13 تامىز, 2019 news
شىعىس قازاقستاندا ەلىمىزدىڭ جانە شەتەلدىڭ ۆەلوسپورتشىلارى سىنعا تۇسكەن "قازاقستان وقۋشىسى &ndash؛ 2019" حالىقارالىق ۆەلوكوپكۇندىگى شىمىلدىق ءتۇردى. ءدۇبىرلى دودا بيىل ەلۋىنشى رەت وتكىزىلىپ وتىر.
توعىز كۇنگە سوزىلاتىن سپورتتىق ءىس-شارانى وبلىس اكىمدىگىنىڭ قولداۋىمەن ءبىلىم جانە عىلىم مينيسترلىگىنىڭ ۇلتتىق عىلىمي-پراكتيكالىق دەنە تاربيەسى ورتالىعى ۇيىمداستىرعانىن ايتا كەتكەن ءجون.
&ndash؛ وليمپيادا چەمپيونى الەكساندر ۆينوكۋروۆ سپورتتىق مانسابىنداعى العاشقى جۇلدەسىن وسى "قازاقستان وقۋشىسى" جارىسىندا ەنشىلىگەن ەدى. سول اعالارىڭنىڭ جولىن بەرسىن. سەندەردىڭ ارالارىڭنان دا بولاشاق وليمپيادا, الەم چەمپيوندارى شىعادى دەپ سەنەمىز, &ndash؛ دەدى جارىستىڭ اشىلۋ راسىمىندە ءبىلىم جانە عىلىم مينيسترلىگىنىڭ ۇلتتىق عىلىمي-پراكتيكالىق دەنە تاربيەسى ورتالىعىنىڭ وكىلى ساعدات سادىقوۆ.
1970 جىلى الماتىدا باستاۋىن العان "قازاقستان وقۋشىسى" ۆەلوبايگەسى جىل سايىن وتكىزىلىپ كەلەدى. وسى ۋاقىت ارالىعىندا سايىسقا جەتى مىڭعا جۋىق سپورتشى قاتىسقان ەكەن. بۇل جولعى ۆەلوبايگەگە 130-عا جۋىق وقۋشى باق سىناۋدا. ولاردىڭ قاتارىندا رەسەي, وزبەكستان سياقتى كورشىلەس مەملەكەتتەردەن, الىستاعى موناكو كنيازدىگىنەن وكىلدەر بار.
ەستەرىڭىزگە سالايىق, اتالمىش جارىس 8-16 تامىز ارالىعىندا گلۋبوكوە, ۇلان اۋداندارى مەن ريددەر, وسكەمەن قالالارىنىڭ جولدارىندا ءوتۋى ءتيىس. جارىس جەڭىمپازدارى مەن جۇلدەگەرلەرى اپتا سوڭىندا بەلگىلى بولادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر