ماڭعىستاۋ وبلىسىنىڭ اكىمى سەرىكباي ترۇموۆ جۇمىس ساپارىمەن جاڭاوزەن قالاسىنا باردى

30 گەكتار اۋماقتى الاتىن تەحنوپاركتىڭ نەگىزگى مىندەتى ءونىم ءوندىرۋ سالاسىنداعى جۇمىس جاسايتىن كاسىپكەرلەردى ءبىر جەرگە ورنالاستىرۋ. وسى ۋاقىتقا دەيىن الاڭعا ىشكى جانە سىرتقى ينجەنەرلىك جەلىلەر تارتىلىپ, اكىمشىلىك عيماراتى مەن انگار سالىنىپ, بولىنگەن قاراجات تولىعىمەن يگەرىلگەن. قازىرگى تاڭدا, جاڭاوزەن قالاسى اكىمدىگى جانە "اتامەكەن كاسىپكەرلەر پالاتاسى" اراسىندا جۇمىس توبى قۇرىلىپ, "بيزنەستىڭ جول كارتاسى - 2020" بيزنەستى قولداۋ جانە دامىتۋدىڭ ءبىرىڭعاي باعدارلاماسى اياسىندا وندىرىستىك الاڭنان كاسىپكەرلەرگە جەر ۋچاسكەلەرىن وۇك (وڭىرلىك ۇيلەستىرۋ كوميسسياسى) ارقىلى ءبولۋ جۇمىستارى تالقىلانۋدا. بۇگىنگى كۇنگە دەيىن وندىرىستىك الاڭعا ورنالاسۋ بويىنشا 37 كاسىپكەردەن ۇسىنىس تۇسكەن. ونىڭ ىشىندە جيھاز وندىرەتىن سەح, تىگىن شەبەرحاناسى, قاعاز, پوليەتيلەن پاكەتىن ءوندىرۋ جانە ت.ب. بار.

وسىدان كەيىن ايماق باسشىسى "بيزنەس ينكۋباتور" عيماراتىنا باردى. ورتالىقتىڭ مىندەتى قالاداعى جاڭادان ءىسىن باستايتىن كاسىپكەرلەرگە كەشەندى كومەك كورسەتۋ بولىپ تابىلادى. 2015 جىلعى ەكى جاقتى سەنىمگەرلىك باسقارۋ شارتىنا سايكەس, بيزنەس ينكۋباتور عيماراتى وبلىستىق اتامەكەن كاسىپكەرلەر پالاتاسىنا بەرىلگەن. كاسىپكەرلەرگە ىڭعايلى جاعداي جاساۋ ءۇشىن اتالعان عيماراتتى جوندەۋ جۇمىستارىن ۇيىمداستىرۋعا 1 اي مەرزىم بەرىلدى. سونداي-اق, وبلىس اكىمى قۇقىقتىق قىزمەت كورسەتۋ ورتالىعى مەن «؛نەكە سارايى»؛ عيماراتىنىڭ قىزمەتىمەن تانىستى.

كەلەسى كەزەكتە ءوڭىر باسشىسى سەرىكباي ترۇموۆ جاڭاوزەن قالالىق اتامەكەن كاسىپكەرلەرگە قىزمەت كورسەتۋ ورتالىعىنا باردى. 2014 جىلدان بەرى قىزمەت كورسەتىپ وتىرعان كاسىپكەرلەر پالاتاسىنىڭ نەگىزگى ماقساتى &ndash؛ قالا بويىنشا كاسىپكەرلىك سەكتوردى دامىتۋ, ولاردىڭ مۇددەلەرىن قورعاۋ, كاسىپكەرگە قولايلى جاعدايلاردى قامتاماسىز ەتۋ, وسى سالاداعى مەملەكەتتىك ساياساتتى, بيزنەستى جانە اكىمشىلىك ءوزارا ءىس-قيمىلداردى جەتىلدىرۋ, سەرۆيستىك قىزمەت كورسەتۋ بولىپ تابىلادى.

جۇمىس ساپارى بارىسىندا وبلىس اكىمى جاڭاوزەن قالاسىنىڭ اكتيۆىمەن كەزدەسىپ, قالانى دامىتۋدىڭ 2019-2025 جىلدارعا ارنالعان كەشەندى جوسپارىنىڭ ورىندالىسىمەن جانە قالاداعى الەۋمەتتىك ماسەلەلەرمەن تانىستى.

- الدىمەن حالىقتىڭ ءال-اۋقاتىن ارتتىرۋىمىز قاجەت. وسى باعىتتا شاعىن ورتا بيزنەستى دامىتۋىمىز كەرەك دەپ سانايمىن. مىسالى, "سپك" كاسپيي" الەۋمەتتىك كاسىپكەرلىك كورپوراسياسى ارقىلى قالادان بىرنەشە دۇكەندەر سالساق, تۇرعىندارعا جەكە كاسىپپەن اينالىسۋعا مۇمكىندىك بولار ەدى, - دەيدى سەرىكباي ترۇموۆ.

قالامىزداعى 50 كەرەۋەتتىك ستاسيونارى بار مەديسينالىق ورتالىقتىڭ قۇرىلىسىن اياقتاۋ بويىنشا كەشەندى جوسپارعا سايكەس «؛وزەنمۇنايگاز»؛ اق جانە جەكە ينۆەستيسيالار قاراجاتى ەسەبىنەن قۇرىلىس جۇمىستارىن جۇرگىزۋ جوسپارلانۋدا. كەشەندى جوسپاردا 2019-2025 جىلدار ارالىعىنداعى قاراستىرىلعان ءىس-شارالاردىڭ, ينۆەستيسيالىق جوبالاردىڭ ىسكە اسىرىلۋىنىڭ ناتيجەسىندە 5606 جاڭا جۇمىس ورىندارى قۇرىلاتىن بولادى.