قاراعاندىلىق اكىمدىك پەن ساۋدا ورتالىعىن «جارامىن» دەپ قورقىتتى

ۇستىمىزدەگى جىلدىڭ 11-تامىزىندا ساعات كۇندىزگى 12:13 شاماسىندا 102 تەلەفونىنا بەلگىسىز ەر ادام حابارلاسىپ, "city mall" ساۋدا ورتالىعىن جاراتىنىن ايتىپ قوقان-لوققى كورسەتكەن دەپ جازادى qamshy.kz اقپارات اگەنتتىگى.

وبلىستىق پوليسيا دەپارتامەنتىنىڭ كەزەكشى ءبولىمىنىڭ نۇسقاۋىمەن اتالعان ورىنعا شۇعىل ارەكەت ەتۋ توبى جىبەرىلدى. پاترۋلدىك پوليسيا قىزمەتكەرلەرى عيماراتتى تولىق قورشاپ, 240 ادامدى ەۆاكۋاسيالادى.

اراعا ءبىر ساعات ۋاقىت سالىپ, 102 تەلەفونىنا قوڭىراۋ شالعان تاعى ءبىر ادام وبلىس اكىمدىگىنىڭ عيماراتىنا جارىلعىش زات قويىلعانى تۋرالى اقپارات جەتكىزدى.

جەدەل ىزدەستىرۋ توبىنىڭ ەڭبەگىنىڭ ارقاسىندا 39 جاستاعى قالا تۇرعىنى قولعا ءتۇسىپ, قوڭىراۋ شالىنعان تەلەفونى الىندى. ال ساپەرلار قوس عيماراتتى دا مۇقيات تەكسەرىپ شىققان. ەشقانداي جارىلعىش زات تابىلمادى.

قازىرگى ۋاقىتتا كۇدىكتىنىڭ ۇستىنەن قر قك 273-بابىنا سايكەس «؛تەرروريزم تۋرالى جالعان اقپارات تاراتقانى ءۇشىن»؛ ءىس قوزعالىپ, سوتقا دەيىنگى تەرگەۋ امالدارى جۇرگىزىلۋدە.