تۇڭعىشباي جامانقۇلوۆ: مينيستر كەشە عانا كەتتى عوي ەندى, جاعداي وزگەرەر دەپ ويلايمىن

جۋىردا تانىمال ونەر قايراتكەرى, اكتەر, قازاقستان تەاتر قايراتكەرلەرى وداعىنىڭ ءتوراعاسى تۇڭعىشباي جامانقۇلوۆ مەملەكەت باسشىسى قاسىم-جومارت توقاەۆتىڭ قابىلداۋىندا بولعانى بەلگىلى. سوڭعى جىلدارى باسى داۋعا قالىپ, ءىستى بولعان ءيسى قازاققا تانىمال ونەر ادامى پرەزيدەنتپەن اكەۋارا اڭگىمە نە تۋرالى بولعانىن zakon.kz تىلشىسىنە ايتىپ بەردى, دەپ جازادى ؛qamshy.kz اقپارات اگەنتتىگى.

&ndash؛ ءسىز ول كىسىگە نە ايتتىڭىز؟

&ndash؛ مەن قازاقستانداعى تەاترلاردىڭ, شىعارماشىلىق توپتاردىڭ الەۋمەتتىك جاعدايىنان, ىشكى ومىرىنەن سىر شەرتتىم. ءسويتىپ جاتىرمىز, ءبۇيتىپ جاتىرمىز دەگەن وتىرىك, ءۇستىرت اقپارات ەمەس, شىنايى اقپاراتتى بارىنشا شىنايى حاباردار ەتتىم. قىسقاشا, بوس سوزدەرگە بارماي ءبارىن ايتىپ بەردىم. اكتەرلىك شەبەرلىكتىڭ, رەجيسسۋرانىڭ كەمشىن تۇستارى بارىن ايتتىم. بىزدە بىرلى-ەكىلى جاقسى رەجيسسەرلەر بار, دەگەنمەن دە, جالپى تەاترلاردا مامانداردىڭ جەتىسپەيتىنى, اكتەرلەردىڭ ءوز ونەرىنە ءۇستىرت قارايتىندىعىن ءسوز ەتتىم. جەر-جەرلەردەگى تەاترلاردا باسشىلاردىڭ تەاترلارعا ءجاي انشەيىن قاراپ, تەك مەرەكەلىك كەزدەردە عانا ەسكە الاتىنى بار. ساحنالارداعى بولىپ جاتقان شىنايى شىعارماشىلىق وقيعالارعا ەلەڭ ەتەتىن ارەكەتتەردىڭ بولماي جاتقانىن ايتتىم. ارقادان قاعۋ جوق. ايلىق از. اپ-بارەكەلدى دەپ جاتقان ەشكىم جوق. ورەلى, ءبىلىمدى ماماندار از. بۇل سىن ايتۋ دەگەن جات تا كەپ سىناي بەرۋ ەمەس, بىزدىكى سپەكتاكلدەردى تازا شىعارماشىلىق تالداۋ. پرەزيدەنت مۇنىڭ ءبارىن ۇيىپ تىڭدادى.

&ndash؛ پرەزيدەنت قانداي رەاكسيا تانىتتى؟

&ndash؛ ايلىق وتە از دەدىم. ول كىسى تەاتر جۇمىسشىلارىنىڭ جالاقىسى قانداي ەكەنىن ەستىگەندە, باسىن شايقاپ, ءتىپتى ءۇنجىرعاسى ءتۇسىپ كەتتى. جامان جاعدايعا ءتۇستى. بىزدەگى ۇلتتىق تەاترلاردا ەڭ ۇلكەن ايلىق 35-40 مىڭ تەڭگە توڭىرەگىندە, كەلەتىن جاستار ءتىپتى 20 مىڭ تەڭگەگە جۇمىس ىستەۋگە ءماجبۇر.

&ndash؛ ۋادە بەردى مە؟

&ndash؛ ۋادە بەرگەنى سول, مادەنيەت مينيسترلىگىنە تاپسىرما بەرەتىنىن ايتتى. تەاتر ۇجىمدارىنىڭ شىعارماشىلىق ورەلەرىن ىنتالاندىرۋ, مۇمكىندىكتەرىن ارتتىرۋ, قوعامداعى ورنىن, الەۋمەتتىك جاعدايىن كوتەرۋ كەرەك دەگەندى ايتتى. قازاقستان تەاتر قايراتكەرلەرىنىڭ وداعى بۇل شەنەۋنىكتەر مەكەمەسى ەمەس, مەملەكەتتىك مەكەمە ەمەس, قوعامدىق ۇيىم. بۇل پروفسويۋز, كاسىپوداق تا ەمەس, بۇل &ndash؛ شىعارماشىلىق ۇيىم. ياعني, ءاربىر تەاتردىڭ ساحناسىنداعى شىعارماشىلىق ورەنىڭ, رەجيسسۋرا, اكتەرلىك ويىننىڭ, ءتىپتى تەاتر سىنىنىڭ جاعدايىن كوتەرۋدىڭ قامىمەن جۇرەتىن كەدەي-جومارت ادامدارمىز. سونى جان-جاقتان مامانداردى شاقىرىپ, اكتەرلەرمەن كەزدەستىرىپ, رەجيسسەرلەردى وقۋعا جىبەرىپ, الەمدىك تەاترلاردىڭ جارقىراعان جۇلدىزدارىمەن كەزدەسۋ, وقۋلار ۇيىمداستىرۋدىڭ ەش سوكەتتىگى جوق.

&ndash؛ ءقازىر كينولارعا ءتۇسىپ جاتقان جوقسىز با؟

&ndash؛ ءقازىر ەشقانداي كينوعا ءتۇسىپ جاتقان جوقپىن, ويتكەنى بۇرىنعى مينيستر مەنى كينوعا تۇسىرۋگە تىيىم سالعان. رەجيسسەرلەردى قورقىتىپ قويعان. ەگەر جاماقۇلوۆتى كينوعا تۇسىرسەڭ, سەنىڭ كينوڭ ەكرانعا, پروكاتقا شىقپايدى دەپ قويعان. اششى شىندىعى وسى.

&ndash؛ مينيستر اۋىسىپ كەتتى ەمەس پە؟ بولدى عوي؟

&ndash؛ ەسكى ءمينيستردىڭ ىزدەرى ءالى سايراپ جاتىر عوي. ول ءمينيستردىڭ ىقپالى ءالى بار. ونىڭ ۇستىنە, قازىرگى مينيستر ايەل ادام. بۇرىنعى مينيستر اسپانعا ۇشىپ كەتكەن جوق. ءالى دە ءجۇر. ءاي, نە ىستەپ جاتسىڭ دەپ ءالى دە كوپ جەرلەرگە بارىپ, زۆونداپ, جاعدايدى باقىلاپ وتىر ەمەس پە؟ مينيستر كەشە عانا كەتتى عوي ەندى, جاعداي وزگەرەر دەپ ويلايمىن. باسقا نە دەيىن؟! بۇرىنعى مينيستر جاساپ تاستاعان كەدەرگىلەر, كەرەعار شەشىمدەرى ازىرگە ءالى دە الدىمىزدان شىعىپ وتىر.