11 تامىز, 2019 news
كوك-توبە ماڭىنداعى ورتكە بايلانىستى رەسمي مالىمدەمە جاريالاندى
تۇرعىندارعا ءقاۋىپ جوق-مىس...
كوك-توبە تەلەمۇناراسىنا ءبىر شاقىرىم جەردەگى تاۋ باۋرايىندا جانىپ جاتقان ءورتتىڭ اۋماعى 10 گا كولەمىندە. بۇل تۋرالى توتەنشە جاعدايلار كوميتەتىنىڭ ءباسپاسوز قىزمەتى مالىمدەدى دەپ جازادى qamshy.kz اقپارات اگەنتتىگى.
11-تامىز كۇنى كۇندىزگى 14:28 شاماسىندا «؛101»؛ تەلەفونىنا الماتى قالاسى, مەدەۋ اۋدانىندا ءورت شىققانى تۋرالى اقپارات كەلىپ تۇسكەن.
قازىرگى ۋاقىتتا ءورتتى اۋىزدىقتاۋ ءۇشىن توتەنشە جاعدايلار دەپارتامەنتىنىڭ جەكە قۇرامىنان 27 ادام جانە 6 تەحنيكا, «؛الماتى تازالىق»؛ مەكەمەسىنەن 25 قىزمەتكەر 2 تەحنيكا جۇمىلدىرىلعان.
توتەنشە جاعدايلار كوميتەتىنىڭ مالىمەتىنە سۇيەنسەك, ادامدار تۇراتىن اۋماققا ءورتتىڭ زالالى تيمەيدى.
سونداي-اق, قالالىق توتەنشە جاعدايلار دەپارتامەنتىنىڭ ايتۋىنشا, ساعات 17:31 شاماسىندا ءورتتىڭ وڭتۇستىك جانە وڭتۇستىك-باتىس بولىگى اۋىزدىقتالعان.
«؛وقيعا ورىنى ىلديدا. كولىك جۇرە المايدى. سول سەبەپتى جالىندى جاياۋ سوندىرۋگە ءماجبۇرمىز. ءورتتىڭ ءبىر جاق بولىگى ءسوندىرىلدى»؛, - دەيدى دەپارتامەنتتىڭ ارنايى وكىلى ساندۋعاش بايمۇحامەتوۆا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر