مەكتەپتەگى ەر پەداگوگتىڭ ازدىعى ەر بالا تاربيەسىنە اسەر ەتە مە؟

سوڭعى دەرەكتەردە مەكتەپتەردەگى ەر پەداگوگتاردىڭ ۇلەسى 20 پايىزعا جەتپەيتىنى ايتىلىپ ءجۇر. قوعامدا ەر مۇعالىمدەردىڭ ازدىعى ەر بالانىڭ تاربيەسىنە تىكەلەي اسەر ەتەتىنى تۋرالى دا ءسوز كوپ. قامشى ءتىلشىسى ماسەلە تۋرالى ماماندار نە دەيتىنىن سۇراپ كوردى.

عاني بەيسەمباەۆ, edtech-kz حالىقارالىق ءبىلىم ورتالىعىنىڭ باس ديرەكتورى, پسيحولوگيا عىلىمىنىڭ كانديداتى, phd دوكتورى.

 ؛مەكتەپ ءمۇعالىمىنىڭ جالاقىسى وتباسىن اسىراۋعا جەتۋى كەرەك

سوڭعى ۋاقىتتا مەكتەپتە ەر مۇعالىمدەردىڭ ايەل مۇعالىمدەرگە قاراعانداعى مولشەرىنىڭ ازدىعى وزەكتى ماسەلە رەتىندە ءجيى كوتەرىلىپ ءجۇر. دەگەنمەن, ءوز باسىم وقۋشى ءبىلىمىنىڭ ساپاسى مەن جالپى بالا تاربيەسىنە بۇل ماسەلەنىڭ قانشالىقتى تەرىس, نە وڭ ىقپال بەرەتىندىگى جونىندە ارنايى عىلىمي زەرتتەۋلەردى كورگەنىم جوق. ءبىراق كوپشىلىك مەكتەپتەگى ەر مۇعالىمدەردىڭ ارتۋىن ءبىلىم سالاسىنداعى كوپتەگەن پروبلەمالاردى شەشۋگە ىقپال بەرەتىن تەتىكتەردىڭ ءبىرى رەتىندە سانايدى. بۇل &ndash؛ ويلاناتىن دۇنيە. ەر مۇعالىمدەردى مەكتەپكە تارتۋدىڭ كوپكە بەلگىلى ءبىر-اق جولى بار. ول ءبىزدىڭ ەلدە دە, الەمدىك پراكتيكادا دا بەلگىلى جول. مەكتەپ ءمۇعالىمىنىڭ وتباسىن قامتاماسىز ەتۋگە مىندەتتى ەر ازاماتقا ساي ايلىق مولشەرىنىڭ جەتكىلىكتى بولۋى. بۇگىنگى نارىقتىق زاماندا باسقا مەحانيزمدەردىڭ بۇل ماسەلەنى شەشۋدە ىقپالى ءالسىز دەر ەدىم.

مارات توقاشباەۆ, جۋرناليست-جازۋشى, قازاقستان پەداگوگيكالىق عىلىمدار اكادەمياسىنىڭ اكادەميگى, پروفەسسور.

قازاق قوعامىنا ازامات وبرازى قاجەت

تاربيە ماسەلەسىندە ەر ادامدىڭ ورنى ءارقاشان ەرەك قوي. ەركەك ءتۇزدىڭ ادامى بولعانىمەن, ونىڭ تۇلعاسىنىڭ ءوزى ۇلكەن ماڭىزعا يە. سول سياقتى مەكتەپتەردە ەر ۇستازداردىڭ كوپتەپ بولۋى وزىنەن-وزى كوپتەگەن ماسەلەلەردىڭ وڭدى شەشىلۋىنە اسەر ەتەدى. اۋەلى ءتارتىپ ورنايدى. كەيبىر بالالار ەركەلەتسەڭ, ەركىنسىپ, بوس قويا بەرسەڭ, بوساڭسىپ كەتەدى. ال ەر ازامات بار جەردە بالا جيناقى, ءتۇزۋ جۇرەدى. ەر ادامنىڭ ءسوزى دە سالماقتىراق, وتىمدىرەك بولىپ كەلەدى. تاپسىرىلعان مىندەت كوبىنە ەر ادامنىڭ اۋزىنان شىقسا, ونىڭ ورىندالۋى دا ۋاقىتىلى بولىپ جاتادى. ايەل ادام مەيىربان, جۇمساق, كەشىرىمدى بولاتىندىقتان, وعان بالا ەركەلەگىش بولادى. تەنتەك, بۇزاقى بالالاردى تارتىپكە سالۋدا دا ەر ادامنىڭ ايبىنى زور مانگە يە. ءزىلدى كوزى, وڭمەڭنەن وتەتىن ءسوزى بالانى ساباسىنا ءتۇسىرۋى مۇمكىن. ايتپەسە جوعارى سىنىپتاعى ۇل بالالار «؛اپايلارىنا»؛ باعىنا بەرمەيدى.

وزى ءبىزدىڭ قوعامدا ەر ادامنىڭ وبرازىن ناسيحاتتاۋ جەتىسپەيتىندىگىن ءجيى ايتىپ ءجۇرمىز. ءازىل-وسپاق تەاترلارىنداعى ەركەكتەر ايەل ءرولىن ءجيى سومدايدى. ەركەكتىڭ «؛قاتىن»؛ ءرولىن ويناعان فيلمدەردى دە كوز كوردى. قازاق قوعامى «؛قاتىن»؛ وبرازىنا مۇقتاج ەمەس, بىزگە ازامات وبرازى قاجەت.

مەكتەپتەردەگى ەر ءمۇعالىمنىڭ جەتىسپەۋى اكە ءرولىنىڭ تومەندەۋىنە دە اسەر ەتىپ جاتىر. مەكتەپتە دە, قوعامدا دا ايەل وبرازى الدىڭعى ورىنعا شىعىپ كەتكەندىكتەن, بالا ايەلدىڭ ايتقانىن تىڭداۋعا داعدىلانادى. قىزدار جاعى بوي جەتكەندە كۇيەۋىن بيلەپ-توستەۋگە بەيىم بولادى. ۇستەمدىك ەتكىسى كەلەدى. قىز-كەلىنشەكتەردىڭ ەر ازاماتپەن ۇرسىسىپ-تارتىسىپ جاتۋى دا سودان با دەيمىن. سوندىقتان مەكتەپتەردەگى ەر مۇعالىمدەردىڭ سانىن كوبەيتۋ كەرەك. ول ءۇشىن ءبىرىنشى كەزەكتە مۇعالىمدەر جالاقىسى جوعارى بولۋى ءتيىس!

 ؛اياگۇل ميرازوۆا, قازاقستاننىڭ ەڭبەك ەرى, ارداگەر ۇستاز.

 ؛

ولقىلىقتىڭ ورنى ۇستازدىڭ مارتەبەسى مەن جالاقىسى

كوتەرىلگەندە تولادى

تۇيىتكىلدىڭ توركىنىنە وڭىلسەك, ماسەلەگە ارىدەن قاراۋعا تۋرا كەلەدى. بۇگىندە ەكى جانۇيانىڭ ءبىرى دەسەم ارتىق پا, كەم بە بىلمەيمىن, ءبىراق اجىراسۋشىلىق كوپ. بالانى كوبىنە انا ءبىر ءوزى باعىپ-قاعىپ, شاما-شارقىنشا تاربيەلەپ وتىر. مەكتەپكە كەلگەننەن كەيىن دە بالا ساناسىنا ايەل تاربيەسى كوبىرەك ءسىڭىپ جاتىر. ۇلدارىمىزدىڭ بويىنداعى ەرجۇرەكتىك, باتىلدىق سىندى ەر-ازاماتقا ءتان قاسيەتتەر كەمىپ كەتكەنى وسىدان با دەپ ويلايمىن. بۇل ولقىلىقتىڭ ورنىن تولتىرۋ ءۇشىن ەڭ قاجەتتى قادام &ndash؛ ۇستاز مارتەبەسىن كوتەرۋ, وعان جوعارى جالاقى تاعايىنداۋ. ءقازىر قوعامدا ءمۇعالىمنىڭ بەدەلى وتە تومەن ءتۇسىپ كەتتى. سوندىقتان وعان ءبىرلى-جارىم بولماسا تالانتتى جاستار از كەلەدى. گرانت كوپ, مۇعالىمدىكتى وقىپ جاتقان جاستار دا كوپ, ءبىراق ساپا از. ءتىپتى تومەن باللمەن مۇعالىمدىككە گرانتقا ءتۇسىپ الىپ, كەيىن باسقا ماماندىقتارعا ماگيستراتۋراعا, ەكىنشى جوعارى بىلىمگە كەتىپ جاتاتىندار از ەمەس. ال جاس مۇعالىمدەر اراسىندا «؛ساباعىمدى وتسەم بولدى, ارعىسى وقۋشىنىڭ ءوزى بىلەدى»؛ دەپ ويلايتىندار ارتقان. بۇرىن ءبىز بالا بىردەڭە ۇيرەنسە ەكەن دەپ ءولىپ-تالىپ جاتاتىنبىز. بالا قابىلداماسا, جانىمىز اۋىراتىن. كىنانى وزىمىزدەن, ىزدەپ, جاڭا تاسىلدەردى قولدانۋعا تىرىساتىنبىز. ءقازىر ونداي از. وعان ەڭبەگىڭنىڭ, جانكەشتىلىگىڭنىڭ لايىقتى قايتارىمىنىڭ بولماۋى سەبەپ دەپ ويلايمىن.

ۇل مۇعالىمدەر مەكتەپكە كەلمەيدى ەمەس, كەلىپ-اق جاتىر. ءبىراق كىشكەنە ىستەپ, جوعارى جالاقى تولەيتىن وزگە سالاعا, زياتكەرلىك مەكتەپتەرگە اۋىسىپ كەتەدى. نەمەسە ءقازىر رەپيتيتورلىق دەگەن شىقتى عوي, سوعان دەن قويىپ, بالالاردى قوسىمشا دايىنداۋمەن شۇعىلدانادى. ولاردى قايتىپ كىنالايسىڭ؟! ءبارىنىڭ كۇيتتەگەنى &ndash؛ كۇنكورىستىڭ قامى! سوندىقتان مۇعالىمدەرگە بىردەن جاقسى جالاقى تولەنسە, وندا ەر بالالار كەلەدى. ايتپەسە تاجىريبەلى ۇستازدار سالىستىرمالى تۇردە تومەن المايدى. ءبىراق وعان ونداعان جىل كەتەدى.

جاراس سەيىتنۇر, پسيحولوگيا عىلىمىنىڭ كانديداتى

 ؛

ەر ءمۇعالىمنىڭ ازدىعىنىڭ پسيحولوگيالىق سالدارى جوق ەمەس ؛

بۇل پروبلەما قازاقستاندا عانا ەمەس, پوستكەڭەستىك ەلدەردىڭ بارىندە ورىن الىپ وتىر. مەكتەپتەردەگى گەندەرلىك اسسيمەتريا بۇگىندە 80-85 پايىزدى قۇرايدى. ماسەلە ورتا مەكتەپتە عانا ەمەس, ارناۋلى جانە جوعارى وقۋ ورىندارىندا دا بەلەڭ العان. ونىڭ پسيحولوگيالىق سالدارى جوق ەمەس.

ەۆوليۋسيا زاڭى بويىنشا ايەل ادام كونسەرۆاتور, سۇزگىدەن وتكەن نارسەگە عانا سۇيەنەتىن, تاۋەكەلشىل ەمەس بولىپ كەلەدى. ال ەر ادامعا ءتارتىپتى «؛بۇزۋشىلىق»؛, يننوۆاتور, جاڭاشىلدىققا قۇمارلىق, اۆانگارد ياعني كوشباسشىلىق, قاۋىپ-قاتەرگە قارسى جۇرۋشىلىك ءتان. جانە ايەل مەن ەردىڭ ءجۇرىس-تۇرىسى, وقيعاعا رەاكسياسى دا بىردەي ەمەس. ال ساناسى قالىپتاسۋ ۇستىندەگى بالا ءارتۇرلى مىنەز-قۇلىق ۇلگىسىن, گەندەرلىك ءرولدى كورۋى كەرەك. ويتكەنى قورشاعان ورتا پسيحولوگياسىنىڭ ادامعا اسەرى ۇلكەن. ادام ءبارىبىر ترانسفورماسياعا ۇشىرايدى. اينالا قانداي بولسا, سوعان ۇقساي باستايدى. ول سانالى تۇردە جۇزەگە اسپاسا دا, بەيسانالى تۇردە اسەر ەتەدى. سوندىقتان ەر ادامنىڭ مەكتەپتەگى ورنى وراسان.

تاعى ءبىر نازار اۋدارارلىق ماسەلە, اسىرەسە ءبىزدىڭ قوعامدا ەر ادامدار پسيحولوگيالىق تۇرعىدا مەكتەپتەردەگى باسشىلىق قىزمەتتەگى ايەلدەرگە باعىنعىسى كەلمەيدى. وعان نامىستانادى. سەبەپ &ndash؛ قازاقستان ءداستۇرلى, پاتريارحاتتىق قۇندىلىقتارعا نەگىزدەلگەن قوعام. قازاقستان جەرىندە ۇستازدار ەر ادامدار بولعانىن تاريحتان دا بىلەمىز. مولدالار مەن مەشىت مەدرەسەدەگى مۇعالىمدەر, كەيىن ىبىراي التىنساريننەن باستاۋ الاتىن ۇستازدىق قىزمەتتە ەر ادامدار ساباق بەردى. كەڭەس ۇكىمەتىنىڭ ساياساتىنىڭ سالدارىنان اراسالماق ءبىرجاقتى ايەلدەر جاعىنا قاراي اۋدى. ونى تەڭەستىرۋ ءۇشىن كەشەندى شارالار كەرەك. ءدال بۇگىنگى كۇنى ءمۇعالىم ماماندىعىنىڭ الەۋمەتتىك-پسيحولوگيالىق مارتەبەسى تومەنگى دەڭگەيدە. ونى كوتەرۋ اۋەلى جالاقىنى جوعارىلاتۋدان باستالۋعا ءتيىس.