100 جاڭا وقۋلىق. "؛م.شوۋ بىزدە ءالى كۇنگە دەيىن وقىلماعان قىزىقتى تاقىرىپتاردى قوزعايدى"؛

«؛قازاق تىلىندەگى 100 جاڭا وقۋلىق»؛ جوباسى اياسىندا الداعى بىرنەشە جىلدا گۋمانيتارلىق ءبىلىمنىڭ بارلىق باعىتتارى بويىنشا الەمدەگى تاڭداۋلى وقۋلىقتار قازاق تىلىنە اۋدارادى. بۇگىندە وقۋلىقتاردىڭ ءبىرازى وقىرمانعا جول تارتىپ ۇلگەردى. سولاردىڭ اراسىنداعى حالىقارالىق قۇقىق سالاسى بويىنشا باتىستا جازىلعان ەڭ ۇزدىك كاسىبي ادەبيەتتەردىڭ ءبىرى بريتانيالىق قۇقىقتانۋشى مالكولم شوۋدىڭ ەكى تومدىق «؛حالىقارالىق قۇقىق»؛ كىتابى بار. qamshy.kz اقپارات اگەنتتىگىنىڭ ءتىلشىسى كىتاپتىڭ عىلىمي رەداكتورى, قۇقىقتانۋشى مارات سارسەمباەۆپەن سۇحباتتاسقان بولاتىن.

&ndash؛ مارات الدونعارۇلى, اۋەلى جاستارعا وسىنداي مۇمكىندىكتى سىيلاپ وتىرعان باعدارلامانىڭ ماڭىزى تۋرالى ايتىپ وتسەڭىز دەپ ەدىك...

&ndash؛ قازىرگى تاڭدا گۋمانيتارلىق باعىتتاعى ءتۇرلى پاندەر بويىنشا كورنەكتى شەتەلدىك اۆتورلاردىڭ 100 وقۋلىعىن اۋدارۋ بويىنشا ۇلكەن جۇمىس اتقارىلۋدا. ءبىزدىڭ قازاق ءتىلدى جانە ورىس ءتىلدى ستۋدەنتتەرگە, ماگيسترانتتار مەن دوكتورانتتارعا باتىس, باتىس-ەۋروپالىق باعىتتاعى تەرەڭ ءبىلىمدى وزدەرىنىڭ انا تىلدەرىندە الۋعا ۇلكەن جاعداي جاسالىپ وتىر. وسىلايشا ءبىزدىڭ ۋنيۆەرسيتەتتەرىمىزدە باتىس ۋنيۆەرسيتەتتەرىنىڭ ستۋدەنتتەرىندەگىدەي ءبىلىم دەڭگەيى ۇسىنىلماق. وسى تۇرعىدا باعدارلامانىڭ جاستارىمىزعا, قوعامعا بەرەرى مول.

&ndash؛ ن.نازارباەۆتىڭ «؛بىزگە ينجەنەرلەر مەن دارىگەرلەر عانا ەمەس, قازىرگى زاماندى جانە بولاشاقتى تەرەڭ تۇسىنە الاتىن ءبىلىمدى ادامدار دا اۋاداي قاجەت»؛ دەگەن ءسوزى بار. گۋمانيتارلىق سالاعا مۇنشا كوڭىل ءبولۋدىڭ ءمانى نەدە؟

&ndash؛ "رۋحاني جاڭعىرۋ" &ndash؛ بۇل جاستاردىڭ عانا ەمەس, ەلىمىزدىڭ بارلىق حالقىنىڭ رۋحاني جاڭعىرۋى. ءدال وسى گۋمانيتارلىق ءبىلىم قوعامدا ادامداردىڭ بىر-بىرىنە قارىم-قاتىناسىنداعى ادالدىقتىڭ, ادىلدىكتىڭ, سىيلاستىقتىڭ, مەيىرىمدىلىكتىڭ, ادام سۇيگىشتىكتىڭ نەگىزگى باستاۋلارىن ورناتۋعا جانە قولدانۋعا مۇمكىندىك بەرەدى. وسى جوعارى ۇعىمدار بەيرەسمي ماعىنادا ءبىزدى ءبىرتۇتاس حالىق, بىر-بىرىنە كومەككە كەلۋگە دايىن ەتىپ قالىپتاستىرادى. ول دەگەنىڭىز &ndash؛ شىنايى ءپاتريوتيزمنىڭ نەگىزى..

&ndash؛ وزىڭىزگە تىكەلەي قاتىستى ماسەلەگە قاراي ويىسساق. مالكولم شوۋدىڭ «؛حالىقارالىق قۇقىق»؛ كىتابى 100 جاڭا وقۋلىق جوباسىنا اۋەلى قالاي ەندى؟

&ndash؛ 100 وقۋلىققا ەنگەن كىتاپتاردىڭ ىشىندە وسالى جوق. ءبارى دە ءوز سالاسىنداعى الەم مويىنداعان ەڭبەكتەر. الەمدىك ۋنيۆەرسيتەتتەردە وقىتىلاتىن, باعدارلاماسىنا ەنگەن جۇمىستار. مالكولم شوۋدىڭ وقۋلىعى دا قۇقىق, ونىڭ ىشىندە حالىقارالىق قۇقىق نەگىزىندە ادىلەتتىلىك جاتقان وقۋ ءپانى مەن عىلىمي پاندەر ىشىندەگى ەڭ ۇزدىك ەڭبەك دەپ ايتسا بولادى. "يۋستيسيا" ءسوزى "ادىلەتتىلىكتى" بىلدىرەدى. بۇل ەل ىشىندە, ازاماتتار اراسىنداعى قاتىناستاردا ادىلدىك پەن زاڭدىلىقتىڭ ورناۋى رەتىندە كورىنىس تاپسا, حالىقارالىق قاتىناستاردا &ndash؛ حالىقتار مەن مەملەكەتتەر اراسىنداعى بايلانىستاعى ادىلدىكتىڭ سالتانات قۇرۋى. وسى ۇعىمداردى عىلىمي نەگىزدە ومىرلىك مىسالدارمەن تۇسىندىرەتىن ەڭبەك ءوز سالاسىندا جەتەكشى ورىنعا يە بولعاندىقتان, باعدارلامانىڭ قۇقىق بولىمىنە كەلگەندە تاڭداۋ ءسوزسىز وسى وقۋلىققا ءتۇستى.

&ndash؛ cىزدەر كىتاپتىڭ سەگىزىنشى باسىلىمىن ازىرلەگەندەرىڭىزگە قاراعاندا كىتاپ قوسىمشا دەرەكتەرمەن تولىقتىرىلىپ, ۇدايى جاڭارىپ وتىرعان بولدى عوي...

&ndash؛ ول راس. اۆتور وسى وقۋلىقپەن ۇزاق ۋاقىت بويى جۇمىس ىستەگەن. جاڭا وقيعالاردى, فاكتىلەردى, اعىمداعى حالىقارالىق-قۇقىقتىق قاتىناستاردى ەسەپكە الىپ, مازمۇنىن بايىتىپ, ۇنەمى تولىقتىرىپ, ءومىر اعىمىنا بەيىمدەپ قايتا شىعارىپ وتىرعان. سوندىقتان ءبىز كىتاپتىڭ سوڭعى &ndash؛ سەگىزىنشى باسىلىمىن اۋداردىق.

&ndash؛ ءوزىڭىز سياقتى كاسىبي ماماندار بولماسا, قالىڭ وقىرمان, جاستار ەڭبەكتىڭ ارقالاعان جۇگىنەن بەيمالىم. سوندىقتان كىتاپتىڭ باستى قۇندىلىعى مەن ەرەكشەلىگى جونىندە ءبىراۋىز ايتىپ بەرسەڭىز...

&ndash؛ ەكى تومنان تۇراتىن كىتاپتا حالىقارالىق قۇقىق سالاسىنداعى ۇعىمدارعا انىقتاما بەرىلىپ, ءتۇرلى قۇقىق جۇيەلەرىنىڭ نورمالارى سالىستىرىلادى, وزىندىك ەرەكشەلىكتەرى مەن باستى پرينسيپتەرى ءسوز بولادى. حالىقارالىق قۇقىقتىڭ پايدا بولۋى مەن دامۋىنداعى فيلوسوفيالىق, الەۋمەتتىك كوزقاراستار, حالىقارالىق سوت پروسەستەرى مەن تريبۋنالداردىڭ قىزمەتتەرى ناقتى مىسالدار ارقىلى باياندالادى. حالىقارالىق شارتتاردىڭ تۇرلەرى, شارت تالاپتارى مەن مىندەتتەمەلەرى تۋرالى جان-جاقتى مالىمەت قامتىلعان. ادام قۇقىعىن حالىقارالىق دەڭگەيدە قورعاۋ, جەكە تۇلعانىڭ قىلمىستىق جاۋاپكەرشىلىگى, مەملەكەتتىڭ اۋماعى جانە تەڭىز قۇقىعى تاقىرىبىندا مول ماعلۇمات بەرەدى. اۆتور حالىقارالىق قۇقىق جونىندە باتىستىق دوكترينالاردىڭ ءمانىن اشىپ, حالىقارالىق جانە حالىقارالىق-قۇقىقتىق قارىم-قاتىناستاردىڭ تاجىريبەسىن تاريحي, قازىرگى زامان تۇرعىسىنان كورسەتەدى. حالىقارالىق سوت, ۇلىبريتانيا, اقش جانە تاعى دا باسقا ەلدەردىڭ سوتتارى قاراپ, شەشىم شىعارعان حالىقارالىق-قۇقىقتىق سيپاتتاعى ىستەردىڭ استارىنا ءۇڭىلىپ, ولاردى تەوريامەن تىعىز بايلانىستىرادى. بۇدان بولەك, م. شوۋ تەك ەۋروپا وداعى, ەۋروپا قاۋىپسىزدىك جانە ىنتىماقتاستىق ۇيىمى, امەريكا جانە افريكا قۇرلىقتارىنداعى حالىقارالىق ۇيىمدارمەن شەكتەلمەي, تاۋەلسىز مەملەكەتتەر دوستاستىعى اياسىندا تۋىنداعان حالىقارالىق-قۇقىقتىق پروبلەمالاردى كەڭىنەن سارالاپ, ءوز كوزقاراسىن بىلدىرەدى.

&ndash؛ ون بولىمنەن تۇراتىن كىتاپ حالىقارالىق قۇقىق ماسەلەسىنىڭ ۇڭعىل-شۇڭعىلىن تۇگەل قامتيتىنىمەن باعالى دەڭىزشى...

&ndash؛ ماسەلە سوندا. م. شوۋدىڭ جالپى كولەمى 1 033 بەتتەن تۇراتىن كىتابى تمد ەلدەرى مەن باسقا مەملەكەتتەردىڭ وقۋلىقتارىندا ءداستۇرلى بولىپ تابىلاتىن بولىمدەر مەن تاراۋلاردان باسقا, بىزدە ءالى كۇنگە دەيىن وقىلماعان قىزىقتى تاقىرىپتاردى قوزعايدى. بۇل: مەملەكەتتەر كوندومينيۋمدارى, ەۋروپالىق قۇقىق, ەستوپپەل, حالىقارالىق جاريا قۇقىقتاعى سەرۆيتۋتتار, يۋريسديكسيا پرينسيپتەرى. م. شوۋ وقۋلىعىنىڭ ەرەكشەلىگى &ndash؛ حالىقارالىق قۇقىق, تەوريا ماسەلەلەرى بويىنشا پراكتيكاعا, مىندەتتەردى شەشۋگە, سوت ىستەرىنە باسىمدىق بەرىلەدى. كىتاپتا بارلىق كونتينەنتتەردىڭ حالىقارالىق-قۇقىقتىق ماسەلەلەرى قامتىلعان. اۆتور ءوز ەلىنىڭ &ndash؛ ۇلىبريتانيانىڭ سىرتقى ساياسي ۇستانىمدارىن قورعاۋدا يدەولوگيالىق ۇمتىلىس پەن نەگىزدەمە جاسامايدى. بارلىق حالىقارالىق وقيعالار مەن ولارمەن بايلانىستى پروبلەمالاردى جاريالاۋدا بارىنشا وبەكتيۆتى بولۋعا ۇمتىلادى.

&ndash؛ كىتاپ نەگىزىندە جاسالعان ونلاين دارىستەر تاپتىرماس كومەكشى قۇرال ەكەن. دارىستەر كىتاپ مازمۇنىن تولىق قامتيدى ما؟

&ndash؛ حالىقارالىق قۇقىق بويىنشا مەنىڭ ونلاين-لەكسيالارمەن تانىسقانىڭىزعا قۋانىشتىمىن. و باستاعى وي م. شوۋ كىتابىنىڭ نەگىزگى مازمۇنىن قامتىپ, ونىڭ ەلىمىزدىڭ تاجىريبەسىمەن جاناساتىن تۇستارىنا كەڭىرەك توقتالۋ ەدى. ءقازىر ونلاين لەكسيالاردىڭ العاشقى ءبولىمىن اياقتادىق. ەگەر باسشىلىق قاجەت دەپ تاپسا, كۋرس جالعاسادى. ازىرگە ونىڭ تاعدىرى ماعان بەيمالىم.

&ndash؛ سۇقباتىڭىزعا راقمەت!