06 تامىز, 2019 وقيعالار
نارازى حالىق قىتاي كومپانياسىنىڭ ەلدەن كەتۋىن تالاپ ەتتى (ۆيدەو)
نارىن اۋدانى اكىمىنىڭ ورىنباسارى جانىش يبرايماكۋنوۆ بولعان وقيعاعا قۇقىقتىق باعا بەرىلەتىنىن ەسكەرتكەن.
قىرعىزستاننىڭ سولتۇستىگىندە حالىق سولتون-سارى كەنىنەن قىتايلاردىڭ كەتۋىن تالاپ ەتتى دەپ حابارلايدى ؛qamshy.kz اقپارات اگەنتتىگى ؛centralasian.org سايتىنا سىلتەمە جاساپ.
نارىن وبلىسىنا قاراسىتى سولتان-سارى كەنىنە شامامەن 50 ادام جينالدى. كومبيناتتى قىتايدىڭ "جورجي ماينينگ" كومپانياسى سالىپ جاتىر.
جينالعان حالىق قىتاي كومپانياسىنىڭ سولتون-سارىدان كەتۋىن تالاپ ەتتى.
ازاتتىق راديوسى ءتىلشىسىنىڭ حابارلاۋىنشا, كەن ماڭىندا جانجال بولىپ, جەرگىلىكتى تۇرعىندار كومپانيانىڭ ءبىر قىزمەتكەرىن سوققىعا جىققان. نارىن وبلىسىنىڭ گۋبەرناتورى امانباي كايىپوۆ حالىقپەن كەلىسسوز جۇرگىزۋ ءۇشىن سولتون-سارىعا اتتانعان.
بۇنىڭ الدىندا, 4 تامىزدا وسى جەردە شامامەن 30-عا جۋىق مالشى پيكەت وتكىزىپ, قىتاي كومپانياسىن ايىپتاعان.
سول كەزدە نارىن اۋدانى اكىمىنىڭ ورىنباسارى جانىش يبرايماكۋنوۆ بولعان وقيعاعا قۇقىقتىق باعا بەرىلەتىنىن ەسكەرتكەن.
قىتايدىڭ "جورجي ماينينگ" كومپانياسىنىڭ حالىقپەن بايلانىس ءبولىمىنىڭ قىزمەتكەرى ماليك كاميلوۆتىڭ حابارلاۋىنشا, ءبىر كۇن بۇرىن كەندە بولعان جاعدايعا قاتىستى كىنالى دەپ تانىلعان جاعدايدا, كومپانيا جاۋاپكەرشىلىكتى كوتەرۋگە دايىن.
ەسكە سالايىق, 3 تامىزدا سولتون-سارىدا جەرگىلىكتى تۇرعىندار مەن كومپانيا وكىلدەرى اراسىندا جانجال بولىپ, وتتۋك اۋىلىنىڭ ەكى تۇرعىنى زارداپ شەككەن. ءقازىر ولار اۋرۋحانادا جاتىر. قىتاي كومپانياسىنىڭ 12 وكىلى نارىن اۋداندىق ىشكى ىستەر بولىمىندە تەرگەۋدەن ءوتىپ جاتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر