قىرعىزدىڭ ۇقك باسشىسى: جاپپاي قىرىپ تاستاۋعا بۇيرىق بەرمەگەنىمە وكىنەمىن

قىرعىز رەسپۋبليكاسىنىڭ مەملەكەتتىك ۇلتتىق قاۋىپسىزدىك كوميتەتىنىڭ باستىعى قوي-تاشتا جاپپاي قىرۋعا بۇيرىق بەرمەگەنىنە وكىنەدى ؛دەپ جازادى qamshy.kz اقپارات اگەنتتىگى 24.kg سايتىنا سىلتەمە جاساپ.

ارنايى وپەراسيا كەزىندە قازا تاپقان وفيسەر ەلدىڭ وڭتۇستىگىندە تەرروريستەردى ۇستاۋ بويىنشا ارنايى وپەراسيالارعا قاتىسقان. بۇل تۋرالى پارلامەنت وتىرىسىندا مەملەكەتتىك ۇلتتىق قاۋىپسىزدىك كوميتەتىنىڭ ءتوراعاسى وروزبەك وپۋمباەۆ مالىمدەدى. ونىڭ ايتۋىنشا, ۇسەنبەك نيازبەكوۆتىڭ لەيتەنانت دەگەن لاقاپ اتى بولعان. ول 2006 جىلى ارنايى جاساقتىڭ اعا وفيسەرى بولعان, سول كەزدە ول گراناتامەن سودىرلاردىڭ كوزىن جويىپ, لاڭكەستىك ارەكەتتى بولدىرماعان.

"ول 2009 جىلى وزگەندەگى سودىرلارمەن قاقتىعىستا ءبىرىنشى بولىپ ىشكە ەنىپ, بارلىق ءىستى تىندىرعان. ۇسەنبەك نيازبەكوۆ جانە باسقالار دا قانشاما ارنايى وپەراسيالارعا قاتىستى. وسى ۋاقىت ىشىندە ءبىر ادام عانا جەڭىل جاراقات الدى. ءبىراق ول كەزدە ءبىز ءوق-دارىسى بار, قارۋ اسىنعان تەرروريستەرگە قارسى تۇردىق. بۇل جەردە ەشكىم المازبەك اتامباەۆ قارۋسىز جىگىتتەرگە وق اتا باستايدى دەپ كۇتپەگەن. سول كەزدە جاپپاي قىرۋعا بۇيرىق بەرمەگەنىمە وكىنەمىن", - دەدى وروزبەك وپۋمباەۆ.

سونداي-اق ول تاڭەرتەڭ قاۋىپسىزدىك كەڭەسىنىڭ وتىرىسىندا سوورونباي جەەنبەكوۆكە وتستاۆكاعا كەتكىسى كەلەتىنىن ايتقان ەكەن. ويتكەنى بۇل وقيعادا مۇقك باسشىسى ءوزىنىڭ كىناسى دە بار دەپ ەسەپتەيدى.

كەشە تۇندە مۇقك ارنايى كۇشتەرى قوي-تاش اۋىلىندا ەلدىڭ بۇرىنعى پرەزيدەنتى المازبەك اتامباەۆتى ۇستاۋعا تىرىستى. الايدا, شابۋىل ءساتسىز بولدى. اتامباەۆتىڭ جاقتاستارى ارنايى كۇشتەردى بۇرىنعى مەملەكەت باسشىسىنىڭ ۇيىنە كىرگىزبەدى. ەكىنشى ۇستاۋ ارەكەتى كەزىندە تارتىپسىزدىكتەر باستالدى. جاراقات العاندار مەن زارداپ شەككەندەر بار. كەمىندە 50 ادام بىشكەك پەن شۋ وبلىسىنداعى اۋرۋحانالارعا جەتكىزىلدى. الفا كومانديرىنىڭ ورىنباسارى مىلتىقتان جاراقات الدى. ول اۋرۋحانادا قايتىس بولدى. شۋ وبلىسى ورتالىق ىشكى ىستەر باسقارماسى باستىعىنىڭ باسىنا دا وق ءتيدى. ول كومادا جاتىر.

 ؛

دەرەككوز: zakon.kz