• usd 468.56

  • eur 497.56

  • rub 7.3

  • cny 67.18

29 ناۋرىز, 19:10:38
الماتى
+35°

04 تامىز, 2019 ماڭعىستاۋ وبلىسى

دونور بولۋ - ىزگى ءىس

ء

اربىر ءۇشىنشى ادام ءوز ومىرىندە وزگە بىرەۋدىڭ قانىنا مۇقتاج.

ستاتيستيكاعا سۇيەنسەك, سوڭعى بەس ايدا وبلىستا 2347 ادام دونور بولعان. وسىلايشا قان اۋرۋى مەن ونكولوگيالىق دەرتكە شالدىققانداردىڭ ءومىرىن اراشالاپ قالعان. جالپى, دارىگەرلەردىڭ ايتۋىنشا, قان بەرۋ فيزيولوگيالىق جاعىنان ەش ءقاۋىپسىز, قالىپتى جاعداي ەكەن.
اقتاۋلىق ميحايل ۆينوگرادوۆ - 35 جىل قاتارىنان قان تاپسىرىپ كەلەدى. وسى ۋاقىتا دەيىن 129 رەت دونور بولعان. ونىڭ ىشىندە 49 رەت اۋىر دەرتكە شالدىققان ادامداردىڭ ءومىرىن اجالدان اراشالاپ قالعان. بۇگىندە ول ماڭعىستاۋدىڭ "قۇرمەتتى دونورى". اق حالاتتىلار بۇل ەڭبەگىن باعالاپ, ارنايى توسبەلگىمەن دە ماراپاتتاعان.
-مەن دونور بولعانىمدى ماقتان تۇتامىن. وسى ارقىلى ءبىر ادامنىڭ ءومىرىن قۇتقارسام سوعان ريزامىن. بۇرىن انام قان تاپسىراتىن, ءقازىر ءوزىم جانە بالام قان تاپسىرادى. ەڭ باستىسى الكوگولدى سۋسىن ىشپەي, سالاۋاتتى ءومىر سالتىن ساقتاۋ كەرەك. دەنساۋلىقتان اسقان بايلىق جوق, دەيدى ميحايل ۆينوگرادوۆ.
كەز-كەلگەن دونور ەڭ الدىمەن مەديسينالىق ساراپتامادان وتەدى. سودان سوڭ, بارىپ قانا ونى قان الۋ پۋنكتىنە جىبەرەدى. جالپى, ادامنىڭ بويىنا, سالماعىنا جانە گەموگلابينىنە بايلانىستى 350-450 مل قان الىنادى ەكەن.
-بىزدىڭ تىزىمدە 4000-نان اسا دونور بار. بۇلار ەرىكتى تۇردە قان تاپسىرادى. ولاردىڭ اراسىندا تۇراقتى دونورلارىمىز دا بار. ولار جىلىنا 2-3 رەت قان تاپسىرادى. وبلىستىڭ 14 مەديسينالىق ۇيىمىن قانمەن قامتاماسىز ەتىپ وتىرمىز. كوبىنە سيرەك كەزدەسەتىن قان توپتارىن سۇرانىس كوپ. ماسەلەن, ء4-شى قان توبى بىزدە تاپشى. سونداي-اق, بىزدە اقىلى دونورلىق قىزمەت تە بار. جالپى, ادامداردىڭ 97 پايىزى تەگىن تاپسىرادى قانىن. كوبىسى دونور بولۋدىڭ پايداسىن سۇرايدى. بۇل ادامعا زيان كەلتىرمەيدى جانە قولايسىزدىقتى تۋدىرمايدى, قان كولەمىنىڭ ورنى تەز تولىپ, شارا قان جاساۋشى پروسەستەردى ىنتالاندىرادى جانە بەلسەندەتەدى, ال بۇل بولسا ادامعا ءوز پايداسىن تيگىزەدى. قان قۇرامى جاڭارادى. قان دونورلىعى ونكولوگيالىق اۋرۋلارعا شالدىعۋدىڭ قاۋىپ-قاتەرىن دە تومەندەتىپ, ادام ءومىرىن 5-7 جىلعا ۇزارتادى, دەيدى ماڭعىستاۋ وبلىستىق قان ورتالىعىنىڭ ديرەكتورى رافاەل سارساماليەۆ.
دونور بولعان ادامعا جەڭىلدىك تە بار. ماسەلەن, 10-نان اسا دەرتتىڭ الدىن-الۋ ءۇشىن تەگىن تەكسەرىلۋدەن وتەدى.
-ماڭعىستاۋدا قان تاپسىرعان ازاماتتار, ياعني دونورلار تەگىن مەديسينالىق كومەكتىڭ كەپىلدەندىرىلگەن شەڭبەرىندە تەگىن اناليزدەردەن وتە الادى. مىسالى, ۆيچ-كە, گەپاتيت ب,س نەمەسە سيفيليسكە تاپسىرعان كەزدە. قان توبىن انىقتاعان كەزدە تەگىن انىقتاي الادى, دەيدى مىندەتتى الەۋمەتتىك مەديسينالىق ساقتاندىرۋ قورى موف ءبولىم باسشىسى ايگۇل دادەن.
دارىگەرلەردىڭ ايتۋىنشا, ءبىر رەت قان تاپسىرعان دونور ءۇش ادامنىڭ ءومىرىن قۇتقارادى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر