شەتەلدىك ينۆەستوردى ساباعان قازاق جىگىتىن قانداي جازا كۇتىپ تۇر؟

پاۆلودار وبلىسىنداعى مارالدى كولىندە ينۆەستوردى سوققىعا جىقتى دەپ ايىپتالعان كۇدىكتى جاعدايدى ءوز نۇسقاسىندا ايتىپ بەردى دەپ جازادى qamshy.kz اقپارات اگەنتتىگى.

ايتا كەتەيىك, وقيعا شارباقتى اۋدانىنىڭ تۇرعىندارى جينالعان كەزدە بولعان. كەزدەسۋگە اكىم مەن اۋدان پروكۋرورى دا قاتىسىپتى. تۇرعىندار سول مەزەتتە ينۆەستوردى جانە ەكى ورمانشىنى ساباپ تاستاعان. اتالعان فاكتى بويىنشا پوليسيا ءۇش قىلمىستىق ءىس قوزعاعان.

"ينۆەستورعا دەنە جاراقاتىن سالدى" دەگەن ايىپ تاعىلعان كۇدىكتى ەرلان اڭداماسوۆتىڭ ايتۋىنشا, ول ەشكىمدى ۇرماعان. سونداي-اق, ونىڭ بۇل سوزدەرىن دالەلدەيتىن ۆيدەولار دا بار كورىنەدى.

• «؛وزىم دە تۇسىنبەيمىن. قولىم ءبۇتىن. دەنەمدە ەشقانداي سىزات جوق. مەن بۇل نارسەنى ىستەي الماس ەدىم. ءبىز اتالعان ءىستى شارباكتى اۋدانىنىڭ ىشكى ىستەر بولىمىندە تەكسەرۋىن تالاپ ەتەمىز. ءىستى وبلىسقا جىبەرگەنىن قالامايمىز»؛, - دەدى جىلىبۇلاق اۋىلىنىڭ تۇرعىنى ەرلان اڭداماسوۆ.

اۋدان تۇرعىندارى مارالدى كولىن جالعا العان كىسىلەردىڭ جۇمىسىنا كوڭىلدەرى تولمايتىنىن مالىمدەدى. تۇرعىنداردىڭ ايتۋىنشا, جالعا الۋشىلار ءۇش جىل بۇرىن بەرگەن ۋادەلەرىن ءالى كۇنگە ورىنداماي كەلەدى. ءۇش جىل بۇرىن جالعا الۋشى تاراپ جەرگىلىكتى تۇرعىنداردىڭ كۋرورتتىق ايماققا ەركىن كىرىپ-شىعاتىنىن, جۇمىسپەن قامتيتىنىن ايتقان ەكەن.

• «؛ولار باسىنان باستاپ جەرگىلىكتى حالىقپەن ساناسۋى كەرەك ەدى. قۇرت, قىمىز ساتۋىمىزعا ۇسىنىس جاساۋى ءتيىس ەدى. ءبىز ونسىزدا بارامىز ول جاققا. ءبىراق كىرۋ ءۇشىن مىڭ تەڭگە سۇرايدى. ال ەڭ باسىندا اڭگىمە باسقا ەدى. بىزگە ساتىڭدار, اقشا تابىڭدار, كىرىڭدەر دەگەن»؛, - دەيدى جەرگىلىكتى تۇرعىن نۇرجان ماتاەۆ.

سونىمەن قاتار, جەرگىلىكتى تۇرعىنداردىڭ اڭگىمەسىنە سەنسەك, ينۆەستورلار تازا كولدى لاستاپ جاتىر-مىس.

• «؛كوپ اقشا بولىنەدى عوي. ەشقاندار سانيتارلىق تازالىق جوق. مىنە, ولگەن جىلقىنىڭ دەنەسى وسى جەردە جاتقانىنا ەكى جىل بولدى. مىنە, ءبىزدىڭ كولىمىزدىڭ جاعدايى &ndash؛ وسى»؛, - دەيدى جىلىبۇلاق اۋىلىنىڭ تۇرعىنى داۋلەت ايماحانوۆ.