رەسەيدە يادرولىق رەاكتور جارىلىپ, اۋىل حالقى كوشىرىلىپ جاتىر

سەۆەرودۆينسك قالاسى ماڭىنداعى نەنوكس اۋىلىنىڭ تۇرعىندارىنا 14 تامىزدا 2 ساعاتقا اۋىلدان كەتۋ جونىندە نۇسقاۋلىق كەلەگەن ؛دەپ حابارلايدى qamshy.kz اقپارات اگەنتتىگى ؛روسبالت ؛سايتىنا سىلتەمەجاساپ. ؛

ال اۋىلدان كەتىسى كەلمەگەندەرگە ەكى ساعاتقا, ياعني ساعات تاڭعى 05.00 مەن 07.00 ۋاقىتىندا ورمانعا بارا تۇرۋلارىن سۇراپتى. ال سەۆەرودۆينسك قالاسى اكىمدىگىنىڭ باسشىسى ءالى ەڭبەك دەمالىسىنان ورالماعان.

ايتا كەتسەك, بۇل اۋىلدا وتكەن اپتادا شاعىن گاباريتتى يادرولىق رەاكتور سىناق كەزىندە جارىلىپ كەتكەن.

قانداي دا ءبىر سىناق جاسالۋ مۇمكىندىگى تۋرالى رەسمي اقپارات جوق.

تۇندە ارحانگەلسكىدەن ماسكەۋگە 10 دارىگەر ۇشىپ كەتتى, ولار "نەنوكسا" جاتتىعۋ پوليگونىندا جارىلىستان زارداپ شەككەندەرگە العاشقى مەديسينالىق كومەك كورسەتتى. دارىگەرلەر ونكولوگيالىق جانە بيوفيزيكالىق اۋرۋلاردىڭ سالدارىن زەرتتەيتىن مەديسينالىق ورتالىق ورنالاسقان ششۋكينسكايا مەترو ستانسياسىنىڭ ماڭىندا ورنالاستى. اتاپ ايتساق, وندا ا.ي. بۋرنازيان اتىنداعى فەدەرالدى مەديسينالىق بيوفيزيكالىق ورتالىقتىڭ كلينيكاسى بار. سول اراعا سىناق پوليگونىندا زارداپ شەككەندەر جەتكىزىلگەن بولاتىن.

روساتومنىڭ حابارلاۋىنشا, سىناق پوليگونىندا 5 قىزمەتكەر كوز جۇمىپ, 3 ادام جارالانعان. ءبىراق يادرولىق رەاكتوردىڭ جارىلۋى تۋرالى اقپاراتتى رەسەي سوڭىنا دەيىن جاسىرىن ۇستادى. اقش پرەزيدەنتى دونالد ترامپ رەسەيدە يادرولىق رەاكتور جارىلعانىن جەلىدەگى پاراقشاسىندا جازدى. ءتىپتى, اتىنا دەيىن اتاپ, ءتۇسىن تۇستەپ بەردى. ەندى حالىقارالىق قاۋىمداستىق اۋا-رايى ساپاسىنا الاڭداپ وتىرعانىن دا جەتكىزگەن.