• usd 468.56

  • eur 497.56

  • rub 7.3

  • cny 67.18

29 ناۋرىز, 19:03:06
الماتى
+35°

اتىراۋ وبلىسىنىڭ اكىمى نۇرلان نوعاەۆ ديپلوماتيالىق قىزمەتتىڭ ارداگەرى قايرات يساعاليەۆپەن كەزدەستى ؛qamshy.kz اقپارات اگەنتتىگى.

كەزدەسۋگە ديپلوماتتىڭ سەرىكتەستەرى, اۋىلداستارى شاقىرىلدى.

اتىراۋ وبلىسىنىڭ قۇرمانعازى اۋدانىندا تۋىپ- وسكەن قايرات يساعاليەۆ الماتىداعى شەت تىلدەرى ينستيتۋتىن فرانسۋز ءتىلى ماماندىعى بويىنشا اياقتاپ, بىرنەشە جىل الجيردە اۋدارماشى قىزمەتىن اتقاردى. بۇدان سوڭ شەت ەلدەرمەن دوستىق جانە مادەني بايلانىستىڭ قازاق قوعامىندا, قازاقستان كومپارتياسى ءوق-نىڭ حالىقارالىق بايلانىستار بولىمىندە, قر سىرتقى ىستەر مينيسترلىگىندە جۇمىس جاسادى, قازاقستاندىق شەتەلدىك تۋريزم سالاسىن باسقاردى. قازاقستاندىق ديپلوماتيانىڭ قالىپتاسۋ كەزەڭىندە قايرات يساعاليەۆ يۋنەسكو-مەن بايلانىس كوميسسياسىندا بەلسەندى قىزمەت ەتىپ, وسى قۇرىلىمنىڭ قالىپتاسىپ, دامۋىنا زور ۇلەس قوستى. سول جىلدارى ق.يساعاليەۆ قر ءسىم-نىڭ مادەني جانە گۋمانيتارلىق قارىم-قاتىناس باسقارماسىنىڭ باسشىسى بولعان ەدى.

ا

وڭىر باسشىسى نۇرلان نوعاەۆ ديپلوماتيالىق قىزمەتتىڭ ۇلكەن جاۋاپكەرشىلىگى مەن جوعارى مارتەبەسىن اتاپ ءوتتى. بوگدە جۇرت ديپلوماتتارعا قاراپ, ونىڭ ەلى تۋرالى, مەملەكەتتىڭ ءبىلىم جانە مادەني دەڭگەيى, ەكونوميكالىق جانە گەوساياسي الەۋەتى تۋرالى وي تۇيەدى.
ديپلوماتيالىق قىزمەتتىڭ ارداگەرى قايرات يساعاليەۆتىڭ ۇلى ارمان دا كەزدەسۋگە قاتىستى. وسىدان ءۇش جىل بۇرىن مەملەكەت باسشىسىنىڭ جارلىعىمەن ول قازاقستاننىڭ ەگيپەت اراب رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر