ءبىز ماسەلەمەن ەمەس، ونىڭ سالدارىمەن عانا كۇرەسەمىز. نەگە؟
  • usd 378.65
  • eur 430.07
  • rub 6
  • cny 55.1
19 تامىز، 10:00:38
اكىمدىك قىزمەتكەرلەرى مەن باق وكىلدەرى اراسىنداعى الادوپ الامانى

13 تامىز، 2019 news

بىز ماسەلەمەن ەمەس، ونىڭ سالدارىمەن عانا كۇرەسەمىز. نەگە؟

كۇللى الەمدەگى قوعامدىق ماسەلەلەر ساناتىنىڭ العاشقى قاتارىندا تۇرعان تۇيتكىل – قۇمار ويىندارعا دەگەن كوپشىلىكتىڭ، اسىرەسە جاستاردىڭ قىزىعۋشىلىق تانىتۋى.

«؛بىرەۋ توڭىپ سەكىرەدى، بىرەۋ تويىپ سەكىرەدى»؛ دەگەن قازاقتىڭ ماتەلى وسى جەرپدە ورايىن تاباتىن سەكىلدى. تۇرمەسىز تۇرمىس قۇرىپ، قوراسىز مال باققان قازاقتىڭ دارحان دالاسىن ءقازىر كازينو سىندى ادامدىقتىڭ ازعىندىق شەگىن انىقتايتىن ورىندار باسىپ كەتتى.

جاسى دا، جاسامىسى دا قولىنداعى قاراجاتىن قارتاعا سالىپ، قالتاسىن قاپمپايتۋعا قارەكەت قىلاتىندار كوپ. «؛اتتەگەن-اي»؛ دەگىزەتىن جايتتار كوپ. ميلليونداردى باسكە سالا قىلشىعى قيسايمايتىن ازاماتتاردىڭ كوپشىلىگى بۇ بالەدەن اۋلاق. ال قولىنا قوماقتى اقشا ۇستاپ كورمەگەن پاقىرلار بارىن باسكە تىگىپ، ارتىنان سان سوعىپ، بارماق شايناپ وتىرادى.

قۇپ! سول كوپتىڭ نالاسىمەن قالدىرعان اقشاسىن «؛پاشكىلەپ»؛ جيناپ، شالقىپ جۇرگەندەر &ndash؛ ويىن ورتالىقتارىنىڭ، بۋكمەكەرلىك كەڭسەلەردىڭ يەلەرى. ولارعا دا وكپە ارتۋ قيىن. «؛كازينو»؛ دەگەندى ەستىگەندە ازاماتتىڭ اتى ۇركىپ تۇرسا بازبىرەۋلەردىڭ شاھار شەتىنەن كازينو سوعىپ، تۋرا جولىنان تايقۋى نەعايبىل.

اي كولەمىندە ءىرى قالالاردان ويىن اپپاراتتارىن الىپ تاستاۋ ناۋقانى ءجۇرىپ جاتىر. دۇكەننىڭ كىرەبەرىسىندە، جەرتولەلەردە كوز تارتىپ تۇراتىن تەمىر قوراپتىڭ «؛قۇدىرەتىنە»؛ باس قويعاندار بۇعان رازى ەمەس، ارينە.

قۇمار ويىنعا باسپاناسىن، كولىگىن سالىپ، قارا جاياۋ بولىپ قالعان قانداستار سانى از ەمەس. ولار قوماقتى قاراجاتتى دۇكەننىڭ كىرەبەرىسىندە ەمەس، قىزىلدى-جاسىلدى كازينولاردىڭ كاسساسىندا قالدىرادى.

ال الگى جانشىلىپ جاتقان كوك قوراپتاردىڭ قوماقتى قاراجات جۇتاتىن قاۋقارى شامالى. ونى جاعالايتىنداردىڭ دا الەۋەتى امبەگە ايان. قالتا تۇبىندە ۇزىلۋگە شاق تۇرعان ەكى ءجۇز، بەس ءجۇز تەڭگەنى اۋرە قىلادى كوپشىلىگى.

ەندى بىزدە مىنا سۇراق: وسىنداي اپپاراتتاردى جانشىپ، ەلىمىزدەگى قۇمار ويىنعا دەگەن اۋەسقويلىققا قارسى «؛قارقىندى»؛ جۇمىس جاساپ جاتىرمىز دەپ اۋىز تولتىرىپ ايتقان قانشالىقتى دۇرىس؟

بۋكمەكەرلىك كەڭسە سايتتارىندا جاسى كامەلەتكە جەتىپ ۇلگەرمەگەن جەتكىنشەكتەردىڭ اككاۋنت اشىپ، جەڭىل اقشانىڭ ءدامىن تاتىپ جۇرگەنى وتىرىك ەمەس.

زاڭ بار، تىيىم بار. قولدا بار مۇمكىندىكتەرمەن جازانى قاتاڭداتساق، قانشا وتباسىداعى جانجال كەمىپ، اجىراسۋ فاكتىلەرىنىڭ ازايۋىنا قارلىعاشتىڭ قاناتىمەن سۋ سەپكەندەي سەبەپ بولار ەدىك.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر