13 تامىز, 2019 ساياسات
پرەزيدەنت قاسىم-جومارت توقاەۆتىڭ ءتوراعالىق ەتۋىمەن «؛اقوردا»؛ رەزيدەنسياسىندا ەكونوميكالىق ماسەلەلەر بويىنشا كەڭەس وتتى ؛دەپ حابارلايدى qamshy.kz اقپارات اگەنتتىگى ؛اقوردا سايتىنا ؛سىلتەمە جاساپ.
كەڭەس بارىسىندا بيىلعى 7 ايداعى ەلىمىزدىڭ الەۋمەتتىك-ەكونوميكالىق دامۋ قورىتىندىلارى قارالدى. پرەمەر-مينيستر اسقار مامين, ۇلتتىق بانك ءتوراعاسى ەربولات دوساەۆ, سونداي-اق ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ بايانداما جاسادى.
جيىنعا قاتىسۋشىلار وتاندىق تاۋار وندىرۋشىلەردى قولداۋ, الەۋمەتتىك ماڭىزى بار ازىق-تۇلىك تاۋارلارى مەن تاريفتەر باعاسىنىڭ ءوسۋىن بولدىرماۋ, اتاۋلى الەۋمەتتىك كومەك تاعايىنداۋ, كوپ بالالى وتباسىلاردى تۇرعىن ۇيمەن قامتاماسىز ەتۋ, سونداي-اق جىلىتۋ ماۋسىمى مەن جاڭا وقۋ جىلىنا دايىندىق ماسەلەلەرىن تالقىلادى.
مەملەكەت باسشىسى ەل ەكونوميكاسىنىڭ دامۋىنا سالماقتى سەرپىن بەرۋ ماقساتىندا جاڭا تاسىلدەر ۇسىنۋدىڭ ايرىقشا ماڭىزدىلىعىن اتاپ ءوتىپ, بۇل ءۇشىن ۇكىمەتتىڭ, پرەزيدەنت اكىمشىلىگىنىڭ جانە ساراپشىلار قاۋىمداستىعىنىڭ ۇيلەسىمدى جۇمىسى قاجەت ەكەنىنە ەرەكشە ءمان بەردى.
قاسىم-جومارت توقاەۆ كۇندەلىكتى ماسەلەلەرگە قاتىستى جەدەل شەشىم ۇسىنۋمەن قاتار الدىمىزدا حالىقارالىق نارىقتارداعى تەرىس ۇردىستەردى ەسكەرە وتىرىپ, ەكونوميكانىڭ ورتامەرزىمدى كەلەشەكتەگى دامۋ باعدارىن ايقىنداۋ مىندەتى تۇرعانىن اتاپ كورسەتتى. ؛
سوڭىندا پرەزيدەنت ازاماتتاردىڭ تۇرمىس ساپاسىنىڭ تومەندەۋىنە جول بەرمەۋ ءۇشىن باستى نازاردى ولاردىڭ مۇددەلەرىنە, حالىق الدىنداعى بارلىق الەۋمەتتىك مىندەتتەمەلەردىڭ تولىق ورىندالۋىنا اۋدارۋ قاجەت ەكەنىنە باسا ءمان بەردى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر