك قولىن سوزۋدان ايانبادى. سەمەيدەن ارىس قالاسىنا ءۇش ەرىكتى بريگاداسى جىبەرىلدى. ولار قالانى قايتا قالپىنا كەلتىرۋگە بەلسەنە قاتىستى. بەس ادامنان تۇراتىن بريگادانىڭ ءبىراز بولىگى ءالى دە سول جاقتاعى جۇمىستارىن جالعاستىرۋدا. ال, قالعاندارى سەمەيگە ورالدى. اكىمدىكتىڭ كىشى زالىندا قالا باسشىسى ارىس قالاسىن قالپىنا كەلتىرۋگە قاتىسقان جانداردى العىس حاتتارمەن ماراپاتتادى. ال, جەرگىلىكتى كاسىپكەرلەر قارجىلاي سىيلىقتارىن تابىس ەتتى.

&ndash؛ بۇگىن ءبىز 24 ماۋسىم ارىس قالاسىندا ورىن العان جاعدايعا بايلانىستى كومەك كورسەتكەن جاندارعا العىس ايتۋعا جينالىپ وتىرمىز. قالامىزدىڭ 39 تۇرعىنى قايتا قالپىنا كەلتىرۋ جۇمىستارىنا قاتىستى. وسى جانداردى قارجىلاي ماراپاتتاۋعا كەلگەن "پوليمەرلى بۇيىم زاۋىتى" جشس مەن "قازىنا" ويىن-ساۋىق كەشەنىنىڭ كاسىپكەرلەرىنە ريزاشىلىعىمدى بىلدىرەمىن, &ndash؛ دەدى ەرماك ءسالىموۆ.

15 كۇننىڭ ىشىندە سەمەيلىكتەر ارىس قالاسىندا قۇرىلىس جانە ارلەۋ جۇمىستارىن جۇرگىزدى. ەستەرىڭىزگە سالا كەتەيىك, 24 ماۋسىم كۇنى ارىس قالاسىنىڭ ءوق-دارى قويماسىندا جارىلىس بولىپ, قالانى ءدۇر سىلكىندىرگەن ەدى. ناتيجەسىندە تۇرعىندار ەۆاكۋاسيالانىپ, ۇيلەر مەن قالا جولدارى قيرادى. قازىرگى تاڭدا, قالانى قالپىنا كەلتىرۋ جۇمىستارى قارقىندى جۇرگىزىلىپ, تۇرعىندار ءوز ۇيلەرىنە بىرتىندەپ ورالۋدا.

سەمەي قالاسىنىڭ اقپاراتتىق ورتالىعى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر