"؛رەمبو"؛, كاراتيست, پالۋان, ءانشى, جازۋشى"؛. دەمالىستان ورالعان تۇركمەنستان پرەزيدەنتى تۋرالى نە بىلەمىز؟ (ۆيدەو)

تاياۋدا كەزەكتى ەڭبەك دەمالىسىندا بولىپ قايتقان تۇركمەنستان پرەزيدەنتى گۋربانگۋلى بەردىمۇحامەدوۆ ۋاقىتىن ادەتتەگىدەي وتە قىزىقتى وتكىزدى. ؛ونىڭ ەل الدىنا شىقپاي كەتۋىن رەسەيلىك اقپارات كوزدەرى سان ساققا جۇگىرتىپ, ءتىپتى "قايتىس بولىپتى" دەگەن حابار دا تاراتتى. الايدا ارتىنشا "اركاداگتىڭ" ءدىن امان ەكەنى, دەمالىستا بولىپ, ۋاقىتىن وتە اسەرلى وتكىزگەنى انىقتالدى.

"حرونيكي تۋركمەنيستانا" باسىلىمىنىڭ حابارلاۋىنشا, پرەزيدەنت دەمالىستى اسا بەلسەندى وتكىزگەن. مىلتىق اتىپ, بوۋلينگ ويناعان. سپورتتىق كولىكپەن جۇيىتكىپ, شىعارماشىلىقپەن اينالىسقان. اراگىدىك كەزەكتى كىتابىن جازۋ دا ۇمىت قالماعان.

بەردىمۇحامەدوۆ جان-جاقتى ءارى كوپقىرلى تۇلعا. اسىرەسە وعاش ارەكەتتەرى, ەرەكشە ەرمەكتەرىمەن تانىمال. سپورت ونىڭ ءومىرىنىڭ اجىراماس ءبىر بولىگى. ول 1972 جىلى كلاسسيكالىق كۇرەستەن اشحابادتىڭ, 1973 جىلى اتۋدان ەل چەمپيونى اتانعان. اتقا وتىرۋ, ۆەلوسيپەدپەن, سۋ موتوسيكلىمەن سەرۋەندەۋ ونىڭ سۇيىكتى ءىسى. بالا كەزىنەن اۆتوسپورتپەن شۇعىلدانعان. كاراتەدەن ونىنشى دان, تاەكۆوندودان قارا بەلبەۋ يەگەرى. "كاراتە-دو" جالپى جاپون فەدەراسياسىنىڭ قۇرمەتتى مۇشەسى. ونىڭ اسكەري جاتتىعۋلارعا قاتىسقان, ترەناجەرلىك زالداردا جاتتىعۋ جاساعان, جەلدەن دە جىلدام سپورتتىق ماشينالارمەن ءتۇرلى شەبەرلىك كورسەتكەن ۆيدەولارى الەۋمەتتىك جەلىلەردە تاراپ, الەمدە ءتۇرلى پىكىر تۋعىزۋدا. ولاردى كورگەندەردىڭ ءبىر توبى تۇركمەن باسشىسىنىڭ سپورتتىق فورماسىنا تاڭدانىس بىلدىرسە, ءبىرى كەلەكە, مازاق ەتۋدە.

ايتا بەرسە, بەردىمۇحامەدوۆتىڭ قىزىقتارى كوپ. 2009 جىلى اشحابادتاعى ونكولوگيالىق ورتالىقتىڭ اشىلۋ سالتاناتىندا قۇلاعىندا ىسىگى بار ناۋقاسقا وتا جاساۋعا اسسيستەنت رەتىندە قاتىسقانى كوپتىڭ ەسىندە. كاسپيي جاعالاۋىندا ورنالاسقان اۆازا كۋرورتىنا ساپارىندا جۇمىس كۇنىن مينيسترلەر مەن دەپۋتاتتاردىڭ قاتىسۋىمەن وتكەن تاڭعى جاتتىعۋدان باستاعانىن بۇكىل الەم كوردى. كوردى دە كۇلدى. وقۋشىلار سياقتى ساپقا تۇرعان شەندىلەر مەملەكەت باسشىسىنىڭ ىستەگەندەرىن قايتالاپ, ۆولەيبول ويناۋى كىمدى دە بولسا كۇلدىرمەي قويماس. بەردىمۇحامەدوۆ تاعى ءان شىعارادى, ول ازداي ونى ءوزى ورىندايدى. كوپتەگەن مۋزىكالىق اسپاپتا وينايدى, كەرەك دەسەڭىز جىلىنا بىرنەشە كىتاپ جازادى.

سەنۋ قيىنداۋ, ءبىراق راس ءسوز. ونىڭ گيتارامەن ايتقان اندەرىن رەسپۋب­؛ليكالىق تەلەارنالار مەرەكەلەردە الدەنەشە رەت كورسەتكەن بولاتىن. كوپقىرلى ادامنىڭ كىتاپتارى دا ءتۇرلى تاقىرىپتاردى قامتيدى. ايتالىق, 2017 جىلى جارىققا شىققان ءۇش كىتابىنىڭ ءبىرى سپورت, ءبىرى اسكەر, ءۇشىنشىسى ىشكى ىستەر ورگانىنىڭ جۇمىسى جايىندا. ال 2016 جىلى پرەزي­؛دەنتتىڭ قالامىنان شىققان ەڭبەكتەر تۇركمەن كىلەمى, مۋزىكا, ماقال-ماتەل, اقالتەكەمەن سەرۋەن جانە تاعى باسقا تاقى­؛رىپتاردا جازىلعان. اقالتەكە دەمەكشى, گۋربانگۋلى بىردە بايگەگە قاتىسىپ, مارەنى بارىنەن بۇرىن كەسىپ وتكەن تۇستا سايگۇلىگى ءسۇرىنىپ, وڭقا-شوڭقا بوپ قۇلاعانى بار. قۇداي ساقتاپ, پرەزيدەنت ءدىن امان. قۇقىق قورعاۋ ورگاندارى ىڭعايسىز جاعدايدىڭ ۆيدەوسى سىرتقا تارالىپ كەتپەۋىنە قانشا تىرىسىپ, باققاندارىمەن پرەزيدەنتتىڭ قۇلاعان ءساتىنىڭ بەينەجازباسى عالامتورعا اپ-ساتتە تارالىپ كەتتى. تۇركمەنستاندا وسەتىن ەمدىك قاسيەتى بار شوپتەر تۋرالى جازعان ەڭبەگى دەنساۋلىق ساقتاۋ سالاسىندا وقۋلىق رەتىندە قولدانىلاتىنىن دا بىلە جۇرگەيسىزدەر.

سۇيىكتى ءتۇسى اق. سوندىقتان 2015 جىلى ەلگە قارا ءتۇستى اۆتوموبيلدەردى اكەلۋگە تىيىم سالىنعان. شەندىلەر قارا ءتۇستى كولىكتەرىنەن ءتۇسىپ, بىردەن اپپاق قارداي كولىككە ءمىندى. كوشەدە قارا يا قاراعا جاقىن تۇستەس كولىك جۇرسە, وعان بىردەن ايىپپۇل سالىنىپ, اق, اشىق تۇسكە بويايتىندىعى تۋرالى قولحات الىنىپ ءبىر-اق جىبەرىلەدى ەكەن.