"؛تەڭىز"؛ تاعى دۇرلىكتى: اتىشۋلى داۋعا قاتىسى بار 200-گە جۋىق قازاقستاندىق جۇمىسسىز قالدى (ۆيدەو)

اتىراۋداعى تەڭىز كەنىشىندەگى اتىشۋلى داۋدان سوڭ 200-گە جۋىق جۇمىسشى اياق-استى جۇمىسسىز قالىپ, تاعى دۇرلىكتى, دەپ حابارلايدى ؛qamshy.kz اقپارات اگەنتتىگى "بىرىنشى ەۋرازيا" تەلەارناسىنا ؛سىلتەمە جاساپ.

"ەلدى ءدۇر سۇلكىندىرگەن تەڭىز كەنىشىندەگى داۋدان كەيىن كەيبىر قىزمەتكەرلەرگە دەمالىس بەرىلىپ, جۇمىس ۋاقىتشا توقتاتىلعان بولاتىن. سول كەزدە اتىراۋ وبلىسىنىڭ اكىمى نۇرلان نوعاەۆ جۇرتقا ءبارىن ءوز باقىلاۋىندا ۇستاۋعا ۋادە ەتكەن ەدى. الايدا, كومپانيا قىزمەتكەرلەرى جۇمىسشىلارعا حابارلاسىپ, كەلىسىمشارتتىڭ بۇزىلعانىن حابارلاعان. ءسويتىپ 200-گە جۋىق ادام سىرتتاي جۇمىستان قۋىلىپ, ابدىراپ قالعان", - دەيدى ؛تەلەارنا ءتىلشىسى.

"شوك بولىپ قالدىق. كرەديتىمىز بار, بالا-شاعامىز بار. بۇلاي ءبىر كۇندە قىسقارتىپ جىبەرۋگە ولاردىڭ قاقىسى جوق قوي. الدىن الا ەسكەرتىپ ايتۋى كەرەك. ءبىز جۇمىس ىزدەيتىن ەدىك. ويتكەن جوق بۇلار", - دەدى جەتكەرباي كۇلىمجايوۆ.

جۇمىسسىز قالعاندار وزدەرىن وبلىس اكىمى "لاقتىرىپ" كەتتى دەپ ەسەپتەيدى. ويتكەنى ولار وسى كۇنگە دەيىن سول كىسىنىڭ سوزىنە سەنىپ كەلگەن.

"جۇمىستان شىعاسىڭدار دەگەن اڭگىمە بولعان جوق. الگى شۋ شىققان كەزدە وبلىس اكىمى نۇرلان نوعاەۆ كەلگەن. ءوزى ايتتى سول كىسىنىڭ: "قورىقپاڭدار, ەشقانداي جۇمىستان قىسقارتۋ دەگەن بولمايدى" دەگەن. قايدا سول ءسوزى اكىمنىڭ", - دەيدى جۇمىسسىز قالعان جاسۇلان قابدەشەۆ.

ولاردىڭ ايتۋىنشا, باسقا فيرمالارعا وسى كومپانيا كەتىرگەن جۇمىسشىلاردى "جۇمىسقا قابىلداماڭدار" دەپ تە بۇيىرىپ قويعان كورىنەدى. سونداي سىبىس تا بار.

ال ەڭبەك ينسپەكسياسى جۇمىس بەرۋشىلەردىڭ بۇل ارەكەتى زاڭدى دەگەنگە كەلتىرەدى.

جۇمىسشىلاردىڭ كەلىسىمشارتتارى بەلگىلى ءبىر جۇمىستىڭ اياقتالۋىنا دەيىن جاسالعان. ەگەر دە ول جۇمىستىڭ اياقتالاتىن ۋاقىتى كەلگەن جاعدايدا جۇمىس بەرۋشى ەڭبەك شارتىن بۇزۋعا قۇقىلى, &ndash؛ دەيدى ؛اتىراۋ وبلىسى مەملەكەتتىك ەڭبەك ينسپەكسياسىنىڭ ءبولىم باسشىسى كەمەل يمانعاليەۆ.

دەسە دە, ءبىر كۇندە ءناپاقاسىنان ايرىلعان جۇمىسشىلار مۇنىڭ زاڭدى ەكەنىمەن ەش كەلىسپەيدى. سوندىقتان بۇل ماسەلەگە وبلىس اكىمدىگىنىڭ ارالاسۋىن سۇرايدى.

ەسكە سالساق, ونىڭ الدىندا whatsاpp-تا تاراعان قازاق قىزى مەن ليۆيا ازاماتىنىڭ سۋرەتى ءۇشىن اتىراۋدا مۇنايشىلار كوتەرىلىسكە شىققان بولاتىن.