شەتەلدەن تاۋار الۋعا تىيىم سالىنادى

قازاقستاندىق شەنەۋنىكتەرگە شەتەلدىك تاۋارلاردى ساتىپ الۋعا تىيىم سالىنۋى مۇمكىن ؛دەپ حابارلايدى qamshy.kz اقپارات اگەنتتىگى ؛ەۋرازيا ؛ارناسىنا سىلتەمە جاساپ. ؛

ونىڭ ىشىندە جيھاز, كيىم-كەشەك پەن تۇرمىستىق زاتتار بار. قاۋلىنىڭ جوباسى يمپورتتالاتىن جەڭىل ونەركاسىپ, قۇرىلىس ماتەريالدارىن مەملەكەتتىك ساتىپ الۋلارعا قاتىسۋعا ەكى جىلعا شەكتەۋ قويۋدى كوزدەيدى. بۇل باستامانى ۇكىمەت كوتەرىپ وتىر.

قازىر جوبا نورماتيۆتىك-قۇقىقتىق اكتىلەر سايتىندا اشىق تالقىلاۋعا ءتۇستى. شەكتەۋ قويىلاتىن تاۋارلاردىڭ تىزىمىنە تاعى قانداي زاتتار كىرەدى؟

مەملەكەتتىك قىزمەتكەرلەر ەندى "برەندتىك" تاۋارلاردى ۋاقىتشا ۇمىتۋى مۇمكىن. ويتكەنى, ۇكىمەت ىشكى ءوندىرىس نارىعىن قورعاۋ ءۇشىن, ۇلتتىق ەكونوميكانى دامىتۋ ماقساتىندا مەملەكەتتىك ساتىپ الۋلارعا شەتەلدەن تاپسىرىس بەرۋگە تىيىم سالماقشى. قاتاڭ باقىلاۋعا ىلىككەن ؛ تاۋارلاردىڭ تىزىمىندە تاعى مىناداي زاتتار بار. ؛ ؛ ؛

1. سپورتتىق, شاڭعى جانە شومىلۋعا ارنالعان كوستيۋمدەر, جالپى كيىمدەر.
2. توسەك, اسحانا, دارەتحانا جانە اس ءۇي جابدىقتارى.
3. سۋ كىرمەيتىن اياق-كيىمدەر.
4. رەزەڭكە نەمەسە پلاستاماسسادان ازىرلەنگەن قونىشى ۇزىن اياق-كيىمدەر.
5. وفيسكە ارنالعان اعاشتان نەمەسە مەتاللدان جاسالعان جيھازدار جانە ت.ب كىرەدى.

شەتتەن يمپورتتالاتىن تاۋارلاردى شەكتەۋ ارقىلى جەرگىلىكتى كاسىبىن ەندى عانا باستاعان, مەملەكەت تاراپىنان قولداۋعا ءزارۋ كاسىپكەرلەرگە كوپ كوڭىل بولىنبەك. ماسەلەن, جۋىردا عانا شىمكەنتتىك تاۋار وندىرۋشىدەن مەملەكەت باسشىسى قاسىم-جومارت توقاەۆ تا 43 ولشەمدەگى اياق كيىم ساتىپ العان بولاتىن. باعاسى دا قول جەتىمدى - 21 مىڭ تەڭگە. بۇل جونىندە الەۋمەتتىك جەلىنى بەلسەندى پايدالاناتىن پرەزيدەنت تۆيتتەردەگى پاراقشاسىندا مالىمدەدى. ؛ ؛ ؛ ؛ ؛ ؛ ؛ ؛ ؛

"جاقىندا ەتىك تىگەتىن جاس كاسىپكەر تۋرالى جاقسى سۇحبات جاريالاندى. وتاندىق ءونىمدى قولداۋ ماقساتىندا مەن دە ءبىر اياق كيىمىن ساتىپ الدىم. ادال ەڭبەك ەتىپ, ناقتى كاسىپپەن اينالىسۋعا دەگەن كوزقاراس ورنىعۋى ءتيىس".