جەمىس-جيدەك باعاسىنىڭ شارىقتاۋىنا كىم كىنالى؟

جىل وتكەن سايىن بازارداعى جەمىس-جيدەك پەن كوكونىس قىمباتتاپ بارادى. ماسەلەن, بيىلعى جەتى ايدا ازىق-تۇلىك تاۋارلارىنىڭ باعاسى وتكەن جىلدىڭ سايكەس كەزەڭىمەن سالىستىرعاندا 7,3 پايىزعا كوتەرىلگەن.

"مەن جاقىندا شىمكەنتكە بارىپ كەلدىم. بىزدە شىمكەنتتە قىزاناقتارىڭىز 60 تەڭگە. مىنە, مىندا 550 تەڭگە. بۇل ەندى سۇمدىق بىلاي قاراساڭ. قاۋىننىڭ كەلىسى 350 تەڭگە. بىزدە شىمكەنتتە سيىرلار جەپ جاتىر ءقازىر ونى. بۇل نە دەگەن سۇمدىق؟ مۇنى قارايتىن ادام بار ما ءوزى, جوق پا؟ ال ءبىز ماقۇل, شامامىز كەلەدى الامىز. قاراپايىم حالىق نە الادى؟ پەنسيونەرلەر نە الادى؟" دەيدى بازارعا بارعان ەلوردالىق تۇرعىن".

اعامىزدىڭ ءسوزىنىڭ جانى بار. الا جازدايعى ۋاقىتىن ەگىس القابىندا وتكىزگەن ديقاندار باعانى بۇلاي شارىقتاتا المايدى. ويتكەنى ءبىر ساتتە پىسكەن جەمىسى مەن كوكونىسىن تۇراقتى تۇردە توننالاپ وتكىزەتىن جەر جوق. سوندىقتان امالسىز ارزانداۋ بولسا دا قولىندا قارجىسى بار دەلدالعا ساتادى. وسىلايشا ديقان وسىرگەن ءونىم دۇكەن سورەسىنە جەتكەنشە بىرنەشە ەسەگە قىمباتتايدى. ماسەلەنىڭ ءبىر ۇشى وسى.

قىمباتشىلىقتىڭ تاعى ءبىر سەبەبى كوكونىستىڭ شەت مەملەكەتتەردەن اكەلىنۋىندە.

ارمان بايعانوۆ, ەكونوميست:

"قازاقستاندا وسىرىلەتىن جەمىس-جيدەك پەن كوكونىس ىشكى سۇرانىستى قاناعاتتاندىرا المايدى. سىندىقتان سىرتتان اكەلۋگە تۋرا كەلەدى. ونىڭ ۇستىنە تىڭ تەحنولوگيالارمەن جابدىقتالعان جىلىجايلاردىڭ ءوزىن شەت ەلدەن ساتىپ الامىز. ونىڭ جولى بار, ۆاليۋتا باعامىنداعى ايىرماشىلىقتار جانە وزگە دە شىعىندار. بارلىعى اينالىپ كەلىپ, ءونىمنىڭ وزىندىك قۇنىنا اسەر ەتەدى. وسىلايشا باعا قىمبات. سونداي-اق شەت ەلدەن اكەلىنەتىن جەمىستەر دوللارمەن الىنادى. دوللار وسكەن سايىن ولاردىڭ باعاسى دا كوتەرىلە بەرەدى. بۇل نارىق زاڭى".

ساراپشىلاردىڭ ايتۋىنشا, باعانىڭ تۇراقتىلىعىن ساقتاۋ ءۇشىن وتاندىق شارۋالاردى قولداۋ كەرەك. ءبىر مىسال. 2004 جىلى ۇكىمەت الما ەككەندەرگە جاعداي جاساپ, قارجىنى ەسەلەدى. سونىڭ ارقاسىندا الما باقتارى كوبەيىپ, بۇگىندە كوپ جەمىستىڭ قۇنى وسكەنمەن المانىڭ باعاسى قالىپتى.

تالعاتبەك ءابدىقوجا, ەربول دايىروۆ

24.kz