پويىزدا زورلانعان كەلىنشەك قازاقستاندىقتارعا ۇندەۋ جاسادى

"تالگودا" زورلانعان قازاقستاندىق كەلىنشەك قولداۋ بىلدىرگەندەرگە العىس ايتىپ, ؛facebook جەلىسىندەگى "نەمولچي.kz" ؛پاراقشاسىندا قازاقستاندىقتارعا ۇندەۋ جاسادى دەپ حابارلايدى qamshy.kz اقپارات اگەنتتىگى.

"جاڭالىقتاردى وقىدىم, باق-تاردا ؛كورسەتىلگەن ؛رەپورتاجداردى كوردىم, سىزدەردىڭ كومەكتەرىڭىزبەن بۇل قىلمىستىڭ حالىق اراسىندا شۋ شىعارعانىن ءتۇسىندىم! ەلىمىزدە بىردە-بىر ايەلدىڭ, بىردە-بىر بالانىڭ مۇنداي زورلىق كورمەۋىن قالايمىن, ولاردىڭ قورعايتىن ادامدار بار ەكەنىن سەزگەنىن قالايمىن", - دەلىنگەن جازبادا.

زارداپ شەككەن كەلىنشەكتىڭ ايتۋىنشا, ول ءالى كۇنگە دەيىن قايعىلى جاعدايدى ۇمىتار ەمەس.

"وزىم كوپ وقىدىم, كوپ جۇمىس ىستەدىم, بىرنەشە ەلدە بولدىم, ءار ەلدىڭ مادەنيەتىن كورىپ-بىلىپ, ءوز ەلىمە ۇنەمى سۇيىسپەنشىلىكپەن ورالاتىنمىن. ەلىمدە مەنى قورعايتىن ادامداردىڭ بار ەكەنىنە سەنەتىنمىن. ءبىراق كەز كەلگەن جەردە كەز كەلگەن ساتتە قايعىلى جاعدايدىڭ قۇربانى بولۋى مۇمكىن ەكەن. سول تۇندەگى وقيعادان كەيىن ومىرىمدە ەندى سۇمدىق ەشتەڭە بولۋى مۇمكىن ەمەس.

وسىعان بايلانىستى مەن, زورلانعان كەلىنشەك رەتىندە, ەلىمىزدىڭ باسشىلىعىنا جانە قر پارلامەنتىنىڭ دەپۋتاتتارىنا سەكسۋالدىق زورلىق جاساعاندارعا جازانى كۇشەيتۋدى سۇرايمىن. قۇقىق قورعاۋ ورگاندارى قىزمەتكەرلەرىنەن زورلاندارعا قاتىستى ءىس بويىنشا تەرگەۋدىڭ ءجۇرۋ پروسەسىن باقىلايتىن ءبىرىڭعاي الگوريتم ويلاستىرۋدى سۇرايمىن", - دەپ جازدى ول.

"مەن كورگەن مورالدىق زورلىق پەن قورلاۋدى قايتا زورلانۋمەن سالىستىرۋعا بولادى. زورلىق-زومبىلىق قۇرباندارى قورعالماعان بولىپ شىقتى", - دەپ اتاپ ءوتتى ول.