قىتايعا جويقىن تايفۋن جەتتى (ۆيدەو)

10-تامىزدىڭ ؛العاشقى ساعاتتارىندا قىتايدىڭ شىعىسىنا "لەكيما" جويقىن تايفۋنى جەتتى, ەل بيلىگى ميلليوننان استام ادامدى ەۆاكۋاسيالادى دەپ حابارلايدى qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

سينحۋا اگەنتتىگىنىڭ مالىمەتتەرى بويىنشا, وسى جىلى بولعان توعىزىنشى تايفۋن چجەسزيان پروۆينسياسىنىڭ ۆەنلين قالالىق ۋەزىنىڭ جاعالاۋىنا 10-تامىز كۇنى جەرگىلىكتى ۋاقىت بويىنشا 01:45-تە جەتكەن (9 تامىز 23.45 نۇر-سۇلتان ۋاقىتى بويىنشا).

جەلدىڭ ەكپىنى سەكۋندىنا 52 مەتر بولدى. قىتايدىڭ ورتالىق مەتەورولوگيالىق قىزمەتى جۇما كۇنى تاڭەرتەڭ "لەكيما" سۋپەرتايفۋنىنىڭ جاقىنداۋىنا بايلانىستى دابىلدىڭ ەڭ جوعارى دەڭگەيىن جاريالاعان ەدى. سينوپتيكتەر قىتايدىڭ وڭتۇستىك-شىعىس اۋداندارىندا جۇما مەن سەنبى كۇندەرى داۋىل سوعىپ, جاڭبىر جاۋادى دەپ بولجاپ وتىر. سونداي-اق, انحوي, فۋسزيان, سزيانسۋ, چجەسزيان پروۆينسيالارىندا جانە شانحايدا كۇشتى نوسەر بولادى دەگەن بولجام بار.

قازىرگى ۋاقىتتا چجەسزيان پروۆينسياسىندا 700 مىڭنان استام ادام ءقاۋىپسىز جەرگە كوشىرىلدى, ونىڭ 110 مىڭى 12 مىڭ جابىنعا ورنالاستىرىلدى. پروۆينسيادا پارومدىق حابارلاندىرۋ, 288 اۆيارەيس توقتاتىلدى, سونداي-اق, پويىز قوزعالىسى ءىشىنارا توقتاتىلدى.

جەرگىلىكتى بيلىك ءبىر مىڭعا جۋىق قۇتقارۋشىنى, 150 ءورت ءسوندىرۋ كولىگىن جانە 153 قۇتقارۋ قايىعىن ؛جۇمىلدىردى. سەنبى كۇنى تاڭەرتەڭ شانحايدا 253 مىڭ ادام ەۆاكۋاسيالاندى, قالادا رەلس كولىگى, سونىڭ ىشىندە ماگلەۆ پوەزدارى دا توقتاتىلدى.

قازىرگى ۋاقىتتا تايفۋن ءۇش مىڭعا جۋىق اعاش پەن ءجۇز باعانانى قۇلاتتى. "لەكيما" ساعاتىنا 15 شاقىرىم جىلدامدىقپەن سولتۇستىك-باتىسقا قاراي قوزعالادى دەگەن بولجام بار.

 ؛