• usd 389.52
  • eur 429.21
  • rub 6.07
  • cny 54.94
15 جەلتوقسان، 16:53:52
قازاقستان ۋكراينانىڭ ساۋدا نارىعىنا الاڭداۋلى

12 تامىز، 2019 news

بالانى مەكتەپكە قاي جاستان باستاپ بەرۋ كەرەك؟

اعىمداعى جىلدىڭ 1 قىركۇيەگىندە بالا 6 جاستا بولسا، ول مەكتەپكە بارۋى كەرەك، سەبەبى باعدارلاما 6 جاسار بالاعا ارناپ دايىندالعان.

الماتى قالالىق ءبىلىم باسقارماسىنىڭ باسشىسى گۇلنار قوجابەرگەنوۆا بالانى مەكتەپكە 6 نەمەسە 7 جاسىنان باستاپ جىبەرۋ تۋرالى سۇراققا جاۋاپ بەردى، دەپ حابارلايدى ؛qamshy.kz اقپارات اگەنتتىگى.

"قاڭتاردا قازاقستان رەسپۋبليكاسىنداعى ءبىلىم تۋرالى زاڭعا اعىمداعى جىلدان باستاپ 6 جاسقا دەيىنگى بالالار مەكتەپتەرگە قابىلدانادى دەگەن وزگەرتۋ ەنگىزىلدى. بۇرىن 6-دان 7-گە دەيىن دەپ جازىلعان بولاتىن. اتا-انالار وزدەرى بىلەتىن. بالاسىن 6 نەمەسە 7 جاستا مەكتەپكە بەرەتىن. زاڭعا تۇزەتۋلەر جىلدىڭ ورتاسىندا ەنگىزىلدى، اتا-انالار دايىن بولمادى، بالالارىن دايىندامادى. سوندىقتان،بيىلعى جىلى ولار تاڭداۋ قۇقىعىنا يە: بالانى بەرۋ-بەرمەۋ تۋرالى شەشىمدى وزدەرى قابىلدايدى. ءبىراق، اعىمداعى جىلدىڭ 1 قىركۇيەگىندە بالا 6 جاستا بولسا، ول مەكتەپكە بارۋى كەرەك، سەبەبى باعدارلاما 6 جاسار بالاعا ارناپ دايىندالعان. بيىل ءبىز اتا-انالارعا تاڭداۋ قۇقىعىن بەرەمىز"، &ndash؛ دەدى گۇلنار قوجابەرگەنوۆا بريفينگتە.

الايدا ول، اتا-انالار بالالارىن مەكتەپكە 6 جاستان جىبەرۋ كەرەك دەپ اتاپ ءوتتى. سەبەبى، 12 جىلدىق ءبىلىم بەرۋگە بىرتىندەپ كوشۋ باستالدى. ءبىلىم باسشىسى 6 جاسىندا بالاسىن مەكتەپكە جىبەرمەگەن اتا-انالارعا ەشقانداي شارا قولدانىلمايتىنىن باسا ايتتى.

"اتا-انالاردىڭ بالا باعدارلامانى يگەرىپ كەتە المايدى دەۋىنە نەگىز جوق. باعدارلاما 6 جاسار بالاعا ارنالعان"، ؛&ndash؛ دەپ تۇيىندەدى ءبىلىم باسقارماسىنىڭ باسشىسى.

الما مۇقانوۆا

inform.kz

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر