06 تامىز, 2019 news
"؛قاساپشىلار تۇرمەسى"؛: "؛ەرلەر كولونياسىنىڭ"؛ جەكە كامەراسىندا وتىرعان جالعىز ايەل
جيىرما التى جاستاعى قازاقستاندىق - ارقالىق قالاسىندا اسا ءقاۋىپتى قىلمىسكەرلەر جازاسىن وتەيتىن ۋك-161/12 تۇزەتۋ مەكەمەسىنە تۇسكەن ءبىرىنشى ايەل.
ارقالىقتا اسا ءقاۋىپتى قىلمىسكەرلەر تۇرمەسىندە جازاسىن وتەپ جاتقان جالعىز ايەل سوت بەلگىلەگەن مەرزىم اياقتالعانشا سول كولونيادا قالادى دەپ حابارلايدى qamshy.kz اقپارات اگەنتتىگى ؛sputniknews.kz سايتىنا سىلتەمە جاساپ.
بۇل تۋرالى قىلمىستىق-اتقارۋ كوميتەتىنىڭ ءتوراعاسى, ادىلەت پولكوۆنيگى دارحان قاناتبەكوۆ سەيسەنبى كۇنى ءباسپاسوز ءماسليحاتىندا ايتتى.
"سوتتالعان ايەل ءتارتىپتى ورەسكەل بۇزعانى ءۇشىن سوت شەشىمىمەن اۋىستىرىلدى. ول سوت بەلگىلەگەن مەرزىم اياقتالعانشا جازاسىن وتەيدى. سودان سوڭ كەيىن قايتارىلادى. "ەرلەر كولونياسىندا" جەكە كامەرادا وتىر. تاعى دا قايتالاپ ايتايىن: بۇل سوتتىڭ شەشىمى", - دەدى قاناتبەكوۆ مىرزا.
الايدا ول قانشا ۋاقىت بولاتىنىن ناقتى ايتقان جوق. بۇعان دەيىن باق-تا حابارلانعانداي, ايەل سەگىز جىلعا باس بوستاندىعىنان ايىرىلعان.
جيىرما التى جاستاعى قازاقستاندىق - ارقالىق قالاسىندا اسا ءقاۋىپتى قىلمىسكەرلەر جازاسىن وتەيتىن ۋك-161/12 تۇزەتۋ مەكەمەسىنە تۇسكەن ءبىرىنشى ايەل.
ول بۇرىن الماتى وبلىسىنداعى تۇزەتۋ مەكەمەسىندە وتىرعان.
ارقالىقتاعى كولونيا حالىق اراسىندا "قاساپشىلار تۇرمەسى" دەگەن اتپەن بەلگىلى. وندا قاراقشىلىق, توناۋ, زورلاۋ جانە باسقا دا اۋىر قىلمىس جاساعان اسا ءقاۋىپتى قىلمىسكەرلەر ۇزاق جىل جازا مەرزىمىن وتەيدى. وتىز جىل بويى مۇندا تەك ەر ازاماتتار عانا وتىرعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر