• usd 389.52
  • eur 429.21
  • rub 6.07
  • cny 54.94
15 جەلتوقسان، 17:23:31
قازاقستان ۋكراينانىڭ ساۋدا نارىعىنا الاڭداۋلى

09 تامىز، 2019 الەۋمەت

مەنينگيت ماۋسىمى باستالدى. سىرقاتتى جۇقتىرىپ الماۋدىڭ جولدارى قانداي؟

ەلوردادا سىرقاتقا شالدىققاندار جۇزدەن استى.

نۇر-سۇلتان قالالىق ساپانى باقىلاۋ جانە تاۋار مەن قىزمەت قاۋىپسىزدىگى دەپارتامەنتىنىڭ جەتەكشىسى ءسادۋاقاس بايعابىلوۆ تۇرعىنداردى مەنينگيت ماۋسىمىنىڭ سوزىلۋىنا بايلانىستى پروفيلاكتيكالىق شارالاردى قولدانۋعا شاقىردى، &ndash؛ حابارلايدى ؛qamshy.kz اقپارات اگەنتتىگى today.kz-كە سىلتەمە جاساي وتىرىپ.

تامىزدا باستالعان مەنينگيت ماۋسىمى قازان ايىنا دەيىن جالعاسادى دەيدى دارىگەرلەر. بۇگىندە ەلوردادا 77 ادام اۋرۋعا قارسى ەم قابىلداعان. 34 بالا، 4 ەرەسەك ادام ءالى دە ەم-دوم شارالارىن جالعاستىرۋدا.

مەنينگيتكە كوبىنە بالالار مەن جاسوسپىرىمدەر شالدىعادى. ەرەسەك ادامدار سيرەك اۋىرادى. ماماندار دەر كەزىندە ەمحاناعا كورىنۋ قىسقا ۋاقىتتا جازىلۋعا مۇمكىندىك بەرەتىنىن ايتادى. اۋرۋ اسقىنىپ كەتسە، ميدىڭ قابىنۋىنا سوقتىرادى. ءارى جۇقپالى تۇرگە اۋىسادى. ءبىر جىلدارى اۋرۋدى ەلەمەۋدىڭ ارتى كىسى ولىمىنە دەيىن جەتكەنى بەلگىلى.

سىرقاتتىڭ بەلگىلەرى: باستىڭ اۋرۋى، بورتپەنىڭ پايدا بولۋى، دەنە قىزۋى، جۇرەك اينۋ، ديارەيا.

نەگىزى مەنينگيت ينفەكسياسىنا قارسى ءدارى نەمەسە ۆاكسينا جوق. ءبىراق قاراپايىپ ءارى ءتيىمدى پروفيلاكتيكالىق شارالاردى قولدانۋ اۋرۋدىڭ الدىن الۋعا كومەكتەسەدى. ماسەلەن، رۇقسات ەتىلمەگەن سۋ قويمالارىنا شومىلۋدان اۋلاق بولۋ، بوتەلكەدەگى نەمەسە قايناعان سۋ ءىشۋ، جەكە باس گيگيەناسى ەرەجەلەرىن ۇستانۋ، جەمىس-جيدەك پەن كوكەنىستى تۇتىنار الدىندا جاقسىلاپ جۋۋ سياقتى شارالار سىرقاتتان ساقتايدى.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر