قازاقستاندا پريپيات قالاسىنىڭ كوشىرمەسى بار. قايدا؟

قاراعاندى قالاسىنان 20 شاقىرىم جەردە رتي دەپ اتالاتىن قالاشىق بار. ۋاعىندا چەرنوبىل وقيعاسىنان كەيىن بوس قالعان پريپيات قالاسىن ەسكە تۇسىرەدى بۇل مەكەن. ءبىز ءسوز ەتىپ وتىرعان ايماقتا جۇزدەن اسا بيىك عيمارات بار. ولاردىڭ بارلىعىن زەڭ باسىپ كەتكەن. بۇل جاقتا ورتالىق جىلىتۋ جۇيەسى دە جوق. ال بىرەن-ساران تۇرعىندار قيىن جاعدايعا ەتتەرى ءولىپ كەتكەن ىسپەتتى.

سوناۋ 1974 جىلى قاراعاندى وبلىسىنىڭ ساران قالاسىندا سسرو كولەمىندەگى ءىرى زاۋىتتاردىڭ ءبىرى &ndash؛ رەزينالىق تەحنيكالىق ونىمدەر زاۋىتى ىسكە قوسىلعان. قالانى كومسومول جاستار سالعان-دى. زاۋىتتىڭ اتى (رەزينوتەحنيچەسكيي يزدەليي) قالانىڭ اتىنا اينالعان.

اتالمىش زاۋىت ەل كولەمىندەگى تەحنيكالىق زاتتار وندىرەتىن ءىرى ءوندىرىس وشاعىنا اينالدى. ءوز ىشىندە 25 سەحى بار, 887 ءونىم شىعاراتىن ءوندىرىس وشاعىنىڭ تۇكىرىگى جەرگە تۇسپەي تۇرعان ۋاقىت ەدى. زاۋىت ونىمدەرى سسرو كولەمىندە دە, شەكارادان تىسقارى ەلدەرگە دە ەكسپورتتالدى.

وندىرىس ورىنىندا 6000-نان استام ادام جۇمىس ىستەگەن. ءبىز تاقىرىپ ەتىپ وتىرعان قالاشىق تا وسى جۇمىسشىلار ءۇشىن سالىنعان ەدى. قاريالاردىڭ ايتۋىنشا, ءوز مەزگىلىندە بۇل قالاشىقتا اۋررۋحانا, كينوتەاتر, بالالار قالاشىعى, دۇكەندەر بولعان-مىس. قالاشىقتىڭ ينفراسترۋكتۋرالىق احۋالى وزگە قالالاردان كەم سوقپاپتى.

سسرو قۇلاعاننان كەيىن زاۋىتتان دا مازا كەتە باستاعان. ونىمدەرىن ەكسپورتتاۋ, ءونىم ءوندىرۋ, تۇتىنۋشىلاردىڭ سۇرانىسىن قاناعاتتاندىرۋ سياقتى باعىتتاردان اقساي باستايدى. قۇلدىراعان زاۋىت 1994 جىلى رەسمي بانكروت جاريالاپ, ءومىر ءسۇرۋىن توقتاتتى.

الىپ زاۋىت بانكروت بولعاننان كەيىن قالاشىق حالقى زاۋىت ىشىنەن كىشىگىرىم رەزينا تەحنيكالىق ونىمدەر جاسايتىن سەح اشقان. ءدال وسى كىشىگىرىم كاسىپ كوپتىڭ كومەيىن اشتىقتان ساقتادى.

قالاشىقتاعى ءوندىرىس توقتاعان سوڭ ەلەكتر جارىعىمەن جانە اۋىز سۋمەن قامتاماسىز ەتۋ ماسەلەلەرى تۋىنداي باستاعان. 25 ؛000 ادام تۇراتىن قالاشىقتى حالىق تاستاپ كەتتى. قازىرگى ۋاقىتتا بۇل جەردەگى ءتورت ۇيدە عانا تىرشىلىك بار. ءدال وسى ءتورت ءۇيدى 2000 ادام جاي قىلىپ وتىر.

قاڭىراعان ۇيلەر بۇل جەردەگى تۇرعىندارعا قورقىنىش تۋدىرمايدى ەكەن. «؛بۇل جەردە ءومىر سۇرۋگە بولادى»؛, - دەيدى جەرگىلىكتى تۇرعىنداردىڭ ءبىرى. ساران قالاسىنا دەيىن اۆتوبۋس ءجۇرىپ تۇر. ال قاراعاندىعا ءبىر جارىم ساعاتتا جەتۋگە بولادى ەكەن.

بۇل قالاشىقتىڭ حالقىن ۇستاپ وتىرعان دا قاراجات ماسەلەسى سياقتى. ويتكەنى, ولاردىڭ ايتار ۋاجدەرى مىناعان سايادى: بۇل قالاشىقتا پاتەرلەردىڭ قۇنى بىر-ەكى ميلليون تەڭگە تۇرادى. باسقا جەردەن مۇنداي اقشاعا ەشتەڭە الا المايسىڭ. ادامدار بارىنە ۇيرەنەدى.

سۋرەتتەگى قاڭىراعان عيماراتتاردا كەزىندە بىرەۋلەر ءومىر ءسۇردى دەگەنگە سەنۋ قيىن-اق. بۇل جەردەگى عيماراتتار كەي ادامداردىڭ ويىن الاڭىنا اينالىپ تا كەتكەندەي. ال وسىنداي ورىنداردا, قالادان تىس, پوليسيا نازارىنان تىس جەردە قانداي دۇنيەلەر ورىن الىپ جاتقانىن كىم ءبىلسىن؟!

رتي قالاشىعىندا ورتالىق جىلۋ جۇيەسى جوق. قىستا ادامدار پەش جاعىپ كۇنەلتەدى. ال ەلەكتر جارىعىمەن جانە اۋىز سۋمەن ەشقانداي ماسەلە جوق.

سوڭعى جىلدارى جەرگىلىكتى بيلىك بۇل قالاشىققا ورالمانداردى اكەلە باستاعان. ۇستىمىزدەگى ءجىلدىى مامىر ايىندا ءبىر ۇيگە جوندەۋ جۇمىستارى جاسالا باستاعان. بۇل ۇيگە كىمدەر كەلەتىنى ءالى بەلگىسىز. جوندەۋ جۇمىستارى اياقتالىپ ۇلگەرمەگەن. بريگاديردىڭ ايتۋىنشا, بۇل ايماقتاعى 50 ءۇيدى جوندەۋ جوسپاردا بار كورىنەدى.

الداعى ۋاقىتتا پريپيات قالاسىن ەسكە تۇسىرەتىن قالاشىققا قايتادان جان بىتەدى دەگەن ءۇمىت ساۋلەسى بار.

اۆتور: جۇلدىز مۇقانوۆا