• usd 409.19
  • eur 461.24
  • rub 5.67
  • cny 58.26

15 تامىز, 2019 الەۋمەت

ەلۋ بەرسەڭ, ءجۇز المايسىڭ

قالاداعى كازينولاردى قاپشاعايعا كوشىرىپ تاستاعانىمىزبەن, قۇمارلىقتى قوزدىرۋ جاعىنان ويىن اۆتوماتتارى ولاردان كەم تۇسپەي تۇر.

كافە, دۇكەنگە كىرە قالساڭ, جارقىراعان جاسىل, سارى ويىن اۆتوماتتارى بىردەن كوزىڭە تۇسەدى. قاشان كورسەڭ, الدىندا توپىرلاعان جىگىتتەر. قاراپ تۇرساڭ «؛كەل وينا, اقشا ۇتىپ ال»؛ دەگەن ەشكىم تۇرعان جوق. ءبىراق ءجۇز تەڭگە بەرىپ, ميلليون ۇتىپ العىسى كەلەتىندەر ءوز اياقتارىمەن بارىپ, ءوز قولدارىمەن بار اقشالارىن ۇتقىزادى. qamshy.kz اقپارات اگەنتتىگى قوعامىمىزداعى وسى ءبىر كەلەڭسىزدىك تۋرالى وي قوزعايدى.

العاش از اقشامەن باستاپ كورەدى. سوسىن ۇتاتىن سياقتى بولىپ, اقشالارىن بىرىنەن كەيىن ءبىرىن سالادى. ساحاراداعى كوزگە كورىنەر ساعىمداي ويىن اۆتوماتىن ويناپ جاتقاندا سالعان اقشاڭنىڭ ەكى ەسە بولىپ قايتقانىن قيالداپ وتىرىپ, ۇتقىزىپ جاتقانىڭدى سەزبەي دە قالاسىڭ. قالاداعى كازينولاردى قاپشاعايعا كوشىرىپ تاستاعانىمىزبەن, قۇمارلىقتى قوزدىرۋ جاعىنان ويىن اۆتوماتتارى ولاردان كەم تۇسپەي تۇر.

ويىن اۆتوماتى ەڭ العاش 1887 جىلى انگليادا ويلاپ تابىلعان. ءوز جۇمىسىن ويىنشى قارجىسىن اپپاراتقا سالعاننان كەيىن عانا باستايدى. ادامدى قىزىقتىراتىن ەڭ تارتىمدى تۇسى &ndash؛ قىرۋار قاراجاتقا يە بولاتىنداي كورىنەتىن, بوس ساندىراق «؛دجەكپوت»؛ ەكەن.

جاقىندا تۇسكى اس ىشەيىن دەپ ءبىر كافەگە كىرسەم, ول جەردە دە جارقىراپ وسى ويىن اۆتوماتتارى تۇر. اۆتوماتقا قاراما-قارسى وتىرىپ, شاي الدىم. كوپ ۇزاماي اقشا «؛جەگىش»؛ اۆتوماتتىڭ الدىنا ءبىر جىگىت كەلدى. ەكى ءجۇز تەڭگەسىنەن باستاپ سالا باستادى. مەن قاراپ, باقىلاپ وتىرمىن. ال ول جىگىت ۇستى-ۇستىنە اقشاسىن سالىپ, ويىننىڭ قىزىعىنا كىرىپ كەتكەن. تۇرىنەن قايعىرعانى بىلىنبەيدى. سىرتتان باقىلاي بەرمەي, وزىمەن تىلدەسۋدى ءجون كوردىم. جىگىتتىڭ ەسىمى سۇلتان ەكەن. ويىن اۆتوماتىن وڭاي اقشا تەك قاقپاندا بولاتىنىن ايتىپ, سوزگە تارتىپ ەدىم, ول بىلاي دەپ قىسقاشا اڭگىمەسىن ايتىپ بەردى.

«؛العاشىندا مەن مۇندايلارعا قىزىقپايتىنمىن. بىردە دوستارىممەن كوشەدە جۇرگەندە, ءبىر دوسىم «؛ويىن اۆتوماتىنان اقشا ۇتىپ قايتپادىق پا؟»؛ دەپ ايتتى. مەن سەنبەدىم. ءبىراق بىرگە باردىم. ول ويناپ, ءبىر قىزىعى بەس ءجۇز تەڭگە سالىپ, ءتورت مىڭ تەڭگە ۇتىپ الدى. سول ۋاقىتتا مەن دە وينادىم, ءبىراق ەكى-ۇش مارتە كورگەن ەدىم, ءساتسىز بولدى. كەيىننەن قالاي دا ۇتامىن دەپ, ويناي بەرەتىنىمدى ءوزىم دە بايقاماي قالدىم. الايدا ۇتقانىمنان ۇتىلعانىم الدەقايدا كوپ بولدى. بۇگىننىڭ وزىندە مەن ون بەس مىڭ تەڭگەنى وسى ءبىر ويىن اۆتوماتىنا ۇتقىزىپ جىبەرىپپىن. مەن تاۋەلدى بولىپ قالعان سياقتىمىن, سوندىقتان ەلدىڭ ءسوزى ماعان اسەر ەتپەيدى»؛.

مەن جىگىتتىڭ سوزىنە تاڭعالىپ, ءبىر جاعىنان جانىم اشىپ شىعىپ بارا جاتىر ەدىم, ارتىمداعى ويىن اۆتوماتىنا تاعى ەكى جىگىت كەلىپ وتىردى. «؛قايران ەڭبەكپەن كەلىپ, كوز جاسپەن كەتكەن اقشالار-اي»؛ دەپ شىعىپ كەتتىم.

نەلىكتەن ويىن اۆتوماتىندا ۇتۋدان بۇرىن ۇتىلۋ كوپ؟ ويتكەنى ول سولاي جاسالىنعان كومپيۋتەرلىك پروگرامما. ءاربىر جەتپىسىنشى نەمەسە ءجۇزىنشى ادام ۇتاتىن ەتىپ پروگراممانى باپتاپ قويعان. ەگەر سايكەستىكپەن ءسىز ءجۇزىنشى بولىپ ويناساڭىز, ۇتاسىز, ال كەرىسىنشە بولعان جاعدايدا قالتاڭىزداعىنىڭ بارلىعىن بەرەسىز. باعدارلامانى ورناتقان ادام ءوز قالاۋىنشا وزگەرتىپ وتىرادى.

زاڭ تىيىم سالىپ, قۇقىق قورعاۋ ورگاندارى تەكسەرىس جۇرگىزگەنىمەن جاڭبىردان كەيىنگى ساڭىراۋقۇلاقتارداي قاپتاي بەرەتىن بۇل اۆتوماتتاردان قۇتىلۋ وڭاي بولماي تۇر. وڭاي اقشاعا كىم يە بولعىسى كەلمەيدى. سول ءۇشىن دە مۇندايلار قاپتاپ كەتتى قالامىزدا.

ويىن اۆتوماتى, لوتورەيا, كازينو بۇلار اقشا «؛جەۋدىڭ»؛ ادىستەرى. ارينە وسىلاردان ۇتقاندار دا بار. ءبىراق تىم سيرەك. مىڭ ادامنىڭ تەك ءبىر ەكەۋى عانا شىعار. سوندىقتان ەڭبەكپەن تاپقانىمىزدى, قۇمار ويىنىنا سالىپ, سان سوعىپ قالمايىق!

العابەك حاميتۇلى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر