كوپبالالى وتباسىلار ۇسىنعان بيزنەس جوبالار سۋبسيديالاندىرىلدى

شىعىس قازاقستان وبلىسىنىڭ اكىمى دانيال احمەتوۆ كوپبالالى وتباسىلاردى شاعىن نەسيەلەندىرۋ باعىتى بويىنشا اتقارىلىپ جاتقان جۇمىستاردى تەكسەردى.

وبلىستاعى كوپبالالى وتباسىلاردى قولداۋ ماقساتىندا قولعا الىنعان بۇل شارا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 &ndash؛ 2021 جىلدارعا ارنالعان "ەڭبەك" مەملەكەتتىك باعدارلاماسى اياسىندا جۇزەگە اسىرىلۋدا. بۇل ماقساتتا اتقارىلىپ جاتقان جۇمىستاردى جاۋاپتى مەملەكەتتىك ورگاندار مەن كاسىپكەرلەر پالاتاسى, سونداي-اق قارجى ۇيىمدارى قاداعالايتىن بولادى.

وبلىستىق كاسىپكەرلىك جانە يندۋستريالىق-يننوۆاسيالىق دامۋ باسقارماسى باسشىسى ەرجان شۋرمانوۆتىڭ ايتۋىنشا, بۇگىندە جاۋاپتى سالا ماماندارى كوپبالالى وتباسىلارعا بارىپ, ءتۇسىندىرۋ جۇمىستارىن جۇرگىزىپ, جيىن مەن دوڭگەلەك ۇستەلدەر وتكىزىپ, كوپبالالى انالاردى كاسىپكەرلىكتىڭ قىر-سىرىمەن تانىستىرۋدا.

 ؛&ndash؛ اعىمداعى جىلدىڭ 7 تامىزىنا دەيىن وبلىس بويىنشا 157 كەزدەسۋ مەن دوڭگەلەك ۇستەل, سونداي-اق سەمينار ۇيىمداستىرىلدى. وعان 2,7 مىڭنان استام ادام قاتىستى. سونىمەن قاتار جاۋاپتى سالا ماماندارى 2362 كوپبالالى وتباسىعا حابارلاسىپ, ساۋالناما جۇرگىزدى. ناتيجەسىندە 5 مىڭنان استامنىڭ مەملەكەت تاراپىنان قولداۋ الىپ, كاسىپكەرلىكتىڭ قىر-سىرىن مەڭگەرىپ, گرانت الىپ, قارجى ۇيىمدارىنىڭ كومەگىمەن شاعىن نەسيەل الىپ, سونداي-اق تەگىن سەرۆيستىك قىزمەت الۋعا قابىلەتتەرى جەتەتىنى انىقتالدى, ؛&ndash؛ دەيدى ەرجان شۋرمانوۆ.

جەكە بيزنەسىڭىزدى اشىپ, گرانت پەن شاعىن نەسيەلەندىرۋگە قول جەتكىزۋ ءۇشىن كاسىپكەرلىك نەگىزدەرىن وقۋ كەرەك. ول ءۇشىن جۇمىسپەن قامتۋ ورتالىقتارىنا بارىپ, جاۋاپتى مامانداردىڭ كومەگىنە جۇگىنۋ قاجەت.

اعىمداعى جىلى كاسىپكەرلىكتى دامىتۋ پالاتاسىنىڭ «؛باستاۋ-بيزنەس»؛ جوباسى اياسىندا 1400 ادام ءبىلىم العان. ونىڭ ىشىندە 125 كوپبالالى وتباسىلاردىڭ مۇشەسى. بۇدان بولەك "جاس كاسىپكەر" جوباسى بويىنشا الەۋمەتتىك جاعىنان از قامتىلعان جانە كوپبالالى وتباسىلاردان شىققان 1300 ادامدى وقىتۋ جوسپارلانعان. بۇگىندە "جاس كاسىپكەر" جوباسى اياسىندا 24 شىلدەدەن باستاپ 724 ادام ءبىلىم الۋدا. ونىڭ ىشىندە ء268-ى كوپبالالى وتباسىلاردىڭ مۇشەسى. ال 15 تامىزدان باستاپ اتالمىش جوبا بويىنشا 576 ادام وقيتىن بولادى.

ايتا كەتەيىك, بۇگىندە شىعىس قازاقستان وبلىسىندا 115 كوپبالالى وتباسىنىڭ ۇسىنعان جوبالارى ماقۇلداندى.