• usd 468.56

  • eur 497.56

  • rub 7.3

  • cny 67.18

29 ناۋرىز, 16:05:31
الماتى
+35°

06 تامىز, 2019 ايماقتار

تۇركىستان وبلىسىنداعى لاگەردەن شۋ شىقتى

قارابۇلاقتىق اتا-انالار بالالار لاگەرىندەگى الىمجەتتىك اشۋ-ىزامىزدى تۋعىزدى دەيدى. بالالارىن الىپ كەتۋگە كەلگەن اتا-انالاردىڭ ايتۋىنشا, مۇندا ۇرىپ-سوعۋمەن بىرگە 100 رەت وتىرعىزىپ-تۇرعىزۋ قالىپتى جاعدايعا اينالعان. ال ءبىرى بالاسىنىڭ دەنساۋلىعىنا ەلەۋلى زيان كەلگەنىن ايتادى

"تۇركىستان وبلىسى, سايرام اۋدانىنىڭ بالالار لاگەرىنىڭ بىرىندە ەرەسەكتەر بالالارىمىزدى ۇرىپ-سوقتى" دەپ اتا-انالار شاعىمداندى, دەپ حابارلايدى ؛qamshy.kz اقپارات اگەنتتىگى ؛zakon.kz ؛سايتىنا سىلتەمە جاساپ.

"قارابۇلاقتىق اتا-انالار بالالار لاگەرىندەگى الىمجەتتىك اشۋ-ىزامىزدى تۋعىزدى دەيدى. بالالارىن الىپ كەتۋگە كەلگەن اتا-انالار مۇندا ۇرىپ-سوعۋمەن بىرگە 100 رەت وتىرعىزىپ-تۇرعىزۋ قالىپتى جاعدايعا اينالعان دەيدى. ال ءبىرى بالاسىنىڭ دەنساۋلىعىنا ەلەۋلى زيان كەلگەنىن ايتادى", - دەيدى 31 تەلەارنا ءتىلشىسى.

"بارسام 4 كەلى سالماق تاستاپتى. گرىجاسى ءىسىپ كەتىپتى. الىپ قايتتىق", - دەيدى وسىندا دەمالعان بالانىڭ اناسى ءايبۇبى ءابدىرايىموۆا.

"وتىرعىزىپ-تۇرعىزادى دەيدى, ولاي ىستەي الماساڭ ەكى الاقانىڭدى ماڭدايعا قويعىزىپ, سودان ۇرادى دەيدى. باسىمىز قاتتى اۋىرادى سودان دەيدى. گرىجاسىن شىعارىپ جىبەرىپت", - دەدى سايدراسۋل ءابدازىموۆ.

لاگەر باسشىلىعى مۇنىڭ ءبارى جالا دەيدى.

"لاگەرگە بارىپ كەلگەننەن كەيىن وسىنداي "ماشونكاسىندا" ىسىك بولدى دەگەن ەكسپەرتيزالىق قورىتىندى شىقسا, وندا اڭگىمە باسقا. قاراتايىق, ساراپتامادان, جالادان قورىقپايمىز. اق-قاراسىن زاڭدى تۇردە اجىراتۋعا دايىنبىز", - دەدى لاگەر جەتەكشىسى ۆەنەرا ياكۋبوۆا.

يا, اتا-انالار جاپپاي شاعىمدانعانمەن, تەك ءبىر بالا عانا دارىگەرلىك تەكسەرۋدەن وتەتىن بولدى. ويتكەنى جاراقات بەلگىسى سول ءبىر بالادا عانا بار بولىپ شىقتى.

ال جازالادى دەگەن جوعارى سىنىپ وقۋشىسى بىلاي دەيدى: "توبەلەسىپ جاتىر ەكەن. سودان جازالاۋ ءۇشىن وتىرعىزىپ-تۇرعىزدىم."

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر