• usd 378.65
  • eur 430.07
  • rub 6
  • cny 55.1
23 قىركۇيەك، 00:25:04
كەكىلباەۆقا ارنالعان كەش

14 تامىز، 2019 news

ساعىنتاەۆ: نە قارجى جوق، نە جاسالعان دۇنيە جوق (ۆيدەو)

"؛جۇمىس 100 پايىز ورىندالدى، اياقتالدى. اياقتالعان ەشتەمە جوق"؛

الماتى اكىمى باقىتجان ساعىنتاەۆ ناۋرىزباي اۋدانى حالقىمەن كەزدەستى دەپ حابارلايدى qamshy.kz اقپارات اگەنتتىگى قازاقپارات سايتىنا سىلتەمە جاساپ.

كەزدەسۋ كەزىندە اكىم كەز كەلگەن جەردە حالىق پىكىرىن ەسكەرۋدىڭ ماڭىزدىلىعىن اتاپ ءوتتى.

"باقىلاۋ ماسەلەسى بولماي جاتىر. ادامدار تاراپىنان مەردىگەرلەردىڭ قۇنتتامايتىندىعى جونىندە شاعىم كوپ. جاساپ كەتەدى، ارتىنان قيراپ جاتىر. ەگەر جول، ارىقتار جاسالىپ جاتسا، تۇرعىندارمەن كەلىسىپ باقىلاۋ ورناتۋ كەرەك. كوشە تۇرعىندارىنىڭ كوڭىلى تولماسا، قابىلداۋ- تاپسىرۋ اكتىسىنە قول قويىلمايدى. كىسىلەر ساپاسى دۇرىس دەسە عانا قول قويامىز"، - دەدى اكىم.

قالا باسشىسى مەملەكەتتىك قارجىنى يگەرۋدەگى ولقىلىقتاردى دا اتادى.

"پرەزيدەنت ايتقانداي، بىزدە كوپ دۇنيە بەرىلگەن قارجىنى تەزىرەك يگەرۋ، ەسەپ بەرۋمەن قۇتىلۋ بولىپ تابىلادى. جۇمىس 100 پايىز ورىندالدى، اياقتالدى. اياقتالعان ەشتەمە جوق. تەزدەتىپ اقشانى تولەپ تاستادىق. ويتكەنى، جوعارى جاققا ەسەپ بەرۋ كەرەك. مۇنىڭ قاجەتى جوق. مەملەكەت بولگەن، حالىق يگىلىگىنە جۇمسالعان قارجى بوسقا كەتتى. نە قارجى جوق، نە جاسالعان دۇنيە جوق. ودان دا اسىقپاي ساپالى جاسالسىن. كەلەر جىلعا كوشەتىن بولسا، كوشسىن. وعان تۇسىنىكتى سەبەپ بار"، - دەدى ول.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر