13 تامىز, 2019 news
بالانديننىڭ كولىگىنەن اينا شەشكەن قىلمىسكەرگە ۇكىم شىقتى
دەنيس تەننىڭ ءومىرىن جالماعان قىلمىس تۇرىمەن قورىقپاي اينالىسقان قىلمىسكەر قانشا جىلىن تۇرمەدە وتكىزەدى؟
؛
الماتى قالاسى, المالى اۋداندىق №2 سوتى بەلگىلى سپورتشى دميتريي ءبالانديننىڭ كولىگىنىڭ ايناسىن ۇرلادى دەگەن ايىپ تاعىلعان ايدوس ۆاليەۆكە ۇكىم كەستى دەپ جازادى qamshy.kz اقپارات اگەنتتىگى.
قىلمىسكەر ەندى ءتورت جىلىن تۇرمەدە وتكىزبەك. سوت ماتەريالىنا سەنسەك, قىلمىسكەر ءبىر جەردە ەكى رەت ۇرلىق جاساعان-مىس.
العاشىندا ول lend rover discovery ماركالى كولىگىنىڭ ايناسىن جىمقىرىپ, جازادان قۇتىلىپ كەتكەن. جابىرلەنۋشى ەندى 300 مىڭ تەڭگە كولەمىندە وتەماقى الادى. ەكىنشى رەت قىلمىسكەر ءبالانديننىڭ كولىگىنەن اينا شەشىپ كەتپەك بولعان.
سپورتشىعا 465 مىڭ تەڭگە كولەمىندە وتەماقى تاعايىندالدى. ءبىرشاما ۋاقىت بۇرىن وليمپيادا چەمپيونىنىڭ كولىگىنەن اينا ۇرلانعانى تۋرالى حابارلانعان. دميتريي دوستارىمەن بىرگە كافەدە تۇستەنىپتى. تىسقا شىققاندا كولىگىنىڭ ايناسى قولدى بولعانىن كورىپ, پوليسياعا شاعىمدانادى. كوپ ۇزاماي كۇدىكتى قولعا ءتۇستى.
ايتا كەتۋ كەرەك, بۇل قىلمىس تا دەنيس تەن قازا تاپقان قۇرمانعازى &ndash؛ ابىلاي حان جانە بايسەيىتوۆ كوشەلەرىنىڭ شەڭبەرىندە ورىن العان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر