تەرگەۋ نۇسقاسى بويىنشا, ماۆلۋدا وديلوۆا ءوز وتباسىن اۋىل شارۋاشىلىعىندا پايدالانىلاتىن اممياك سەليتراسىمەن ۋلاعان. بۇل تۋرالى ازاتتىقتىڭ تاجىك قىزمەتىنە سوتتاعى دەرەككوز حابارلادى. ونىڭ ايتۋىنشا, وديلوۆانىڭ ەكى بالاسى مەن كۇيەۋى وتكەن جىلى ۋ قوسىلعان تاماقتان قازا بولعان.
"سوت ايىپتالۋشىنىڭ كامەلەت جاسقا تولماعان بالاسى بارىن ەسكەرگەن. ماۆلۋدا وديلوۆا جازاسىن جالپى رەجيمدەگى كولونيادا وتەيدى" دەدى دەرەككوز.
سوتتالۋشىنىڭ تۋىستارى مەن جاقىندارى سوت شەشىمىنە قاتىستى پىكىر بىلدىرۋدەن باس تارتتى. ولاردىڭ سوت شەشىمىنە شاعىم تۇسىرەر-تۇسىرمەسى ازىرگە بەلگىسىز.
بۇعان دەيىن كۇدىكتىنىڭ اناسى مۋسليما حولوۆا قىزى كىنالى ەمەستىگىن, ويتكەنى ول دا بالالارى مەن كۇيەۋى سەكىلدى استان ۋلانىپ قالعانىن ايتقان ەدى. ماۆلۋدا وديلوۆا تەرگەۋشىلەرگە ءوز بالالارى مەن كۇيەۋىنە قاستاندىق ويلاماعانىن مالىمدەگەن.
"وديلوۆا كىناسىن مويىنداعان, ءبىراق كەيىن ايتقان سوزدەرىنەن باس تارتقان. پروكۋراتۋرا ونىڭ كىسى ۋلاۋعا قاتىسى بارىن انىقتاعان سوڭ, وديلوۆا قاماۋعا الىندى" دەدى دەرەككوز.
جەرگىلىكتى اقپارات قۇرالدارىنىڭ حابارلاۋىنشا, ماۆلۋدا وليلوۆا دايىنداعان تاماقتان بارلىعى توعىز ادام ۋلانعان. دارىگەرلەر ونىڭ ءبىر جارىم جاستاعى بالاسىن, اتاسى مەن ەنەسىن اجالدان امان الىپ قالعان.
پىكىر قالدىرۋ
پىكىر