شىمكەنتتىڭ ەكس-اكىمىنە "؛300 مىڭ دوللاردىڭ"؛ قاتىسى قانداي؟

شىمكەنتتىك جۋرناليست زاۋرە ميرزاحودجاەۆا بۇرىنعى قالا اكىمى عابيدوللا ءابدىراحيموۆ پەن ونىڭ ورىنباسارى دانات جۋمين ەكەۋىنىڭ ىمداسا-جىمداسا اتقارعان ءبىر تىرلىكتەرىن الەۋمەتتىك جەلىگە جاريالاپ جىبەردى. وعان ەكس-اكىم جاۋاپ قاتىپ ۇلگەردى ؛دەپ حابارلايدى ؛qamshy.kz اقپارات اگەنتتىگى ؛zakon.kz ؛سايتىنا سىلتەمە جاساپ.

جەرگىلىكتى جۋرناليست ەكس-اكىمدى قالا بيۋدجەتىنەن جارناماعا دەگەندى جەلەۋ ەتىپ, ورىنباسارىنىڭ جشس - "اپەكس-كونسالتقا" ميلليوندار اۋدارعان دەپ ايىپتادى.

"قاراڭىزدارشى, تەك 2017 جىلى ء"جۋميننىڭ" جشس شىمكەنت قالاسىنىڭ اكىمدىگىنەن 97 ميلليون تەڭگەگە مەملەكەتتىك تاپسىرىس الدى. بۇل - شامامەن 300 مىڭ دوللار! وندا دا بۇل تەك شىمكەنت اكىمدىگىنىڭ ىشكى ساياسات باسقارماسى باعىتى بويىنشا عانا. 2018 جىلى بۇل سوما ازداۋ بولىپ قالىپتى, بار بولعانى - 56 مىڭ دوللار, ءبىراق 2016 جىل - جشس ءۇشىن مايشەلپەككە كەڭەلگەن كەزەڭ. ول تۋرالى باسقا جولى ءسوز قوزعارمىز, ازىرگە 2017 جىلدىڭ تەندەرىنىڭ جايىن تالقىلاپ الايىق. ءبىر قىزىعى, 2017 جىلى تەندەرگە قويىلعان 10 لوتتىڭ ء7-ى "جۋمين" كومپانياسىنا ەشقانداي باسەكەلەسسىز نەگىزدە بەرىلگەن", - دەپ جازدى زاۋرە ميرزاحودجاەۆا.

جۋرناليستتى مەملەكەت اقشاسىنىڭ زىڭ سەكىلدى حالىقتىڭ ميىن اشىتىپ, كوزىن بايلايتىن جەڭىل-جەلپى دۇنيەلەرگە جۇمسالعانى قىنجىلتقان.

وسىعان قاتىستى عابيدوللا ءابدىراحيموۆتىڭ ءوزى bnews.kz-كە قىسقاشا سۇقبات بەرگەن.

"يا, مەن اكىم بولدىم. اكىمدىك جانىندا بولىمدەر بار, كونكۋرستىق كوميسسيا دەگەن بار, سولار كونكۋرستى وتكىزەتىن. ەندى ويلاڭىزشى, مەن سول كونكۋرستاردىڭ بارلىعىن باقىلاپ وتىرۋىم كەرەك پە6 سوندا؟ ەگەر الدى ما, دەمەك, الدى. ەگەر قانداي دا ءبىر پروبلەمالار بولسا, وندا قۇقىق قورعاۋ ورگاندارىنا شاعىمدانسىن, سولار اينالىسسىن6 بۇل ىسپەن. ول جاعىنا مەنىڭ نارازىلىعىم جوق. ەگەر بىرەۋ زاڭ بۇزعان بولسا, وندا كەز-كەلگەن قۇقىق بۇزۋشىلىققا بەلگىلى ءبىر جازا قاراستىرىلعان. مىڭداعان بايگە, كونكۋرس وتكىزىلىپ جاتادى, سونىڭ ءبارىن مەن قاداعالاپ وتىرا المايمىن عوي",- دەدى ەكس-اكىم.

سونداي-اق, ول ءوزىنىڭ بۇرىنعى ورىنباسارى دانات ءجۋميندى ۇزاق ۋاقىت كورمەسە دە, وزدەرىنىڭ قارىم-قاتىناستارى بۇرىنعىداي دۇرىس ەكەنىن ايتتى.

ايتا كەتسەك, ءبىر ايعا جۋىق ۋاقىت بۇرىن شىمكەنت قالاسىنىڭ اكىمى عابيدوللا ءابدىراحيموۆ قىزمەتىنەن الىنعان. وعان ونىڭ الەۋمەتتىك جەلىدەگى "بەلسەندىگى" كەرى اسەر ەتكەن. لوندونعا جۇمىس ساپارىمەن بارعان ول الەۋمەتتىك جەلى ارقىلى وتانىنا سالەم جولداعان. ول "قازاقستاندا جۇمىس ىستەپ, شەتەلدە قىدىرۋ كەرەك وسىلاي" دەگەن ەدى. ونى جەلىدەگىلەر "قازاقستاننان اقشا ۇرلاپ, شەتەلگە اپارۋ كەرەك وسىلاي" دەپ ماعىناسىن مايىستىرىپ, ابدەن ءوزىن سىناعان. بۇل ۋاقىتتا ارىستا قويما جارىلىپ, ءبۇتىن قالا ءبۇلىنىپ, ەل مەڭ-زەڭ كەز ەدى. سوندىقتان باسشىلىق اكىمنىڭ بۇل قىلىعىن مەملەكەتتىك قىزمەتكەردىڭ ەتيكاسىنا ساي ەمەس دەپ تاپقان