• usd 468.56

  • eur 497.56

  • rub 7.3

  • cny 67.18

29 ناۋرىز, 01:34:57
+35°

01 تامىز, 2019 ايماقتار

شىمكەنتتىڭ جاڭا اكىمى قالا اكتيۆىمەن العاشقى جينالىسىن وتكىزدى

اكىم تۇرعىنداردىڭ ماسەلەلەرىن جەدەل ءارى ساپالى شەشۋ ماقساتىندا اۋدان اكىمدەرىنىڭ قۇزىرەتتەرىن زاڭ اياسىندا كەڭەيتۋ قاجەتتىگىن اتادى.

شىمكەنت قالاسىنىڭ ؛اكىمى ەرلان ايتاحانوۆ 31 شىلدە كۇنى العاشقى جينالىسىن وتكىزدى qamshy.kz اقپارات اگەنتتىگى اكىمدىك سايتىنا سىلتەمە جاساپ. مەگاپوليس اكىمى ءماجىلىستىڭ باسىندا اۋدانداردىڭ جانە باسقارمالاردىڭ جۇمىس باعىتتارىمەن تانىستى.

ەرلان قۋانىشۇلى ەڭ وزەكتى ماسەلەلەردىڭ ءبىرى رەتىندە قالانىڭ شالعاي ەلدىمەكەندەرىن دامىتۋ قاجەتتىگىن باسىپ ايتتى. قاجەت ينفراقۇرىلىمنىڭ, اتاپ ايتقاندا, ساپالى اۋىزسۋ, گازبەن جابدىقتاۋ, ەلەكتر قۋاتى, جول, كارىز جۇيەلەرىنىڭ جەتكىلىكسىزدىگى ماسەلەسىن جۇيەلى تۇردە شەشۋدى ؛تالاپ ەتتى. كەلەسى جىلدىڭ باسىمدى باعىتى رەتىندە قالانىڭ شالعاي ەلدىمەكەندەرىن دامىتۋدى ايقىندادى.

"جەرگىلىكتى بيلىك, قالانىڭ ءار تۇرعىنىنا, ولاردىڭ تۇرعىلىقتى مەكەنجايىنا قاراماستان بىردەي جاعداي جاساۋى قاجەت, ياعني, ءومىر سۇرۋگە قولايلى ءارى ءقاۋىپسىز ورتا قالىپتاستىرۋ, بۇل ؛- ەلباسىمىز جانە پرەزيدەنتىمىزدىڭ اكىمدەرگە قويعان باستى تالابى", - دەپ اشىپ ايتتى ەرلان قۋانىشۇلى.

ەرلان ايتاحانوۆ

اكىم, سونىمەن قاتار, تۇرعىنداردىڭ ماسەلەلەرىن جەدەل ءارى ساپالى شەشۋ ماقساتىندا اۋدان اكىمدەرىنىڭ قۇزىرەتتەرىن زاڭ اياسىندا كەڭەيتۋ قاجەتتىگىن اتادى.

"اۋدان اكىمدەرىنە حالىق مۇڭ-مۇقتاجىن ايتىپ كەلەدى, ال اكىمدەردە ونى شەشەتىن نە قۇزىرەتى جوق, نە قاراجاتى جوق. حالىق اۋدان اكىمىنە پرەزيدەنتتىڭ وكىلى دەپ سەنىپ, ءۇمىت ارتىپ كەلەدى. ولار قاراپايىم ماسەلەنى شەشە الماسا, حالىقتىڭ بيلىككە دەگەن سەنىمى جوعالادى", - دەپ مالىمدەدى اكىم.

وسىعان وراي قالاداعى نەگىزگى جوبالاردى اۋدان اكىمدەرىمەن الدىن الا كەلىسۋدى تاپسىردى. بۇعان قوسا ؛بيۋدجەتتىڭ ءتيىمسىز جوسپارلانۋ فاكتىلەرىن اتاپ, بيۋدجەت شىعىندارىن ىشكى رەزەرۆتەردى پايدالانا وتىرىپ, تەز ارادا وڭتايلاندىرۋدى تاپسىردى. قالا باسشىسى, سونىمەن قاتار, اتاۋلى الەۋمەتتىك كومەك كورسەتۋ ساپاسىن ارتتىرۋ بويىنشا جۇيەلى تاپسىرمالار بەردى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر