مامين: ارىس قالاسىنداعى قۇرىلىس جۇمىستارىنىڭ 90% استامى اياقتالدى

قر پرەمەر-مينيسترى اسقار مامين تۇركىستان وبلىسىنا جۇمىس ساپارى بارىسىندا ارىس قالاسىنىڭ زالال كەلتىرىلگەن ۇيلەرىن, الەۋمەتتىك نىساندارىن, ينجەنەرلىك جەلىلەرىن سالۋ جانە جوندەۋ جۇمىستارىنىڭ بارىسىن تەكسەردى, سونداي-اق قالانى قالپىنا كەلتىرۋ جونىندە كەڭەس وتكىزدى qamshy.kz اقپارات اگەنتتىگى.

قر ۇكىمەتىنىڭ باسشىسى اسكەري قالاشىقتىڭ تۇرعىن ايماعىن قاراپ, ي. جۋربا اتىنداعى مەكتەپتى, قالالىق اۋرۋحانانى, تەمىر جول ۆوكزالىن, تۇرعىن ۇيلەردى قالپىنا كەلتىرۋ, ورتالىق ستاديوندى رەكونسترۋكسيالاۋ جۇمىستارىنىڭ ناتيجەلەرىمەن تانىستى.

قىسقا مەرزىمدە ارىس قالاسىندا ۇلكەن اۋقىمدى جۇمىس اتقارىلدى. قالانىڭ 90%, سونىڭ ىشىندە, تىرشىلىكتى قامتاماسىز ەتەتىن نىساندار مەن ينفراقۇرىلىمدارى قالپىنا كەلتىرىلدى. 6,5 مىڭنان استام تۇرعىن ءۇي قالپىنا كەلتىرىلىپ, 6,5 مىڭ وتباسى جوندەلگەن ۇيلەرىنە كىردى. بارلىق ينجەنەرلىك ينفراقۇرىلىم تولىق جوندەۋدەن وتكىزىلدى. كوشەلەر اۋقىمدى تۇردە رەكونسترۋكسيالاندى. 62 الەۋمەتتىك نىسان, سونىڭ ىشىندە &ndash؛ اۋرۋحانالار, مەكتەپتەر, بالاباقشالار, سپورت وبەكتىلەرى 20 تامىزعا دەيىن دايىن بولادى.

قر قورعانىس ءمينيسترى ن. ەرمەكباەۆ, ىشكى ىستەر ءمينيسترى ە. تۇرعىمباەۆ, دەنساۋلىق ساقتاۋ ءمينيسترى ە. ءبىرتانوۆ, ءبىلىم جانە عىلىم ءمينيسترى ا. ايماعامبەتوۆ, يندۋستريا جانە ينفراقۇرىلىمدىق دامۋ ءبىرىنشى ۆيسە-مينيسترى ق. وسكەنباەۆ, تۇركىستان وبلىسىنىڭ اكىمى ءو. شوكەەۆ, «؛سامۇرىق-قازىنا»؛ جىلجىمايتىن مۇلىك قورى»؛ اق باسقارما ءتوراعاسى ب. ساندىقباەۆ, «؛اتامەكەن»؛ ۇكپ باسقارما ءتوراعاسىنىڭ ورىنباسارى و. ورداباەۆ وزدەرى جەتەكشىلىك ەتەتىن باعىتتار بويىنشا بايانداما جاسادى.  ؛