"؛ەكى كۇننىڭ ىشىندە تاۋىپ بەرىڭدەر"؛: تۇرعىمباەۆ ۋنيۆەرسيتەت دەكانىن تۇتقىنداۋدى تاپسىردى

ىشكى ىستەر ءمينيسترى ەرلان تۇرعىمباەۆ قاشقىن دەكاندى ەكى كۇننىڭ ىشىندە تاۋىپ بەرۋگە تاپسىرما بەردى ؛دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ.

nur otan پارتياسىندا وتكەن قوعامدىق قابىلداۋ كەزىندە استانالىق گۇلزينا مۇساەۆا ارىزداندى. ول ءمينيستردىڭ الدىنا كەلىپ جايعاسقاندا, تۇرعىمباەۆ قولىنداعى قاعازدارىنا قاراپ وتىرىپ: "اقتاەۆ بويىنشا ما؟ سوندا مىنا اقشانى كارتوچكامەن تولەدىڭىز بە؟", - دەپ سۇرادى. ء"يا, كارتوچكاعا, ۋنيۆەرسيتەتكە ەمەس, ءوز اتىنا تولەپ وتىردىق", - دەدى مۇساەۆا.

مينيستر ونىڭ ارىزىن ءبىراز وقىدى دا, الدىمەن ءوز ورىنباسارىنان, سودان كەيىن بەينەبايلانىس ارقىلى جامبىل وبلىستىق ىشكى ىستەر دەپارتامەنتىنىڭ باسشىلىعىنان اقتاەۆتىڭ نەگە ۇستالماي جاتقانىن سۇرادى.

"مۇساەۆانىڭ ارىزى بويىنشا نەگە شارا قابىلدامايسىزدار؟ ۋنيۆەرسيتەتتىڭ بىلدەي فاكۋلتەت دەكانى اقشانى الىپ, تىعىلىپ ءجۇر. ونى قالاي ۇستاي الماي جۇرسىزدەر؟ وسىنى تۇسىنبەي وتىرمىن", - دەدى تۇرعىمباەۆ.

دەپارتامەنت باسشىسىنىڭ مىندەتىن اتقارۋشى باۋىرجان ۇدەرگەنوۆتىڭ ايتۋىنشا, قىلمىستىق ءىس قوزعالدى. دەكاننىڭ مەكەنجايى بويىنشا تەكسەرگەندە ۇيىندە جوق بولىپ شىعىپتى. ال ۇيالى تەلەفونى الماتى وبلىسىندا جۇرگەنىن كورسەتىپ تۇر ەكەن. مينيستر الاياق دەكاندى ەكى كۇن ىشىندە قۇرىقتاۋدى تاپسىردى.

"ەكى كۇننىڭ ىشىندە ماعان ونى تاۋىپ بەرىڭدەر. سىزدەردە بارلىق تەحنيكالىق مۇمكىندىك بار. ول قۇجاتسىز جۇرگەن كيللەر ەمەس قوي. ازاماتتىق تۇلعا, بۇرىن سوتتالماعان. رەسمي جۇمىس ىستەيدى. ونداي ادامدى تابۋ قيىن ەمەس. ەكى كۇن بەرەمىن. تابىڭدار دا, اقشانى كىمگە جانە قالاي اۋدارعانىن انىقتاڭدار. ول اقشانى يەمدەنىپ كەتسە, الاياقتىق بويىنشا ءىس قوزعاڭدار دا, جازاعا تارتىڭدار", - دەپ تۇرعىمباەۆ ءسوزىن تۇيىندەدى.